Florø sentrum - praktisk leilegheit på eit plan i første etasje med to soverom.

Eigedom

Firdavegen 2A
6900 Florø

Lokalitet

Leiligheita ligg i Florø sentrum, med alle sentrumsfunksjonar like rundt hjørne. Endeleilegheit i 1.etasje mot aust med lett tilkomst via svalegang. Bustaden har sørvendt og solrik uteplass med samband til felles opparbeidd uteområde.

Innhald

Hjørneleilegheit i første etasje mot aust.
Bustaden inneheld: vindfang, gang, 2 soverom, bad/vaskerom, bod, kjøkken og stove med utgang til uteplass.
Bod og garasjeplass i kjellar.

Standard

Bustaden er oppført i 2007. Kjøkkenet har kvit Sigdal takhøgt innreiing. Integrert komfyr med induksjonstopp, oppvaskmaskin og kjøleskåp. Bad og vaskerom er praktisk adskilt med skyvedør. Det er flisar på golv og flisimiterte baderomsplater på veggar. Baderomsinnreiing 120 cm + 30 m høgskåp. dusjhjørne og wc. Varmtvannstank 200 l på vaskerom og røyr i røyr skåp.
Elles i bustaden er det på golv: flisar i vindfang, vinylbelegg på begge soverom og bod. Eikeparkett på resten. Innvendige veggar har overflater av måla tapet og måla puss. Himlingar har sparkla og målte slette betongflater. Skyvedørsgarderobe 1 soverom. Inngang til bod på det andre soverommet. Sentralstøvesugar.

Kvitevarer

Kvitevarene som er på kjøkkenet ved vising følgjer med i salet. Vaskemaskin og tørketrommel følgjer ikkje med i salet. Tuner til TV følgjer ikkje med, evt. Parabolantenne som er montert skal følgje med.

Byggjemåte

Bustadblokk med 15 seksjonar og heis. Det er felles garasje med Firdavegen 2B under bakkenivå.
Bygningen er oppført med betong, endeveggar i Leca isoblokker. Det er støypte dekker/hulldekker mellom etasjene.Takkonstruksjonen har prefabrikerte takstolar med valma tak. 2-lags energiglass med gjennomgåande sprosser. Med omsyn til den tekniske standarden på bygningane vert det elles vist til takst av Johnny Østerbø, datert 14.12.2016

Arealer og fordeling per etasje

Primærrom: 70 kvm, Bruksareal: 74 kvm, Bruttoareal: 86 kvm
Alle rom er P-rom unnateke: Bod.
Bod i kjellar og garasjeplass er ikkje med i areala.

BRA pr. etasje:
1.Etasje: 74 m2

Areala er henta frå takst utført av autorisert takstmann og er i samsvar med NS 3940. Meklar har ikkje kontrollert areala.

Parkering

Parkering i felles garasjeanlegg.

Tomt

Areal: 1 034 kvm totalt i sameige, Eigarform: Fellestomt i sameige. Bustaden har ein eigen sørvendt uteplass. I tillegg er det opparbeid fellesareal for begge sameiga Firdavegen 2A og 2B. Uteområde har blomsterbed og er belagt med beleggstein.

Regulering/offentleg godkjenning

Sentrumsplanen gjeld for område. Grense til skule.

Veg, vatn, avløp

Offentleg vatn og avlaup via private stikkleidningar.

Energimerking

Oppvarmingskarakter Rød - Energikarakter D

Tilkomst

Frå offentleg veg.

Oppvarming

Innstallert luft til luft varmepumpe i stove.

Kommunale avgifter

Kr. 12 640 pr. år inkl. evt. eigedomsskatt.

Likningsverdi

Likningsverdi som primærbustad kr 528 143 per 31.12.15
Likningsverdi som sekundærbustad kr 1 478 828 per 31.12.15

Ferdigattest

Det føreligg ferdigattest frå Flora kommune datert 14.12.2007. Denne ligg vedlagt.

Felleskostnader

Kr. Felleskostnader inkluderer felles straum reinhald fellesareal, ytre vedlikehald, forsikring på bygget, drift/vedlikhald av heis, forretningsfører, revisjon m.m.
Det er minusmålar i sameige som gjer til at ein kun betaler 1 nettleige fordelt på alle sameigarane. Straumforbruk a konto ca. 400 pr mnd.

Opplysningar om sameige.

Sameie: Firdaveien 2A, Org. nr. 892330212
Leilighetsnr.: 5, seksjonsbrøk 8/135

Med eigarseksjon meinast sameigedel i bebygd eigedom med tilknytta einerett til bruk av ein av fleire bustader eller andre brukseiningar i eigedomen.
I følgje lov om eigarseksjonar kan ingen erverve meir enn to bustadseksjonar i sameige.

Rekneskap/vedtekter

Kjøpar vert oppmoda til å setje seg inn i rekneskap, vedtekter og evt. husordensreglar. Kjøpar godkjenner som bindande for seg sameiget sine vedtekter og husordensreglar herunder evt. reglar om husdyrhald.

Forretningsførar/rekneskapsførar

BOB REgion Nordvest er forretningsfører.

