Utløpt

Kommunikasjonsrådgivar - engasjement

Arbeidsgiver: Kystverket - Kystverkets hovudkontor
Stillingstittel: Kommunikasjonsrådgivar - engasjement
Frist: 28.11.2016
Ansettelsesform: Engasjement

Kystverkets hovudkontor er strategisk og rådgjevande organ for etaten og får oppdraga sine frå Samferdselsdepartementet. Beredskapsavdelinga er ei av tre fagavdelingar ved hovudkontoret. Beredskapsavdelinga har vidare ansvar for den nasjonale samordninga av beredskapen, statens handtering av skipsvrak med fare for forureining og statens slepeberedskap. Avdelinga deltar òg aktivt i internasjonale organisasjonar og fora innan fagområdet.

Stab for kommunikasjon og samfunnskontakt i Kystverket har det overordna ansvaret for kommunikasjon og informasjon både internt og eksternt. Staben skal gi kommunikasjonsfagleg støtte i saker og prosjekt med strategisk rådgiving og praktisk gjennomføring i forhold til god og effektiv kommunikasjon og informasjon. I tillegg skal stabsfunksjonen medvirke i samband med hendingar og aksjonar knytt opp mot sjøsikkerheit og beredskap mot akutt forureining.

Kystverket har søkt EU om støtte til gjennomføring av ei stor internasjonal øving i 2017 - SCOPE 2017 (Skagerrak Chemical and Oil Spill Exercise 2017). Vi søkjer ein person som skal ha ansvaret for kommunikasjonsoppgåver og kommunikasjonsfagleg rådgiving innanfor dette prosjektet, samt for prosjekt U-864. U-864 er det tyske ubåtvraket som ligg utanfor Fedje i Hordaland.

Stillinga er eit engasjement frå 01.01.17 t.o.m. 31.12.17 med moglegheit for forlenging til september 2018. Arbeidsstaden er for tida Horten. Ein del reiseverksemd må påreknast.

Arbeidsoppgåver

Kommunikasjonsfagleg rådgiving
Arbeide opp i mot media og produksjon
Formidling av innhald på Kystverket sine digitale kanalar innanfor prosjekt U-864 og øvinga SCOPE 2017

Kvalifikasjonar

Høgare utdanning
Ønskeleg med høgare utdanning innan kommunikasjon eller journalistikk
Erfaring innan strategisk kommunikasjon er ein fordel
Ønskeleg med erfaring innan nettjournalistikk for større verksemder
Ønskeleg med erfaring frå statleg sektor
God skriftleg og munnleg framstillingsevne på norsk (begge målformer) og engelsk

Utdanning

Høgskule / Universitet
Journalistikk/kommunikasjon

Eigenskapar

Gode samarbeidsevner
Arbeide sjølvstendig
Kreativ og engasjert
Som redaksjonell medarbeidar bør du vere god på relasjonsbygging, ha gode kommunikasjonsevner, vere omgjengeleg, kunne arbeide under tidspress
Ha positiv drivkraft både i beredskapseiningane og i utviklingsstaben for kommunikasjon

Vi tilbyr

Stillingsbrøk: 100%
Ei utfordrande stilling med gode utviklingsmoglegheiter i denne perioden
Fleksibel arbeidstid
Stillinga vil bli løna som rådgivar/seniorrådgivar, stillingskode 1434/1364, lønnstrinn 60 - 66
God pensjonsordning i Statens Pensjonskasse
Kystverket har eit personalpolitisk mål om at arbeidsstyrken skal spegle samansettinga i befolkninga, både når det gjeld kjønn og kulturelt mangfald. Difor vert kvinner og personar med minoritetsbakgrunn særskilt oppmoda om å søke

Om arbeidsgiveren

Kystverket er ein nasjonal etat for kystforvalting og samferdsel til sjøs. Etaten har ansvar for fiskerihamner, farleier, navigasjonsinstallasjonar, lostenesta og trafikkontroll. Verksemda dekkjer også maritim sektor av nasjonal transportplan i tillegg til myndigheits- og forvaltingsoppgåver i samband med lover og regelverk for hamner, farleier og losplikta. Kystverket har òg ansvaret for staten sin beredskap mot akutt forureining.

Sektor: Offentlig
Sted: Moloveien 7, 3187 Horten
Bransje: PR, informasjon og kommunikasjon
Stillingsfunksjon: Journalist