Vil du bli dagleg leiar i BUL?

BUL er ein demokratisk styrt organisasjon der det er tett dialog mellom tillitsvalde, medlemmer og administrasjon. Det er seks tilsette i administrasjonen (4,8 årsverk), der to av desse er i Idrottslaget. Dagleg leiar er styresekretær og har ansvar for alt frå små og store praktiske oppgåver, prosjekt og arrangement, til utleige, husadministrasjon, økonomi, avtalar og utviklings- og strategiarbeid.

Vi ønskjer ein person som i samspel med styret og dei tilsette skal vere med på å utvikle laget og aktivitetane, og huset som kulturhus, og du vil difor i noko grad kunne påverke organisering og innhald i stillinga avhengig av bakgrunn og kompetanse.

Dette er dei viktige ansvarsområda:

• leiing av kontoret og organisasjonen, for å nå laget sine overordna mål  i strategiplan og handlingsplan

• styresekretær med saksutgreiing og oppfølging av vedtak

• rekneskap og økonomisk oppfølging

• organisering av kontoret og personalleiing

• hus- og arrangementsoppfølging

• koordinering og oppfølging intert og eksternt

• deltaking i interne og eksterne fora

Vi søkjer deg som:

• har høgare utdanning og/eller relevant arbeidserfaring

• har dokumentert leiarerfaring

• er sjølvstendig, strukturert og har administrativ erfaring

• har økonomikompetanse og forstår rekneskap

• gjerne har erfaring frå kulturorganisasjonar og prosjektarbeid

• har engasjement for frivillige aktivitetar og organisasjonsarbeid

Vi har nynorsk som administrasjonsspråk, og jobben krev god skriftleg framstillingsevne.

Praktisk om stillinga:

- noko kveldsarbeid må påreknast

- løn etter avtale

- personalkantine og rabattordningar

- ønskja start 1. oktober