Jurist - Nordfjordeid og Norheimsund
- Arbeidsgiver
- Skatteetaten - Skatt vest
- Stillingstittel
- Jurist - Nordfjordeid og Norheimsund
- Frist
- 22.01.2017
- Ansettelsesform
- Fast
I Fastsetjing, seksjon skatt person, er det ledig inntil to stillingar som skattejurist i Nordfjordeid eller Norheimsund. Seksjonen har om lag 120 tilsette i Skatt vest.
Hovudoppgåva til seksjonen er å få skattepliktige til å betale rett skatt til rett tid. Det betyr å leggje til rette for at det er enkelt å etterleve skattereglane, og å hindre at skatt vert unndradd.
Etaten er inne i ei stor omstilling og det vil bli endringar i oppgåvene. Seksjonen skal mellom anna jobbe meir med oppsøkjande verksemd og dialog med skattepliktige.
Arbeidsoppgåver
- fastsetjing og berekning av skatt for lønnstakarar, pensjonistar og næringsdrivande
- kommunikasjon med skattepliktige
- klagebehandling
- etterkontroll av næringsdrivande, både meirverdiavgift og skatt
- informasjon og opplæring internt/eksternt
- juridisk bistand internt i seksjonen og resten av etaten
Kvalifikasjonar
- Du må ha juridisk embetseksamen/master i rettsvitskap.
- Det er ein fordel med studiespesialisering i skatterett eller erfaring frå skatterett.
Utdanning
- Høgskule / Universitet, Hovudfag / Mastergrad
Eigenskapar
- Du er profesjonell, imøtekomande og nytenkjande.
- Du samarbeider godt og vil spele andre gode.
- Du må vere flink til å kommunisere og ha gode evner til å uttrykkje deg skriftleg og munnleg, gjerne på fleire språk.
- Du trivast med å vere i kontakt med skattepliktige.
- Du har evne til å ta brukarperspektiv.
- Du er nysgjerrig og tar initiativ til å finne nye løysingar og betre måtar å jobbe på.
- Det er ein fordel om du har kjennskap til andre kulturar enn den norske.
- Du bidrar til eit godt arbeidsmiljø.
- Du fullfører oppgåver effektivt og med riktig kvalitet.
- Du er fleksibel og tilpassingsdyktig.
- Du er lærevillig og har evne til omstilling når det gjeld arbeidsoppgåver og endringar i organisasjonen.
Vi tilbyr
- Stillingsbrøk: 100%
- utfordrande og samfunnsnyttige oppgåver i ein etat i stadig endring
- eit godt fagleg og sosialt arbeidsmiljø
- gode høve til fagleg og personleg utvikling
- intern opplæring, både teoretisk og praktisk
- tverrfagleg samarbeid
- fleksibel arbeidstid og betalt overtid
- lyse og trivelege lokale
- trening i arbeidstida
- ein raus personalpolitikk
- Lønn: Alt etter kvalifikasjonar blir stillinga lønna som skattejurist (kode 1413) (kr 425 900-516 000).
- Dei første seks månadene blir rekna som prøvetid.
- Det blir trekt 2 % av lønna til innskot i Statens pensjonskasse som er ein av Noregs beste pensjonsordningar.
Generelt:
Skatteetaten har personalpolitiske mål om å spegle samansetjinga i samfunnet når det gjeld alder, kjønn og kulturell bakgrunn, og vi ønskjer søkjarar frå alle samfunnslag. Som IA-bedrift vil vi også leggje til rette for personar med nedsett funksjonsevne.
Dersom du ønskjer å reservere deg mot å bli oppført i den offentlege søkjarlista, må du grunngi det. Opplysningane om deg kan bli offentleggjorde sjølv om du har oppmoda oss om å ikkje føre deg opp i søkjarlista. Dersom oppmodinga ikkje blir teken til følgje, blir du varsla om det.
Det gjeld særskilde reglar for bistilling og deltaking i næringsverksemd. Tilsetjinga skjer elles på dei vilkåra som følgjer av lovene, instruksane og reglementa som gjeld for stillinga.
Om arbeidsgiveren
Skatt vest er ein stor organisasjon med mange spennande utfordringar. Vi har ca. 1100 tilsette og er delt inn i avdelingane Rettleiing, Fastsetjing, Kontroll- og rettsavdelinga, Skattekrim, Innkrevjing og Sentralskattekontoret for utanlandssaker. Konkrete og utfordrande arbeidsoppgåver saman med dyktige kollegaer gjer Skatteetaten til ein attraktiv arbeidsplass.
- Sektor
- Offentlig
- Antall stillinger
- 2
- Sted
- Nordfjordeid, 6770 Nordfjordeid
- Bransje
- Offentlig administrasjon
- Stillingsfunksjon
- Jurist
Spørsmål om stillingen
- Kontaktperson
- Herleif Tveit
- Stillingstittel
- underdirektør
- Telefon
- 95 10 84 59
- Kontaktperson
- Per Helge Flo
- Stillingstittel
- Underdirektør
- Telefon
- 40 20 37 99
Følg firma
4017 følger dette firmaet
Nordfjordeid, 6770 Nordfjordeid