Avdelingsleiar Vardheia ungdomsskule

Me er på leit etter ny avdelingsleiar og ser etter ein som brenn for å skape ein unik skule basert på våre tre fokusområde: praktisk, kreativ og digital. I dette lar me oss inspirera av tankane til Ken Robinson og Mitch Resnick.

Sentralt i skulebygget er kantine og sceneområde, læringslab og mediatek. Desse områda er tilgjengelege for elevane gjennom skuledagen og vert brukt aktivt både fagleg og sosialt arbeid. Skulen er skildra godt i Utdanningsnytt - sjålink

Det store oppdraget og målet i oppvekst i Time er at elevane skal fullføra vidaregåande opplæring for vidare utdanning og arbeid. Sjølv om det er eit stykke fram til elevane på Vardheia ungdomsskule skal fullføra vidaregåande opplæring, er kvar dag ein god dag for livet her og nå, og eit grunnlag for at elevane skal lukkast når dei går vidare. Formålet i skulen er danning og utdanning, og dette ansvaret kan ingen bæra åleine.På Vardheia ungdomsskule har me eit tverrfagleg team, "Laget rundt læraren og eleven", som består av spesialpedagogisk koordinator, operativ sosialfagleg ressursperson, helsesjukepleiar og PPT-kontaktperson. Laget samarbeider tett i arbeidet med førebyggande tiltak, og bistår skulen med å løysa utfordringar.

Ein del av læringsarbeidet ved vår skule handlar om å vera med i nettverksgrupper på tvers av kommunane i Jærskulen.

Arbeidsoppgåver

Som avdelingsleiar på eit trinn vil du ha ansvar for dagleg drift, resultatoppfølging, personaloppfølging og pedagogisk utviklingsarbeid saman med rektor. Arbeid med ressursfordeling, spesped- og sospedansvarleg er viktige driftsoppgåver gjennom heile året. Arbeidsoppgåver elles blir fordelte etter kompetanse, erfaring og skulen sine behov. Det kan derfor ligga undervisning til stillinga.

Kvalifikasjonar

Stillinga krev at ein har godkjend lærarutdanning for ungdomstrinnet. og minst tre års erfaring frå grunnskulen. Me ser etter ein person som er utviklingsorientert, har god relasjonskompetanse, gode samarbeidsevner og som har innsikt og forståing for administrative oppgåver, læreplanarbeid og skule- og organisasjonsutvikling.

Vidareutdanning innan skuleleiing, spesped og god IKT kompetanse er ønskeleg.
Om ein manglar vidareutdanning innan skuleleiing er det forventa at ein fullfører denne etter nærmare avtale.

Personlege eigenskapar

• Gode samarbeidsevner, både internt og eksternt, og kunne bidra positivt i jobbfellesskapet
  
• Evne til å kunne arbeide sjølvstendig og ta initiativ til oppgåver som må gjennomførast
  
• Villig til å ta fatt på nye arbeidsoppgåver etter kvart som organisasjonen endrar seg
  
• Du må like utfordringar, vere engasjert, løysingsorientert og kunne trekke slutningar
  
• Evne til å ta ansvar for eigen utvikling og ta til deg ny kunnskap
  
• Du må ha gode kommunikasjonsevner og framstå klar og tydeleg
  
• Det krevst gode norskkunnskapar, og både skriftleg og munnleg framstillingsevne vil bli vektlagt i tilsetjingsprosessen

Vi tilbyr

• Moglegheit til å vera med å bygga vidare opp Vardheia ungdomsskule, der det kreative, det praktiske og det digitale står i fokus.
  
• Du vil vera ein del av ei engasjerande leiargruppe og vere leiar for dyktige tilsette med mykje energi, initiativ og eit særs godt og ungt arbeidsmiljø.
• Gode moglegheiter for personleg utvikling og til å setja ditt preg på skulen
• Lønn etter avtale
• Nært samarbeid med eit breitt fagmiljø i ein organisasjon i utvikling
• Gratis parkering og kort avstand til Bryne stasjon.

Me gjer merksam på at søkarlister til stillingar er omfatta av offentleglova. Dersom du ønsker å vera unntatt frå offentleg søkarliste, må du oppgje det i søknadsprosessen med grunngjeving.

Det blir kravd politiattest for tilsetting i stillinga.