Utløpt

Fagarbeidar - Tilsynslag Nordland

Arbeidsgiver: Kystverket - Kystverket Rederi
Stillingstittel: Allsidig fagarbeider med båtførerkunnskap Nordland
Frist: 26.02.2017
Ansettelsesform: Fast

Kystverket søkjer etter båtkyndige fagarbeidarar til tilsynslag i Kystverket Rederi med arbeidsområde Nordland. I tillegg til faste stillingar er det ei stilling som er vikariat med høve til evt. fast tilsetting.

Tilsynslaget er til vanleg 2-4 fagarbeidarer samansett innan ulike fagfelt og saman utfører dei allsidige oppdrag innan vedlikehald og drift.

Hovudoppmøtestad for tilsynslaget i Nordland er Sandnessjøen og/eller Kabelvåg/Svolvær.

Tilsette i tilsynslag har etter gjeldande arbeidstidsavtale arbeidstidsordning med i snitt 3 veker arbeid og påfølgjande friperiode.

Tilsynslaga har base på land og tek seg fram i småbåt eller bil.
Varierte oppgåver utandørs heile året.

Arbeidsoppgåver

Sjølvstendig arbeid som fagarbeidar på navigasjonsinnstallasjonar.
Alle på laget må være båtkyndig og kunne navigere i mørket.

Kvalifikasjonar

Fagbrev innan relevant handverksfag; motormann/matros,forskalingssnekkar eller tømrar. Allsidig erfaring og kompetanse frå fleire handverksfag vert vektlagd.
Søkjar må kunne dokumentere eige arbeid og beherske bruk av IT-verktøy
Det krevjast god fysikk og helse og vere komfortabel med arbeid i høgda. Søkjar må kunne framlegge gyldig sjømannsattest ved tilsetting.
Sertifikat som fritidsbåtskipper D5L, ROC radiosertifikat, sikkerhetskurs og relevant erfaring som båtførar er ein fordel og vert vektlagt.

Utdanning

Bil-/mekanikerfag
Bygg og anlegg
Elektronikk/elektro/telekommunikasjon
Fagarbeidar
Fagbrev
Handverksfag
Maritime fag
Tekniske fag

Språk

Norsk

Eigenskapar

Allsidig
Sjølvstendig
Løysingsorientert
Gode samarbeidsevner
Må kunne arbeide i høgda og klatre i stolpar
Kunne bidra til gode rutiner og holdningar til HMS i alt sitt arbeid
Personleg egnahet vert vektlagt ved tilsetjing.

Vi tilbyr

Stillingsbrøk: 100%
Fagarbeidar er i dag plassert i stillingskode 1203, fagarbeidar, i statens regulativ, dvs kr 385 400-408 700.
Kystverket har særavtale for tilsynslaga som regulerar arbeidstid og kostgodtgjersle. Arbeidstidsordning med arbeidsperiodar med lengre dagar og friperiodar. I arbeidsperiodane må ein pårekne at ein ikkje kjem tilbake til basen.
Medlemskap i Statens pensjonsordning vert trekt med 2% av bruttolønn.
Arbeidstakar i tilsynslag har særaldersgrense på 65 år.
Fagleg oppdatering og relevante kurs innan tilsynslaget sitt fagfelt.
Kystverket er IA-bedrift og er tilknytt bedriftshelseteneste.
På bakgrunn av personalpolitiske mål om at arbeidsstyrken skal spegle den generelle samansettinga av befolkninga, vert alle kvalifiserte oppfordra til å søkje uavhengig av kjønn og kulturell bakgrunn.
Tiltreding etter avtale.
Følg linken: "Søk på stilling" og legg inn dine opplysninger i elektronisk søknadsskjema, for å registrere deg som søkjar. NB! Ikkje e-post.

Om arbeidsgiveren

Kystverket er ein nasjonal etat for kystforvalting og samferdsel til sjøs. Etaten har ansvar for fiskerihamner, farleier, navigasjonsinnretningar, lostenesta og trafikkontroll. Verksemda dekkjer også maritim sektor av nasjonal transportplan i tillegg til myndigheits- og forvaltingsoppgåver i samband med lover og regelverk for hamner, farleier og losplikta. Kystverket har òg ansvaret for staten sin beredskap mot akutt forureining.

Kystverket Rederi er Kystverket sin utførar av entreprenørtenester på fyr og merke langs norskekysten. Reiarlaget er ei eiga resultateining i Kystverket med administrasjonsstad Ålesund. Operative tenester inneber utføring av tilsyn-, drift-, nybygging og vedlikehaldsoppgåver på navigasjonsinnstallasjonar. Vi disponerer for tida ni fartøy med tilhøyrande utstyr for anlegg- og vedlikehaldsoppdrag, samt tilsynslag i alle fem regionar. Kystverket Rederi har som målsetting å fornye/modernisere heile eller delar av fartøysflåten fortløpande. I Kystverket Rederi arbeider det om lag 200 personar fordelt på 20 i fagadministrasjon/prosjektleiing og resten i operativ teneste.

Sektor: Offentlig
Antall stillinger: 3
Sted: ., 8800 Sandnessjøen
Bransje: Maritim og offshore,; Håndverkstjenester
Stillingsfunksjon: Produksjon,; Håndverker / Bygg/Anleggsleder,; Håndverker / Murer/Flislegger,; Mekanikk og installasjon,; Håndverker / Mekaniker,; Håndverker / Snekker/Tømrer