Undervisningsinspektør Bryne skule
- Arbeidsgiver
- Time kommune
- Stillingstittel
- Undervisningsinspektør
- Frist
- 31.03.2019
- Ansettelsesform
- Fast
Me søkjer
Ved Bryne skule er det ledig 100% fast stilling som undervisningsinspektør frå 01.08.2019.
Du kan vera med å leia ein skule som er oppteken av framgang i læring for alle elevar.
Dette skuleåret har me særleg fokus på å auke elevane sin motivasjon gjennom praktisk,
relevant, utfordrande og variert undervisning.
Som skule er me kunnskapssøkande og opptekne av kvalitet. Me har inngått
partnarskapsavtale for praksisopplæring av lærarstudentar ved UIS. På denne måten
sikrar me at me er oppdatert på det som skjer i lærarutdanninga, og det er også eit
viktig tiltak for rekruttering av nye lærarar til skulen vår. Bryne skule er med i
innovasjonen "Laget rundt lærar og elev" som er eit samarbeid mellom skule, PPT og
Helsestasjonen for å styrke elevane si psykiske helse og læring.
Skuleåret 2019-2020 blir me med i Udir si nasjonale satsing "Inkluderande barnehage og skulemiljø".
Du vil bli del av vårt leiarteam som består av rektor, ass. rektor og to
undervisningsinspektørar. Å vera leiar hos oss betyr at du får ansvaret for å leia
lærarane si læring og utvikling på 1.-2. trinn, 3.-4. trinn, eller 5.-7. trinn.
Stillinga omfattar 60% til leiing, og 30- 40% til undervisning , alt etter kva kompetanse og kvalifikasjonar du har.
Me tilbyr
- Eit leiarteam som er opptatt av å spela på lag, og gjera kvarandre gode
- Eit kollegium som er opptekne av å finna løysingar saman
- Eit kollegium med god trivsel og mykje humor
- Eit kollegium med mangfald når det gjeld alder og kjønn
Om arbeidsplassen
Bryne skule er ein barneskule som ligg sentralt i Bryne med 480 elevar og ca 75 tilsette
skuleåret 2018-19. I Time kommune brukar me digitale verktøy for å styrka læringa
til elevane, og for å få til ei meir tilpassa opplæring. Alle elevane har eige lærebrett (iPad)
som eit viktig læringsverktøy. Bryne skule er del av "Jærskulen", som er eit forpliktande og
tett skulesamarbeid mellom kommunane Gjesdal, Hå, Klepp og Time. Bryne skule er i nettverk
med Varhaug skule, Kleppe skule, Bore skule og Rosseland skule.
Om arbeidsoppgåvene
- Ansvar for dagleg oppfølging og pedagogisk utviklingsarbeid
- Praktisera leiarvandring
- Timeplanar og ressursfordeling til trinna
- Ansvar for å skaffa og følgja opp vikarar
- Oppfølging av lærebrett; organisering og pedagogisk ansvar på dine trinn
- Oppfølgingsansvar i forhold til overgang frå barnehage til barneskule, eller barneskule til ungdomsskule
Kvalifikasjonar
- Pedagogisk utdanning, minst 3 års undervisningserfaring i skulen, og med vidareutdanning i
skuleleiing (eller ønskje om å ta dette)
- Eit inkluderande og positivt elevsyn
- Utdanning eller god realkompetanse innan IKT- området, med særleg vekt på pedagogisk
bruk av lærebrett i undervisninga.
- Evne til å arbeida sjølvstendig og strukturert, og til å vera fleksibel og løysingsorientert
- Mot til å meina, er tydeleg, robust og engasjert
- God pedagogisk forståing, og blikket retta mot skulen i framtida
- Gode samarbeidsevner, og likar å arbeida på lag med andre
- Har gode norskkunnskapar både skriftleg og munnleg
Elektronisk søknadsprosess
Time kommune nyttar elektronisk søknadsprosess. Det er ikkje høve til å leggja ved
attestar og vitnemål. Desse må du ta med til eit eventuelt intervju.
Viss du har spørsmål til søknadsprosessen, kan du kontakte personalavdelinga via servicetorget på tlf. 51 77 60 00.
Me gjer merksam på at opplysningar om søkjaren kan verta offentleggjorde, sjølv om
ein har bede om å bli unntatt offentlegheit. Søkjar vil bli varsla før offentleggjering.
Time kommune er opptatt av mangfald og me oppmodar derfor alle som er kvalifiserte
til å søka hos oss; uansett alder, kjønn, etnisitet, religion, funksjonsevne, seksuell orientering og kjønnsidentitet.
Kontaktperson
Heidi Barvik, Rektor, tlf: 51776402, mobil: 91374319, heidi.barvik@time.kommune.no
Om arbeidsgiveren
“Me skal gjera kvarandre gode” er leveregelen for oss som jobbar i Time kommune.
Me bruker innovasjon for å utvikla og forbetra tenestene i lag med brukarane. Time kommune skal vera ein trygg og framtidsretta kommune for innbyggjarar, tilsette, besøkjande og næringsliv.
Time kommune har 18 800 innbyggjarar og ligg midt på Jæren, med Bryne som regionssenter og haldeplass for Jærbanen.
- Sektor
- Offentlig
- Sted
- OLA BARKVEDS VEG 16, 4340 Bryne
- Bransje
- Barn, skole og undervisning
- Stillingsfunksjon
- Undervisning og pedagogikk / Inspektør
Nøkkelord
barn, oppvekst
Spørsmål om stillingen
- Kontaktperson
- Heidi Barvik
- Stillingstittel
- Rektor
- Telefon
-
51 77 64 02
91 37 43 19
OLA BARKVEDS VEG 16, 4340 Bryne