Utløpt

Bli med å utvikla demensomsorga i Bjørnafjorden kommune

Arbeidsgiver
Bjørnafjorden kommune
Stillingstittel
Bli med å utvikla demensomsorga i Bjørnafjorden kommune
Frist
15.06.2020
Ansettelsesform
Fast
Bli kjent med Bjørnafjorden kommune

Luranetunet bu- og behandlingssenter søkjer sjukepleiarar 

Vi har ledige stillingar for engasjerte sjukepleiarar som vil vera med å bidra til utvikling av dei seks avdelingane våre for personar med demenssjukdom. Avdelingane har mellom 11 og 20 bebuarar, og den eine har ei forsterka eining for alderspsykiatri. Bebuarane våre er i ulike fasar av sjukdomen sin. Nokre er i god fysisk form, medan andre er i livets sluttfase. Vi ønskjer å bli kjent med personen bak sjukdommen, og har fokus på kommunikasjon og miljøarbeid. Saman med bebuaren, pårørande og andre helsetenester jobbar vi for å finna dei beste løysingane for kvar enkelt.

Om Luranetunet bu- og behandlingssenter

Luranetunet sin visjon er "Varme og vekst i samspel". Visjonen spring ut av den flotte, overbygde tropehagen på 1300 m2 i sentrum av Luranetunet. Her er det varmt og godt heile året, og aktivitet på både dag- og kveldstid. Hagen er ein god plass å vera for bebuarar, pårørande og tilsette - og alt anna som veks og trivst når vi legg til rette for det. Varme og vekst står for den gode omsorga bebuarane våre skal oppleve, den personlege og fagleg utviklinga vi ønskjer for dei tilsette, og den varme velkomsten vi vil gje til pårørande og andre som kjem på besøk til oss. Ute har vi sansehage med høner, kaninar, lysthus, bærbuskar, tre og planter.

Luranetunet er ein utdanningsinstitusjon med mange studentar, lærlingar og elevar som har krav på god rettleiing, og sjukepleiarane er sentrale i dette arbeidet. Vi dokumenterar helsehjelp i Profil og vi har eit elektronisk kvalitetssystem med rutinar og prosedyrar som kvar enkelt er ansvarleg for å halde seg oppdatert på.

Vi ønskjer oss deg som har følgjande kvalifikasjonar :

- har fullført sjukepleiarutdanning / autorisasjon, gjerne med vidareutdanning innan geriatri eller psykiatri, men nyutdanna er også velkomen til å søkja

- har eit hjarte som bankar ekstra for eldre innan demensomsorg

- ser kva for oppgåver som er viktige i arbeidet med å aktivisera og stimulera bebuarane for å få fram glede og trivsel i kvardagen, og når livet nærmar seg slutten evnar du å utføra god palliativ pleie

- deler kompetansen din og har gode kommunikasjons- og samarbeidsevner

- er engasjert, positiv og villig til å læra

- er fleksibel, endringsvillig, og likar å arbeida i høgt tempo.

- er bevisst handlingane dine og set respekt, lojalitet og etikk høgt.

- bidrar positivt til arbeidsmiljøet i avdelinga, og er heller ikkje er redd for å bli kjent i andre avdelingar og bidra der om det trengst

Søkjarar utanfor Norden må ha gode språkferdigheitar, både munnleg og skriftleg (B2-nivå). Utanlandsk utdanning må vere NOKUT-godkjent.

Vi gjer merksam på at du må legge fram politiattest.

Vi arbeidar for å få etablert heiltidskultur i kommunen.


Vi tilbyr

100 % fast stilling, men vi er fleksible med omsyn til stillingsstorleik. Avdelingane har ulike arbeidstidsordningar, frå to-delt turnus med arbeid kvar 3. helg, til turnus med langvaktar og arbeid kvar 4. helg.

Oppgi gjerne kva du kunne tenkja deg i søknadsbrevet.

Som ny i avdelinga vil du få god oppfølging og rettleiing (fadderordning). Nyutdanna sjukepleiarar vil få tilbod om eit særskilt tilpassa introduksjonsprogram. Vi har og eit eige nettverk for palliasjon der alle avdelingar er representert. 

Saman med dyktige kollegaer vil du få utføra sjukepleiaroppgåver som sikrar høg kvalitet og at brukarane sine rettar blir ivaretatt.

Luranetunet har plan for internundervisning og det er moglegheit for relevant vidareutdanning, samt deltaking på aktuelle kurs.

Bjørnafjorden kommune har gode pensjons- og forsikringsordningar og løn etter gjeldande avtaler.


Ser fram til å høyra frå deg !


Slik søkjer du

Klikk på "søk på stilling" og følg vidare instruksjonar.


Om arbeidsgiveren

Bjørnafjorden kommune ligg i naturskjønne omgjevnader rundt Bjørnafjorden, sør for Bergen. Bjørnafjorden består av tidlegare Os og Fusa kommunar, med omlag 25.000 innbyggjarar og eit areal på 519km2.

Sektor
Offentlig
Sted
Solstrandsvegen 39, 5201 Os
Bransje
Helse og omsorg
Stillingsfunksjon
Sykepleier / Eldreomsorg

Spørsmål om stillingen

Kontaktperson
Hilde Karin Storum
Stillingstittel
fung. einingsleiar
Mobil
97 67 07 17
Følg firma
488 følger dette firmaet

Solstrandsvegen 39, 5201 Os

Annonseinformasjon

FINN-kode 180437460
Sist endret 10. jul. 2020 14:20

Rapporter annonse