Administrativ Team Leiar

Vi søkjer ein engasjert og ambisiøs Administrativ team leiar (engelsk – Admin Team Leader) i 100% stilling som vil ha ansvar for selskapet sin HR- og internkontroll-funksjon og tilsette i administrative funksjonar som resepsjon, transport og booking og bibliotek.

HR- og internkontroll er ny som eigen funksjon og det er viktig at du har erfaring med og likar å jobbe med tilsette i organisasjonen. Du får ei sentrale rolle i lag med tilsette med leiarfunksjonar i å legge forholda til rette for at dei tilsette trivast godt i sine roller. Det betyr at gode kommunikasjonsevner og evner til å innføre nye rutinar og å sørge for at eksisterande rutinar blir følgt, blir viktig.

Skulen vil jobbe med mange spanande utviklingsprosjekt i dei kommande åra. Som leiar med ansvar for HR og HMS, vil du få ei sentral rolle i selskapet sitt arbeid med å utvikle kultur og arbeidsmiljø i selskapa og bidra til at vi til ei kvar tid har personalressursar med rett kompetanse og kvalifikasjonar.

Skulen nyttar engelsk og norsk som språk i intern og ekstern kommunikasjon, og det er eit krav om at du har særs god framstillingevne i begge språka. Det er og viktig at du har evne til å ta del i og møte utfordringar i eit miljø med stort kulturelt mangfald.

Stillinga rapporterer til COO (Chief Operating Officer) og vil vere del av ei leiargruppe med representantar frå administrasjonen, utdanningsfaga og UWC Connect AS .

Vi ynskjer søkjarar med utdanning på høgskulenivå og som har erfaring innan HR, HMS- og interkontroll, økonomi og administrasjon.

Vi kan tilby konkurransedyktig løn, gode velferdstilbod og hjelpe til med å skaffe bustad.

Er du nysgjerrige på å jobbe i ein organisasjon med stort kulturet mangfald så sjekk ut meir informasjon om stillinga på nettsida vår https://uwcrcn.no/about-us-2/vacancies/

For spørsmål om stillinga, kontakt gjerne COO, Ola Hovland på tlf 958 94 683