Prosjektleiar - mobilisering til forskingsbasert innovasjon

Beskrivelse

Møre og Romsdal fylkeskommune v/regional- og næringsavdelinga arbeider for å fremme utvikling av vekstkraftige lokalsamfunn og eit internasjonalt konkurransedyktig næringsliv i Møre og Romsdal. Det gjer vi ved å legge til rette for nyetableringar, innovasjonsarbeid i næringslivet, arbeide for gode rammevilkår, støtte kommunane sitt arbeid med lokal nærings- og samfunnsutvikling, styrke innovasjonsmiljø og fremme internasjonalt samarbeid. Avdelinga har eit breitt utviklings- og forvaltningsoppdrag og har eit bruttobudsjett på 150 millionar kroner. Vi samarbeider med mange regionale og nasjonale aktørar og har og eit stort eksternt nettverk.

Saman med Forskingsrådet skal vi frå 2017 sette i verk prosjektet "Mobilisering til forskingsbasert innovasjon", som er del av Forskingsrådet si regionsatsing 2017-2019.

Prosjektleiar skal leie satsinga "MobPro - Mobilisering til forskingsbasert innovasjon" og utvikle denne i tråd med prosjektplanen. Prosjektleiar vil vere både prosjektleiar og kompetansemeklar. Prosjektleiar vil også ha ansvar for, i tett samarbeid med næringsliv og forskingsmiljø, å utvikle prosjektsøknad til Forskingsrådet om "Kompetanseløft" for å bygge forskingskapasitet forankra i næringslivet sine behov.

Opplysningar om stillinga

Møre og Romsdal fylkeskommune v/regional- og næringsavdelinga søker prosjektleiar - mobilisering til forskingsbasert innovasjon i 50 prosent stilling frå 2017 - 2019.

Krav til kompetanse

Vi søker ein prosjektleiar som har god kjennskap til næringslivet i heile fylket, som er ein pådrivar og har dokumentert evne til å mobilisere og kople ulike aktørar for forskingsbasert innovasjon. Prosjektleiaren må vere nytenkande og ein tydeleg samfunnsbyggar. Stillinga krev god prosjekt- og prosesserfaring og ei systematisk arbeidsform.

Vi tilbyr

-Spennande og utfordrande arbeidsoppgåver
-Eit stort og interessant nettverk
-Gode vilkår for fagleg utvikling
-Medlemsskap i KLP (gode pensjons- og forsikringsvilkår)
-Løn etter avtale

Tilsettinga er elles på fylkeskommunale vilkår og i tråd med gjeldande lover, avtaler og reglement.

Vi nyttar nynorsk i skriftleg kommunikasjon. Opplæring blir gitt.

Mangfald

Møre og Romsdal fylkeskommune har som mål å spegle mangfaldet i befolkninga. Alle med ønska kompetanse er velkomen til å søkje ledig stilling hos oss.

Søknad

Møre og Romsdal fylkeskommune nyttar elektronisk søknadsbehandling. Vi ber derfor om at du sender elektronisk søknad.

Søkarliste

Vi gjer merksam på at søkarlista kan bli offentleg sjølv om søkar ber om anonymitet jf. Offentleglova § 25, 2.ledd. Om dette blir tilfelle, vil vi ta kontakt med søkaren før offentleggjering.