Bli med å utvikla demensomsorga i Bjørnafjorden kommune

Vi søkjer sjukepleiarar til Luranetunet bu- og behandlingssenter

Vi har ledige stillingar, i 60% -100%, for engasjerte sjukepleiarar som vil vera med å bidra til utvikling av dei seks avdelingane våre for personar med demenssjukdom. Avdelingane har mellom 11 og 20 bebuarar, og den eine har ei forsterka eining for alderspsykiatri.

Bebuarane våre er i ulike fasar av sjukdomen sin. Nokre er i god fysisk form, medan andre er i livets sluttfase. Vi ønskjer å bli kjent med personen bak sjukdommen, og har fokus på kommunikasjon og miljøarbeid. Saman med bebuaren, pårørande og andre helsetenester jobbar vi for å finna dei beste løysingane for kvar enkelt.

Om Luranetunet bu- og behandlingssenter

Luranetunet rommar 2 korttidsavdelingar, 8 langtidsavdelingar og serviceavdelingar - reinhald, vaskeri, kantine, teknisk.Luranetunet sin visjon er "Varme og vekst i samspel". Visjonen spring ut av den flotte, overbygde tropehagen på 1300 m2 i sentrum av Luranetunet. Her er det varmt og godt heile året, og aktivitet på både dag- og kveldstid. Hagen er ein god plass å vera for bebuarar, pårørande og tilsette - og alt anna som veks og trivst når vi legg til rette for det. Ute har vi sansehage med høner, kaninar, lysthus, bærbuskar, tre og planter.Varme og vekst står for den gode omsorga bebuarane våre skal oppleve, den personlege og fagleg utviklinga vi ønskjer for dei tilsette, og den varme velkomsten vi vil gje til pårørande og andre som kjem på besøk til oss.

Luranetunet er ein utdanningsinstitusjon med mange studentar, lærlingar og elevar som har krav på god rettleiing, og sjukepleiarane er sentrale i dette arbeidet. Vi dokumenterer helsehjelp i Profil og vi har eit elektronisk kvalitetssystem med rutinar og prosedyrar som kvar enkelt er ansvarleg for å halde seg oppdatert på. Sjå heimesida vår for meir informasjon: Bjornafjorden.no eller Luranetunet si Facebook side.

Vi ønskjer oss deg som

- har fullført sjukepleiarutdanning / autorisasjon, gjerne med vidareutdanning innan geriatri eller psykiatri, men nyutdanna er også velkomen til å søkja

- har eit hjarte som bankar ekstra for eldre innan demensomsorg

- ser kva for oppgåver som er viktige i arbeidet med å aktivisera og stimulera bebuarane for å få fram glede og trivsel i  kvardagen, og når livet nærmar seg slutten evnar du å utføra god palliativ pleie

- deler kompetansen din og har gode kommunikasjons- og samarbeidsevner

- er engasjert, positiv og villig til å læra

- er fleksibel, endringsvillig, og likar å arbeida i høgt tempo

- er bevisst handlingane dine og set respekt, lojalitet og etikk høgt

- bidrar positivt til arbeidsmiljøet i avdelinga, og er heller ikkje er redd for å bli kjent i andre avdelingar og bidra der om   det trengst.

Saman med dyktige kollegaer vil du utføra sjukepleiaroppgåver som sikrar høg kvalitet og at brukarane sine rettar blir ivaretatt. Søkjarar utanfor Norden må ha gode språkferdigheitar, både munnleg og skriftleg (B2-nivå). Utanlandsk utdanning må vere NOKUT-godkjent.

Vi gjer merksam på at du må legge fram politiattest.

Vi arbeidar for å få etablert heiltidskultur i kommunen.

Vi kan tilby

100 % fast stilling, men vi er fleksible med omsyn til stillingsstorleik. Avdelingane har ulike arbeidstidsordningar, frå

to-delt turnus med arbeid kvar 3. helg, til turnus med langvaktar og arbeid kvar 4. helg. Oppgi gjerne kva du kunne

tenkja deg i søknaden. Som ny i avdelinga vil du få god oppfølging og rettleiing (fadderordning). Nyutdanna

sjukepleiarar vil få tilbod om eit særskilt tilpassa introduksjonsprogram. Vi har og eit eige nettverk for palliasjon der alle

avdelingar er representert.

Luranetunet har plan for internundervisning og det er moglegheit for relevant vidareutdanning, samt deltaking på

aktuelle kurs. Bjørnafjorden kommune har gode pensjons- og forsikringsordningar og løn etter gjeldande avtaler.

Vi arbeidar for å få etablert heiltidskultur i kommunen.