Stor landbrukseigedom i Fyresdal - BUD MOTTATT

Beliggenhet

Eigedomen ligg nord i Fyresdal kommune. Det er 16 km til Fyresdal sentrum

Hovudteigen ligg svært fint til i Tortveit-Hærstadgrenda med flott utsikt utover kulturlandskapet og omkringliggande områder. 

Om eigedomen

Dettte er ein stor eigedom som inneheld bl.a. gardstun, eldre tun, skogsbu, hytte, skog, dyrka jord og beite.

Eigedomen er på ca. 7.572 daa, og inneheld 4 hovudteigar. Det er hovudsakleg skogen som dreg opp verdien på eigedomen, og i tillegg kjem anna utmarksareal og bygningar. 

Ca. fordeling areal jf. takst:

• Fulldyrka jord: 28,3 daa
• Innmarksbeite: 23,7 daa
• Produktivt skogsareal: 2.404 daa
• Anna areal: 5.116,6 daa

I fylgje landbrukstaksten har hovudtyngda av skogen middels bonitet, og skogen har ein relativ god balanse i hogstklassefordelinga.

Eigedomen er knytt til tre organiserte jaktlag, og har også fiskemoglegheitar.

På hovudteigen, Torveit 35, er det eit gardstun med jordbruksareal. Songedalsvegen 95 er ein husmannsplass.
Til eigedomen høyrer det også til ei støylsbu og ei hytte. 

STANDARD

Hovudtyngda av bygningane på eigedomen har etterslep på vedlikehald, og treng rehabilitering.

På gardstunet på Tortveit er det eit eldre våningshus som er i dårleg forfatning. 

Eldhus
Eldhuset har i den seinare tid blitt pussa opp, og framstår som eit greit bygg.
BTA: 60 m2
Byggeår: ca. 1900.
Det er eldhuset som sist har blitt bruka som bustad. Grunnmuren er av hogd naturstein. Etasjeskiljar er av tre, hovudkonstruksjon i laft. Same takkonstrusjon som våningshuset. Vedskjul frå 2015 er oppført i bindingsverk. Takrenner langs takfot er frå 2003. Overbygd veranda på ca. 25 m2 er frå 2015.

Kjøkkenet har måla plater på vegg, belegg på golv og takess i himling. Kjøkkeninreiinga er av eldre dato. Kjøkkenet har utsikt ut mot tun, og har god plass til kjøkkenbord. Innanfor kjøkkenet er det ein bod.

Badet har belegg på golv, våtromsplater på vegg og takessplater i himling. Badet har toalett, servant, veggmontert dusj og opplegg til vaskemaskin. Sluk i golv, og ventil på yttervegg.

Stoga er ljos med måla tregolv, veggpanel og himling. I stoga er det peis.

Soverommet har lakka tregolv, ubehandla trepanel, og kvitmåla himling i trepanel. 

Driftsbygning
Fjoset er eit fint bygg på tunet, med flotte murar og mykje plass. Sum bygning har 525 m2 i BTA.

Stabbur
Stabburet har to etasjar, der hovudkonstruksjon er laft, og frontparti er bindingsverk. Stabburet blir bruka til lager.

Brønnhus
Har innvendig open konstrusjon. Ein eldre brønn med montert handpumpe.

Smie
Eldre smie som er felleseige, 50% med naboen

Eldre tun - Songedalsvegen 95

Har driftsbygning, våningshus og stabbur. 

Skogsbu - Blika

Har driftsbygning og skogsbu. Her kan det bli fin utsikt om ein fjernar nokre tre.

Hytte - Tverrli

Enkel og koseleg hytte med fint tun og utsikt. Hytta har to rom, der det eine er soverom med to køyesenger, og det andre er kombinert kjøkken og stoge. Stoga har natursteinspipe og vedomn. Det er også ein utvendig bod og ute.

Om nokon vil sjå på hytta på Tverrli kan snoskutertransport bestillast av Bjarne Mandt på mobil 970 69 887.

Vegforklaring

Eigedomen ligg nord i Fyresdal kommune, ca. 16 km i frå sentrum i Fyresdal. Når ein er på Veum tek ein inn til Fjellgardane. Vidare tek ein til høgre mellom to gardstun ca. 1,5 km. etter avkjørsla til Fjellgardane frå Veum. Etter ein km. tek ein til venstre til Tortveit. Gardstunet er eit endetun, og ligg ca. 525 m.o.h.

Parkering

Godt med parkeringsplassar på gardstunet.

Reguleringsbestemmelsar

I følge Fyresdal kommune ligg eigedomen i kommuneplanen sin arealdel, vedteken 27.11.2014, i LNF-område (Landbruk, Natur og Friluftsliv).
Det er registrert ein disposisjonplan frå 1974 ved Mjåvatn med 4 utskilde hyttetomter. Denne planen kan ikkje nyttast vidare då disposisjonsplanar er ein utgått planform, dei 4 hyttene er då å reikne som eksisterande fritidsbygg i LNF-området.

Veg, vatn og avløp

Eigedomen har ca. 1,5 km felles privat veg frå atkomst frå offentleg veg til gardstun. Ein må rekne med fellesutgifter til vedlikehald og brøyting. Det er eit eige veglag, og eigar av Tortveit 35 har 22% vegandel.
Privat vassforsyning via tilsigsbrønn som er kopla til eldhuset.
Privat septiktank med spreiegrøft frå 2015 er kopla mot eldhuset. Utsleppet er ikkje godkjent.
Våningshuset er ikkje kopla til vatn, kloakk eller elektrisitet.

Sefrakregistrerte bygningar

På Tortveit er våningshus, låve, eldhus og stabbur sefrakregistrert. På Songedalsvegen 95 er våningshus og stabbur sefrakregistrert. Også hyttene på Blika og Tverrli er sefrakregistrert.
Sjå meir informasjon på
www.riksantikvaren.no.
Bygningane har ikkje spesielle restrikssjonar. Registreringa fungerer meir som eit varsko om at kommunen bør ta ei vurdering av verneverdien før det eventuelt blir gitt løyve til å endre, flytte eller rive bygningar.

Dødsbo

Eigedomen er eit dødsbu, og blir selt ved privat skifte. Ingen av arvingane har sjølv budd på eigedomen. Me oppfordrar interesserte til å synfare/ undersøkje eigedomen.

Festetomt

Det er inngått avtale om innløysing av festetomt. Oppgjeret for salet blir haldt utanom.