Prosjektleiar / Leiar

NAV leverer arbeids- og velferdstenester til Norges befolkning og har 19 000 medarbeidarar fordelt over heile landet.NAV skal gje menneske moglegheiter. Vårt hovudmål er å få fleire i arbeid. Vi ser etter deg med pågangsmot og engasjement og som ønsker meiningsfulle og varierte arbeidsoppgåver.

Arbeids- og velferdsetaten og kommunen er likeverdige eigarar av NAV-kontoret, og begge instansar er såleis involvert i arbeidet med å utvikle NAV Bjørnafjorden. I tillegg til kommunesamanslåinga kjem etableringa av NAV Vestland og nye måtar å organisere tenester nærare brukarar og arbeidsgivarar. NAV Bjørnafjorden blir del av ein region der kontora samarbeider om å utvikle og sikre gode og stabile fagmiljø på tvers av fleire kommunar. Det skal sikrast at arbeidsgivarar og brukarar har tilgang til heilskaplege og kvalitativt gode tenester frå NAV.

Bjørnafjorden kommune søkjer i samarbeid med Arbeids- og velferdsetaten prosjektleiar for etablering av NAV-kontoret.Prosjektleiar si oppgåve blir først å leie prosjekt som fører fram til felles organisering av NAV-tenestene frå og med 01.01.2020. Prosjektleiar blir så leiar for NAV Bjørnafjorden og statleg leiar for Region Midthordaland, som omfattar kommunane Bjørnafjorden, Samnanger og Austevoll. Det er utarbeidd retningsliner for prosjektarbeid både i statleg og kommunal line som skal følgjast, og det er vektlagt stor grad av medråderett og medverknad frå tilsette.

Det er semje mellom Arbeids- og velferdsetaten og kommunane at prosjektleiaren og seinare leiaren for NAV Bjørnafjorden skal ha kommunalt tilsetjingstilhøve. Prosjektleiar vert formelt tilsett i Os kommune og overført til Bjørnafjorden kommune frå 01.01.2020. Det er ønskjeleg med snarleg tiltreding.

Arbeidsoppgåver
* Administrativt og fagleg ansvar for eininga
* Sikre målet om effektiv drift og utvikling av velferdstenestene med særleg fokus på brukarane sine behov
* Resultatansvar knytt til målet om fleire i arbeid / aktivitet og færre på stønad
* Medverke til å realisere NAV-reforma i samarbeid med kommunen
* Utvikle kontoret og medarbeidarane
* God økonomi - og budsjettstyring
* Aktiv kontakt med næringslivet, offentlege etatar og organisasjoner

Kvalifikasjonar
* Minimum 3-årig utdanning frå høgskule eller universitet innan relevante område som samfunnsfag, økonomi eller
  juridiske fag. Relevant erfaring kan kompensere for noko av utdanningskravet
* Leiarerfaring frå omstillingsprosessar
* Erfaring med prosjektleiing
* Erfaring frå strategisk planarbeid, budsjettarbeid og økonomistyring
* Erfaring frå samhandling med tilsette sine representantar
* Dokumentert resultatoppnåing, gjennomføringsevne- og vilje

Det er ein fordel om du har:
* Kompetanse innan IKT, saksbehandling og offentleg forvaltning

Personlege eigenskapar
* Nytenkjande og visjonær og må vere drivkraft i prosjekt frå idé til gjennomføring
* Løysingsdyktig og ha god gjennomføringskraft
* Raus, fleksibel og open for endringar og nye initiativ som kan skape betre løysingar.
* Forståing for arbeids- og velferdspolitikken i eit samfunnsperspektiv
* Stort engasjement for å utvikle tenester til innbyggjarar og arbeidsliv
* Gode kommunikasjonsevner og fleksibilitet
* Tydeleg og strukturert
* Stor arbeidskapasitet og gjennomføringsevne
* Evne til å skape gode samarbeidsrelasjonar internt og eksternt, herunder handtere dei leiarmessige utfordringane
  som er knytt til den todelte leiarmodellen

Vi tilbyr
* Utfordrande og spennande arbeidsoppgåver innanfor eit viktig samfunnsområde
* Godt arbeidsmiljø og kompetente medarbeidarar
* Fleksibel arbeidstid
* Tilsetting i ei IA-verksemd
* God pensjonsordning
* Løn- og tilsetjingsvilkår i samsvar med lov- og avtaleverk.
* Vi er opptekne av mangfald, og oppfordrar alle kvalifiserte kandidatar til å søkje jobb hjå oss, uavhengig av alder,
 kjønn, funksjonshemming, nasjonal eller etnisk bakgrunn.