Vi trenger ny engasjert barnehagesjef i Klepp kommune

Om stillinga

Barnehagesjefen har ansvar for alt arbeid innanfor barnehagesektoren i kommunen og skal sikre at barnehagane er ein lærande organisasjon, som er i stadig utvikling. Barnehagesjefen har eit overordna økonomiansvar for sektoren, og har personalansvar for 14 kommunale styrarar. Det er 20 barnehagar i kommunen og seks av dei er private. Under barnehagesjefen ligg også kommunens fagteam. Det er tilknytta ein av barnehagane.

Barnehagesjefen er del av kommunalsjefen sitt leiarteam, saman med oppvekst- og skulesjef.

Oppgåver:

Barnehagesjefen skal leia og vera pådrivar for utvikling og fornying i barnehagane og for å realisera overordna planar og pålegg. Sakshandsaming som barnehagemyndigheit er lagt til stillinga. Barnehagesjefen vil delta saman med skulesjef og oppvekstsjef for å vidareutvikla ei tett samhandling mellom skular, barnehagar og andre avdelingar i oppvekstområdet. Barnehagesjefen rapporterer til kommunalsjef Barn og unge

Kvalifikasjonar:

Søkarar må ha høgare relevant utdanning og god kjennskap til barnehagefeltet. Det blir lagt vekt på relevant leiarerfaring og strategisk forståelse. Det vil vera ein fordel å ha erfaring i samhandling mellom politikk og administrasjon. Det blir også lagt vekt på at ein er oppdatert på kva som er aktuelt innanfor barnehageområdet nå. Søkarar må ha kunnskap om lov- og avtaleverk knytt til barnehageområdet, samt medbestemming. Søkarar må ha innsikt i økonomi og administrasjon. Det er eit krav om å beherske begge målføre.

Personlege eigenskapar

Klepp kommune ønsker ein barnehagesjef som utviser tydeleg leiarskap, vilje til å utvikla barnehagesektoren og som evnar å kombinera strategisk og målretta arbeid med ein motiverande og samarbeidande stil.

For meir informasjon, ta kontakt med kommunalsjef Anne-Jorunn Bjørkum Leigvold, mobil: 95461946

Løn etter avtale.