Vi er i sterk vekst og treng fleire dyktige rådgivarar til Søre Sunnmøre

Bli ein del av Team Møre!

Næringslivet på Søre Sunnmøre og Nordfjord har stor spennvidde, og er kjend for si styrke og evne til å vere pådrivar og har ei sterk framtidstru. Vi har ledige stillingar til deg som vil vere med når næringane i området her veks og utviklar seg vidare. Til å jobbe saman med næringslivet på Søre Sunnmøre og i Nordfjord ser vi etter engasjerte rådgivarar som likar å tenke nytt og skape tillit.

Vi søker deg som er interessert i næringslivet i regionen vår, og som vil gjere ein forskjell. Vi ser etter deg som kjenner deg att i våre verdiar: engasjert, nær og handlekraftig.

I Team Møre er vi først og fremst opptatt av å skape gode opplevingar for kundane våre, og bidra til å gjere regionen vår til ein betre stad å bu og arbeide.

Arbeidsoppgåver og moglegheiter:

Som rådgivar er du tett på kundane dine, og den viktigaste oppgåva er å ivareta god rådgiving til nye og eksisterande kundar, kredittoppgåver, samt sal av bankens produkt og tenester. Å opparbeide og vidareutvikle gode relasjonar til kundane er sjølve kjernen i arbeidet du gjer som rådgivar.

Dersom det blir deg som blir tilsett og skal begeistre kundane våre, vil du få ei sjølvstendig rolle i det daglege arbeidet knytt til teamet på Søre Sunnmøre. Som rådgivar får du ansvaret for dine eigne kundar, og du får vere med på å skape noko for og saman med kundane våre, kvar dag!

Det er flott om dette er deg:

• Du kommuniserer godt og trivst best når du er i lag med andre menneske
• Du har gode analytiske evner
• Du er marknads- og salsorientert og likar målretta arbeid
• Du har personleg drivkraft og er glad i å lære
• Du har relevant utdanning

Det er ein fordel om du har erfaring frå næringslivet, men ikkje eit krav. Det viktigaste for oss er deg, di kompetanse og ditt engasjement!

I Sparebanken Møre verdset vi mangfald blant våre tilsette og ser etter medarbeidarar med ulik bakgrunn, erfaringar, eigenskapar og perspektiv. Vi meiner at dette gir enda betre løysingar og opplevingar for kundane våre.

Vi håpar du er inspirert og trigga til å bli ein del av Team Møre! Vi har eit aktivt, ope og inkluderande arbeidsmiljø, og vektlegg samarbeid, utvikling og kompetansedeling. Lurer du på om du er den rette og kan søke? Kontakt oss gjerne for ein uformell prat.

Kontorstad vil vere ved eit av våre kontor i regionen, fortrinnsvis Volda/Ørsta og Herøy.  

Vi kan tilby deg spanande moglegheiter i Nordvestlandet sin største bank.

Søk innan 15. februar 2022.