Prosjektert Hedvig-hytte i attraktivt tomteområde på Gullingen

Beliggenhet

Din tur. Di helg. Di hytte. Ditt val.

Me har gleda av å presentere denne flotte prosjekterte Hedvig-hytta som skal byggjast på ei av dei beste tomtene i det nye hyttefeltet Åsliadn på Gullingen. Hedvig-hytta er moderne, elegant og nyskapande, og med sine 3 (4) soverom og hemsrom er det god plass til både kjernefamilien, storfamilien eller ein ekstra familie. Spør oss gjerne om andre løysingsforslag slik at me kan vera med dykk å gjera vegen fram til ei god helg i dykkar eiga Hedvig-hytte litt kortare.


Åsliadn er eit nyetablert hyttefelt som er plassert i det attraktive området mellom Gullingen leirskule og Gullingen skisenter. Ein vil kunne køyre heilt fram til hytta både sommar- og vinterstid.
Sjå meir informasjon om området på www.gullingen.com

Generelt

Denne prosjekterte Hevdig-hytta ligg midt i eit natureldorado med flotte turområde, både sommar og vinter. Solfylt tomt med utsikt mot Mosvatnet og mot Skuteheia og Reinsnuten. Rett utafor døra har ein direkte adkomst til eit løypenett med milevis med skiløyper; preparerte løyper for skøyting, klassisk og enkle kvista løyper, samt lysløype og skileik og kort avstand til Gullingen Skisenter. Her er også utbygd eit godt turløypenett tilpassa ein kvar alder og form. Her er moglegheit for fiske i fjellvatn eller i Suldalslågen, samt moglegheiter for jakt. Om sommaren er her ideelt for sykling innover anleggsvegen forbi Sandsavatnet og til Blåsjømagasinet.

Frå Åsliadn tek det ca 25 minutt å køyre til strandstaden Sand. Der finn du eit variert tilbod av butikkar, eit rikt utval av kaféar, småbåthamn, laksestudio, Ryfylkemuseet og kulturhus som har eit godt kulturtilbod med m.a. kafé, bibliotek, kino og bowling. På Sand finn du også det nye flotte symjeanlegget Suldal Bad med 25 meters basseng, terapibad, stupetårn, vannsklie, utandørs boblebad og kafè.

Adkomst/Tomteforhold

Frå Stavanger tek det kun 2 timar og 15 minutt i bil etter at Ryfylketunnelen opna. Ein må passere ferjesambandet Hjelmeland-Nesvik som har avgangar omlag kvart kvarter.

Frå Haugesund kjem ein ferjefritt til Gullingen på ca 2 timar.

Det er ingen fjellovergangar som må kryssast for å koma til Gullingen, og det gir ei meir avslappande reisetid der ein slepp å tenke på risikoen for kolonnekøyring og stengte vegar.

GOD HELG

Me ønskjer deg ei god helg. Uansett når i veka, eller når i livet, den måtte koma.
For med helg meiner me den staden du dreg for å trekka pusten djupt inn, og så roleg ut igjen.

Me ønskjer deg GOD HELG i di eiga Hedvig-hytte

Innhold

Standard