Kyrkjelydspedagog i Brynekyrkja

Brynekyrkja ønskjer å vere ein kyrkjelyd kor barn og unge føler seg heime. Me ønskjer at alle døypte mellom 0-18 år på Bryne skal få god trusopplæring. Me søkjer ein person som kan vere med å vidareutvikle og drive trusopplæringa i Bryne kyrkjelyd saman med stab og frivillige. Dette er eit unikt høve for deg som ønskjer å jobbe med trusopplæring blant barn og unge på Bryne, i ein nytenkjande kyrkjelyd i Den norske kyrkja.

Vi har ledig 80% stilling som kyrkjelydspedagog i Brynekyrkja.

Bli med å gje vidare det viktigaste til barn og unge på Bryne. Gud gir – vi deler!

Stillinga har sin hovudarbeidsplass i Bryne, men inngår i eit team som jobbar saman om trusopplæringa på tvers av kyrkjelydane Bryne, Time og Undheim. Ein må difor pårekna noko arbeid i dei andre kyrkjelydane. I tillegg er 20% av stillinga øyremerka konfirmantarbeidet, i tett samarbeid med kateket.

Den som blir tilsett må leggje fram tilfredsstillande politiattest (barneomsorgsattest). Søkjarar må stå inne for kyrkjas verdigrunnlag og vere medlem i den norske kyrkja.

www.brynekyrkja.no

Arbeidsoppgåver

• Arbeidsoppgåver
  
• Hovudansvar for alle fasetiltak frå 0-15 år i Brynekyrkja
  
• Bidra til å vidareutvikle kontinuerlege trusopplæringstiltak på tvers av kyrkjelydane
  
• Undervisning for barn og unge
  
• 20% arbeid med konfirmantar i samarbeid med kateket
  
• Rekruttere og følgje opp frivillige medarbeidarar
  
• Kommunikasjonsarbeid
  

Endeleg stillingsbeskriving og arbeidsplan blir utarbeidd i samarbeid med den som blir tilsett. Arbeidet inneber også ein del ettermiddag/kvelds- og helgearbeid.

Kvalifikasjonar:

Ønskjeleg med

• Relevant utdanning innan pedagogikk/kristendom
  
• Erfaring og engasjement for barne- og ungdomsarbeid
  
• Erfaring med kyrkjelydsarbeid og trusopplæring
  
• Me vil òg vurdere kandidatar med anna relevant erfaring og bakgrunn.

Personelege eigenskapar

• Kreativ og nytenkjande
  
• Gode kommunikasjons- og formidlingsevner i møte med barn og unge
  
• Evne til å inspirere og koordinere frivillige medarbeidarar
  
• Strukturert og god på å planleggje langsiktig
  
• Evne til å jobbe sjølvstendig og i samarbeid med stab og frivillige
  
• Engasjert og initiativrik
  
• Fleksibel og løysingsorientert
  
• Det vil bli lagt vekt på personlege eigenskapar

Vi tilbyr

• Stor grad av fleksibilitet i stillinga
  
• Godt og inspirerande arbeidsmiljø på Time kyrkjekontor
  
• Utfordrande arbeidsoppgåver og engasjerte kollegaer
  
• Løn etter avtaleverket på kyrkjeleg sektor
  
• Medlemskap i KLP
  
• Fleksible avspaseringsordningar
  

Oppstart etter avtale, men ønskjeleg frå hausten 2021