Ansvarleg redaktør/dagleg leiar
Fjordabladet L/L
- Frist 10.1.2017
- Ansettelsesform Fast
Ansvarleg redaktør/dagleg leiar
Noverande dagleg leiar ønskjer å slutte, etter over tretti år i avisa si teneste, og noverande ansvarleg redaktør, etter mange år som redaktør, ønskjer å gå tilbake i stillinga som journalist. Styret i Fjordabladet har difor vedteke å gå over til eineleiar-modell, og søkjer i det høvet etter ansvarleg redaktør/dagleg leiar.
Endringane i medielandskapet er store og vi arbeider i ein spennande bransje. Vår posisjon og samfunnsrolle på Eid er unik. Vår nye leiar får eit samla leiaransvar for redaksjonell drift og utvikling - i tillegg til overordna ansvar for reklamesal og administrasjon i avisa. Lesarmarknadsarbeid og administrative støttefunksjonar er samla i fellesfunksjonar hos majoritetseigar Sunnmørsposten. Du vil rapportere til styret i Fjordabladet.
Leiaren skal vere ein tydeleg, samlande og inspirerande ressurs i vidareutviklinga av Fjordabladet sitt medietilbod i alle kanalar. Leiaren skal sjølv vere ein aktiv bidragsytar i dette medietilbodet, og må vere ein pådrivar i arbeidet med den digitale transformasjonen i mediehuset. Som leiar i Fjordabladet vil du få ein allsidig, hektisk og spennande kvardag. Det er difor viktig at du er god til å prioritere, og har evne til å engasjere og motivere medarbeidarane.
Vi søkjer etter ein person med gode leiareigenskapar, som har mot til nytenking, og har evne til å tenke strategisk og arbeide operasjonelt. Du er ein samfunnsengasjert person som ser og forstår Fjordabladet si rolle i lokalsamfunnet.
Vi søkjer deg som:
- har god journalistisk teft
- er opptatt av resultat og kvalitet
- har god kommersiell forståing
- er analytisk og strategisk
- har gode samarbeidsevner og er ein god motivator
- evner å arbeide sjølvstendig
- er kreativ og nysgjerrig
Du er ein røynd skrivande journalist. Det er ønskjeleg at du har redaksjonell leiarerfaring, men det er avgjerande at du har ambisjonar som leiar. Vår nye leiar har ei god vurderingsevne i presseetiske og publisistiske spørsmål. Du har relevant høgare utdanning. Du har stor interesse for digitaliseringa som skjer i samfunnet og media spesielt. Fjordabladet er ei nynorskavis - og vår nye redaktør må ha ei trygg forankring i bruk av nynorsk. Som leiar i Fjordabladet ønskjer vi at du bur i Eid kommune.
Vi tilbyr ein kreativ og god arbeidsplass i ei utviklingsorientert avis med ein sterk marknadsposisjon. Som ein del av Sunnmørsposten og Polaris Media er det gode moglegheiter for karriereutvikling i konsernet. Du vil ta del i fagleg samarbeid i konsernet, og vil kunne nytte seg av det nettverket som blir utvikla gjennom dette. Vi kan tilby konkurransedyktig løn, god pensjonsordning og gode velferdstilbod. Fjordabladet har kontor på Nordfjordeid. Vårt distrikt byr på unike friluftstilbod heile året.
For meir informasjon, ta kontakt med HAMNØY AS ved rekrutteringsrådgjevar Jan Tore Hamnøy, telefon 41 10 22 00. Du kan også ta kontakt med styreleiar Lidvar Flydal på telefon 92 68 55 26. Tillitsvald i redaksjonen er Anna Wuttudal, telefon 91 64 50 57.
Du viser interesse for stillinga ved at du snarast registrerer CV og søknad. Alle førespurnader vert behandla konfidensielt.
Søknader vert handsama så snart dei kjem inn.
Om arbeidsgiveren
- Nettverk: Facebook, X
- Sektor: Privat
- Lederkategori: Direktør
- Sted: Rådhusv. 6, 6770 Nordfjordeid
- Bransje: Medie- og innholdsproduksjon
- Stillingsfunksjon: Journalist, Ledelse
Nøkkelord
journalistikk, ledelse, lokalavis, utvikling, nordfjord
(1/32)
- FINN-kode 87391280
- Sist endret