Gamal prestebustad frå 1870 vert vurdert selt

Svært god og sentral plassering i sentrum av Hyllestad, og rett ved Hyllestad
skule og idrettsanlegg. Her finn ein også ei fotballbane, utandørs
tennisbane, løpebane, idrettshall m.m. Det er også ein dagligvarebutikk og ein barnehage rett ved bustaden.

Frå eigedommen er det berre ca. 400 meter til sjøen, der ein mellom anna har
sandstrand, naustmiljø, båtmarina og gode moglegheiter for fiske.

Hyllestad ligg fint til langs fjorden, samtidig er det umiddelbar nærleik til
flott natur og milevis med merka turløyper i ulike vanskegrader
i fjella omkring, til dømes Gygrekjeften og Lihesten (Lifjellet). Lihesten er
kommunen sitt høgste fjell på 777 moh. som stig bratt opp frå fjorden. Den
Trondhjemske Postveg går fra Hyllestad og vidare til Fjaler.
Kommunen grensar i nord mot Fjaler og i aust mot Høyanger. Sognefjorden
dannar grense mot Gulen kommmune i sør og Solund i sørvest.
Det er ca. 20 minutt køyring til Lavik ferjekai.
Til Dale i Sunnfjord er det ca. 40 minutt køyretid. Til Førde er det ca. 8 mil, og
køyretida tek ca. 1 time og 10 minutt.

Grunnmur oppført i naturstein med utvendig murpuss.
Ytterveggar over grunnmuren er oppført i tømmer, isolert, vindtetting og utvendig bordkledning av trepanel. Vindauge i trekarm med kopla
glas. Saltak, som har yttertekking av skifer. Etasjeskilje i trebjelkelag. Støpt
betongplate på mark i kjellar.

Modernisert/påkosta år 2010.
Dei fleste innvendige overflater oppussa i 2010. Utvendig blei det
lagt ny vindsperre, isolasjon og kledning i ca. 1999.
Utvendig måla i 2021.

Peisomn, panelomnar, varmekablar og varmepumpe (luft-til-luft funksjon).

Det er ikkje konsesjonsplikt på eigedomen.

Kjellar:
5 kjellarrom

1. etg.:
P-rom: Entrè, hall, 3 stuer, kjøkken, soverom, wc, vaskerom.

2. etg.:
P-rom: Gang, 4 soverom, bad/wc
S-rom: 3 boder

Kaldloft

Dei fleste innvendige overflater i bustaden blei oppgradert i
2010. WC, vaskerom og baderom blei oppgradert med nye overflater og
innredning. Nytt røyr-i-røyr system ble lagt inn til kjøkken og vaskerom i 2010.
Bustaden har 3 sikringsskåp, som alle blei oppgradert til automatsikringar i 2010.

Ytterveggar har ny kledning, vindsperre og etterisolasjon frå
ca. 1990. Ny varmepumpe (luft-til-luft) frå 2010.
Opphaldsrom har følgende innvendige overflater:
Gulv: Belegg.
Vegg: Malte veggflater av panel og strie, våtromsplater i wc, bad og vaskerom.
Garasjen inneheld 2 boder og garasjerom. Vippeport. Det er ny kledning på
gavlveggen i bakkant, samt nylagt skifer taktekking i 2018. Garasjen er på ca. 37
kvm.