Fritidshytte på fjellet i Kvinnherad, 5 min frå Fjellhaugen skisenter og kring 20 min frå idylliske Rosendal.

Velkommen til Bjørnebølsvegen 132, moderne hytte med høg standard og ein fin plassering med utsikt og gode soltilhøve. Hytta ligg fint til med sol frå morgon til kveld. Det er fleire flotte uteplassar kring hytta som legg til rette for hyggelege stunder.
Kvalitetar:
- Barnevennleg
- Gode solforhold
- Frittliggjande
- Turterreng utanfor døra og i nærområdet
- Grillplass med takoverbygg
- Boblebad med takoverbygg

Hytta har ein meget god planløysing med 4 soverom (10 soveplassar), 1 bad med forbrenningstoalett, stove, kjøkken og romsleg hall. Det er god lagringsplass.

Hytta ligg like ved Røytehølen i Kvinnherad kommune. Den er ei av få fritidseigedomar i området.

Tilkomst ved bruk av privat veg fram til "Blåfalli 3" der det er mogleg å parkera. Vegen er open heile året då SKL brøyter fram til "Blåfalli 3". Frå "Blåfalli 3" er det omlag 500 meter å gå til fots. I sommarhalvåret kan ein køyra lengre fram mot hytta, og treng berre å gå omlag 150 meter på sti.

Frå hytta er det kort veg om du vil gå deg ein tur i fjellet, spenne på deg ski og ta deg ein tur, prøve lukka i fiskevatn eller aksle hagla og sjå etter ryper. Hytta ligg omlag 3,3 km unna Fjellhaugen skisenter, der det er skitrekk og langrennsløyper.

Frå hytta til Rosendal sentrum, som inkluderar mellom anna Baroniet, Folgefonnsenteret og ei koseleg handlegate, er det omlag 20 km.

Hytta er av nyare dato, oppført på 2000-talet. Hytta har saltak med torv og ytterveggane er kledd med ukanta kledning utvendig. På tomta er det i tillegg ein grillplass med takoverbygg, samt takoverbygg over badestamp.

Hytta går over to plan.
Første etasje inneheld stove, kjøkken, to soverom, baderom, gang og innvendig bod.
Andre etasje består av to soverom og gang. Hytta er innreia med panel og det er golvbelegg på golva. Det er innlagt straum, men ikkje innlagt vatn. Det er lagt opp vasslange ute, som vert kopla frå om vinteren. Ein kan óg hente vatn i elva ved sida av hytta. Det er utslagsvask på kjøkkenet og på badet.

Stova er innreia med sofagruppe, tv, spisebord, osv. Frå stova har du utgang til terrasse. Når det blir mørkt ute kan du fyre i peisen og tenne stearinlys.

På kjøkkenet er det skap oppe og nede, i tillegg til kjøleskap, kaffetraktar, mikrobølgeomn, komfyr og utslagsvask. Det er 6 sitjeplassar ved spisebordet. Mellom kjøkkenet og stova er det open løysing.

Hytta har vedomn som kan nyttast til å fyre i og koke vatn.

Hovudsoverommet i første etasje har dobbeltseng, medan soverom nr 2 har etasjeseng. Begge soveromma i andre etasje har dobbeltsenger. Det står i tillegg ei ekstra seng på loftet.

På badet er det nokre skap, utslagsvask og eit zindarella forbrenningstoalett. Golvet på badet er utstyrt med varmekablar.

Tilstandsrapport vert sendt over ved førespurnad.
Det er ingen forkjøpsrett på hytta. Inventar som er i hytta ved visning inkluderast i salget, det inkluderar møblar og senger, med mindre anna vert avtalt.