Psykolog for barn og unge
- Arbeidsgiver
- Austevoll kommune
- Stillingstittel
- Psykolog
- Frist
- 30.01.2019
- Ansettelsesform
- Fast
Er du vår nye psykolog som vil arbeida førebyggjande og helsefremjande med våre born og unge i Austevoll?
Kommunalområdet Oppvekst er ei eining med om lag 145 tilsette og blir leia av kommunalsjefen. I denne eininga inngår Austevoll ungdomsskule, Storebø barneskule, Selbjørn barneskule, private barnehagar, PPT-kontor, helsestasjon, barnevern, vaksenopplæring, kulturskule og bibliotek. Oppvekst har som mål å leggja til rette for gode oppvekstvilkår for barn og unge, difor er folkehelse og livsmeistring eit av fleire satsingsområde.
Arbeidsstad
Helsestasjon og skulehelsetenesta har 8 medarbeidarar og har som mål å drive førebyggjande og helsefremjande arbeid for barn og unge og deira familiar. Trygge og friske barn og unge er vår visjon. Tenesta skal betre føresetnaden for god psykisk og fysisk helse ved å fremje trivsel, velvære og meistring av dei utfordringane menneske møter i kvardagen. Austevoll kommune inngår i eit tverrfagleg samarbeid med BUP Fana, Fusa og Austevoll, med faste samarbeidsmøter.
Psykologen vil vere organisert under Helsestasjon og skulehelsetenesta og rapportere til leiar av denne. Austevoll kommune har også ein psykologstilling knytt til eininga Psykiske helsetenester for vaksne.
Ansvars- og arbeidsoppgåver
· Driva førebyggjande og helsefremjande lågterskeltilbod for born og unge
· Rettleiing av born og unge og deira føresette
· Tverrfagleg samarbeid med helsesjukepleiar, skulelege, PPT og barnevern og eksterne
· Rettleiing av andre faggrupper som helsesjukepleiarar, lærarar og barnehagetilsette
Kvalifikasjonar
Autorisert psykolog/psykologspesialist (minimum profesjonsstudium)
God skriftleg og munnleg framstillingsevne
Klinisk erfaring frå arbeid med barn og unge er ønskeleg
Førarkort for personbil
Gyldig politiattest
Søkjar må vere personleg eigna til stillinga. Vi søkjer deg som er målretta, fleksibel og evner å jobbe i team. Vidare må du:
ha eit stort engasjement for å hjelpe born og unge som slit psykisk
· gode evner til samarbeid
· ha stor arbeidskapasitet.
· evne til organisering og sjølvstende
Etter ei prøvetid på 6 månader kan det verte aktuelt å lage ein kompetanseplan med mål om ei spesialisering og ein fagutvikling retta inn mot arbeidsfeltet.
Vi tilbyr:
· Moglegheit for fagleg utvikling i eit godt og bredt fagmiljø som arbeider saman for felles mål
· Spanande utfordringar
· Løn etter kvalifikasjonar
· Gode pensjons- og forsikringsordningar
Vi gjer merksam på at i følgje offentleglova § 25, 2. ledd kan opplysningar om søkjaren verte offentleggjort sjølv om søkjaren har oppmoda om ikkje å bli ført opp på offentleg søkjarliste.
Søkjaren vil alltid bli varsla på førehand dersom søkjarlista vert offentleggjort.
Om arbeidsgiveren
Austevoll er ei øygruppe og ein kommune i Midthordland. Austevoll er landets største fiskerikommune, har svært høg næringsaktivitet, verdiskaping og byr på eit mangfald av spennande jobbar. Kommunen har eit folketal på 5.200 innbyggjarar. Nærleiken til Bergen gjer at rundt 700 bergensarar og andre naboar dagleg jobbpendlar til Austevoll. Vi har eit rikt kulturliv og kommunen har i dag omlag 240 fast tilsette som opptekne av å gje innbyggjarane våre gode kommunale tenester. Administrasjonsmålet i kommunen er nynorsk. Austevoll kommune byggjer på verdiane truverd, respekt, openheit, mot og profesjonalitet.
- Sektor
- Offentlig
- Sted
- Birkelandsvegen 6, 5392 Storebø
- Bransje
- Helse og omsorg
- Stillingsfunksjon
- Helsepersonell / Psykolog
Spørsmål om stillingen
- Kontaktperson
- Hege Iren Austevoll
- Stillingstittel
- Leiande helsesøster
- Telefon
- 92 20 19 90
Birkelandsvegen 6, 5392 Storebø