Godkjenning/forkjøpsrett

Overdraging av seksjon må meldast styret for godkjenning.

Legalpant

Sameige har legalpant for inntil 1G for dekking av ubetalte felleskostnader.

Utleige

Seksjonen kan i sin heilheit leigast ut til bustadføremål.

Forsikring

Eigedomen er forsikra gjennom sameige og vert betalt som ein del av felleskostnadane. Kjøpar må teikne innbuforsikring frå overtakingsdato.

Eigarskifteforsikring

Bustaden er seld utan eigarskifteforsikring.

HELP Bustadkjøparforsikring

Meklar rår kjøparar av bustader til å teikne "Boligkjøperforsikring". Dette er ei rettshjelpforsikring som gir kjøpar profesjonell juridisk hjelp dersom det vert oppdaga feil eller manglar ved bustaden dei neste 5 åra. Forsikringa inkluderer skadetakst og har ingen eigendel. Forsikringa må teiknast seinast på kontraktsmøte. Sjå www.help.no.

Bustadkjøparforsikring

Eigedomsmekling Sogn og Fjordane AS formidlar bustadkjøparforsikring frå HELP Forsikring AS. Dette er ei rettshjelpsforsikring som gir tryggleik og profesjonell juridisk hjelp dersom det vart oppdaga uventa feil og manglar ved bustaden. Ta kontakt med meklar for meir informasjon eller les meir om forsikringa på www.help.no.

Finansiering

Interessentar som ønskjer tilbod om finansiering i Sparebanken Sogn og Fjordane kan kontakte meklar.

Bodgjeving

Alle bod skal gjevast skriftleg til meklar. Det første bodet skal gjevast på bodskjema påført bodgjevar sin signatur. I tillegg må bodgjevar ha legitimert seg. Seinare bod kan gjevast per e-post, SMS eller per faks til meklar. Bod kan også gjevast via bodgjevingsplattform på nett eller app. Veljast denne løysinga, er det ikkje krav til å sende det første bodet på bodskjema. Meklar skal så snart som muleg stadfeste skriftleg ovanfor bodgjevar at bod er motteke.

Bod som ikkje er skriftleg, eller som har kortare akseptfrist enn til kl. 12.00 dagen etter siste annonserte vising, vil ikkje bli formidla til seljar. Meklar vil heller ikkje formidle bod med atterhald om at bodet er hemmeleg for andre bodgjevarar. Eit bod er bindande for bodgjevar når bodet er blitt gjort kjent for seljar. Seljar står fritt til å akseptere eller forkaste eitkvart bod, og pliktar såleis ikkje å akseptere det høgste bodet på eigedomen.

Meklar skal, i den grad det er naudsynt og muleg, informere dei involverte i bodrunden skriftleg om status i bodgjevinga.
Meklar pliktar å leggje til rette for ei forsvarleg avvikling av bodrunden. For at boda skal kunne bli handsama og formidla vidare skriftlig til alle involverte partar, må eitkvart bod ha ein tilstrekkeleg lang akseptfrist, og uansett bør ikkje eit bod ha ein akseptfrist på mindre enn 30 minutt frå bodet vert gjeve. Seljar må skriftleg akseptere bodet før bodaksept kan formidlast til bodgjevar.
Ein gjer merksam på at bod som vert gjeve etter normal arbeidstid vert handsama/formidla påfølgjande arbeidsdag.

Seljar og kjøpar har krav på å få utlevert kopi av bodjournalen straks etter at handel er komt i stand. Alle som har gjeve bod på eigedomen kan på førespurnad få en kopi av anonymisert bodjournal etter at bodrunden er avslutta.
Ein syner elles til "Forbrukarinformasjon om bodgjeving", som er teke inn på baksida av bodskjema i salsoppgåva.

Overtaking

Etter avtale med seljar.

Seld "som den er"

Salet vert regulert av Lov om avhending av fast eigedom. Eigedomen vert seld i den stand den var under synfaring, jf. avhendingslova § 3-9, "som den er". Dette avtalepunktet medfører at avhendingslova sine reglar om når eigedomen har mangel vert fråvike til ugunst for kjøpar.

Eigedomen har likevel mangel i følgjande tilfelle:
Når kjøpar ikkje har fått opplysningar om forhold ved eigedomen som seljar kjende eller måtte kjenne til, og som kjøpar hadde grunn til å rekne med å få. Dette gjeld likevel berre dersom ein kan gå ut frå at det har verka inn på avtalen at opplysningane ikkje vart gitt.
Når seljar har gitt urette opplysningar om eigedomen. Det same gjeld dersom eigedomen ikkje er i samsvar med opplysningar som er gitt i annonse, salsprospekt eller ved anna marknadsføring på vegne av seljar. Dette gjeld likevel berre dersom ein kan gå ut frå at opplysningane har verka inn på avtalen, og ikkje har vorte retta i tide.
Når eigedomen er i vesentleg dårlegare stand enn kjøpar hadde grunn til å rekne med ut frå kjøpesummen og forholda elles.
Når tomta har vesentleg mindre areal enn opplyst av seljar.