Rådgjevar (økonomikoordinator/controller)
Universitetet i Bergen
- Frist 13.10.2021
- Ansettelsesform Fast
Rådgjevar (økonomikoordinator/controller)
Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Video: https://youtu.be/vtJLmcUJ3-w (https://youtu.be/vtJLmcUJ3-w)
Rådgjevar (økonomikoordinator/controller)
Vi ynskjer deg velkomen til å søkje 100 % fast stilling som rådgjevar (økonomikoordinator/kontroller) ved Det medisinske fakultet, Klinisk institutt 1.
Klinisk institutt 1 er eit av fem institutt ved Det medisinsk fakultet. Instituttet har 250 tilsette og eit budsjett på om lag 100 mill. Instituttet har til ei kvar tid om lag 150 kandidatar i forskarutdanninga. Dei tilsette er organisert i 12 fagseksjonar, ei kjernefasilitet (Dyreavdelinga) i tillegg til administrasjon. Instituttet har og ansvar for eit senter for fremragande forsking (CCBIO), eit forskingssenter for klinisk behandling (Neuro-SysMed), samt Mohns ernæringslaboratorium.
Stillinga som rådgjevar/økonomikoordinator er ein del av instituttadministrasjonen med til saman 12 medarbeidarar, som har administrasjonssjefen som næraste overordna. Målet for administrasjonen er å leggje godt til rette for at det kan drivast utdanning, forsking og formidling av høg kvalitet ved instituttet. Som tilsett vil du jobbe i ein høgt kompetent og inkluderande administrasjon i eit spennande fagmiljø med dyktige folk.
Instituttet er lokalisert i ulik bygg på Haukelandsområdet, på Sandviken sjukehus, og har også tilsette ved samarbeidande sjukehus i Stavanger, Førde og Haugesund. Administrasjonen held til i Laboratoriebygget, som er eit moderne bygg med gode forskingsfasilitetar og fine kontorfasilitetar. Instituttet har sterke forskingsgrupper og fagmiljø som alle bidrar med undervising hovudsakleg til medisinstudiet og ernæringsstudiet.
Arbeidsoppgåver:
- dagleg leiing av økonomiseksjonen
- økonomioppfølging; ansvar for budsjettering og økonomirapportering
- økonomistyring av ekstern- og internfinansierte forskingsprosjekt
- støtte til forskarar ved søknader og drift av forskingsprosjekt
- kvalitetsutvikling innafor økonomiområdet
- leiarstøtte og rådgjeving i økonomispørsmål til instituttleiinga og forskingsgruppeleiarane ved instituttet
- utvikling og forbetringsarbeid av økonomiseksjonen og arbeidsmetodar
Det kan verte aktuelt å leggje andre oppgåver til stillinga.
Kvalifikasjonar og eigenskapar:
- søkjar må ha mastergrad. Lang relevant praksis kombinert med relevant etter- og vidareutdanning kan likevel i særskilte høve kompensere for manglande formell utdanning
- relevant erfaring frå tilsvarande verksemd er ønskeleg
- god forståing og erfaring frå alle prosesser i prosjektøkonomi er ein føremon
- gode ferdigheiter i Excel
- evne til å uttrykke deg godt skriftleg og munnleg både på norsk og engelsk
- gode samarbeidsevner og serviceinnstilling
Vi søkjer ein person som
- har leiareigenskapar og kan motivera andre
- er strukturert, målretta og har god gjennomføringsevne
- er positiv og serviceinnstilt
- har stor grad av sjølvstende og evne til problemløysing
- har gode kommunikasjons- og samarbeidseigenskapar
- har digital kompetanse og evne til å tileigne seg nye ferdigheiter
- kan løyse oppgåver av særleg komplisert karakter
Ved vurdering av søkjaren vil vi leggje stor vekt på dei personlege eigenskapane som er naudsynte for stillinga.
Vi kan tilby:
- spanande og utviklande arbeidsoppgåver i eit sterkt fagmiljø
- stilling som rådgjevar (kode 1434) i lønssteg 58-64 (for tida kr 524 900 - 583 500). For særs kvalifisert søkjar kan høgare løn vurderast
- medlemsskap i Statens pensjonskasse
- gode velferdsordningar (https://www.uib.no/foransatte/17399/velferd)
Generell informasjon:
Utfyllande opplysningar om stillinga kan ein få ved å vende seg til: administrasjonssjef Jorunn Skei, e-post: jorunn.skei@uib.no, mobilnr: 48 24 52 48
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Nærare om tilsettingsprosessen her (https://www.uib.no/hr/74251/ansettelsesprosessen).
Om arbeidsgiveren
Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Det medisinske fakultet består av fem institutt og sju senter. Les meir om fakultet og tilhøyrande institutt.
- Sektor: Offentlig
- Sted: Jonas Liesvei 91, 5020 Bergen
- Bransje: Forskning, utdanning og vitenskap, Offentlig administrasjon
- Stillingsfunksjon: Controller, Økonomi og regnskap, Økonomistyring og budsjettering
- FINN-kode 232862075
- Sist endret