Sentrumsnært - Påkosta og oppgradert einebustad med dobbel garasje.

Eigedom

Dalvegen 7
6900 Florø

Lokalitet

Flott praktisk bustadhus på eit plan. Eigedomen ligg sentralt til, med kort gangavstand til byen. Skular, barnehager og idrettsanlegg ligg også like i nærleiken. Barnevennleg område. Lun søraustvendt tomt med gode soltilhøve på sommarstid med sol frå 8 om morgonen til kl. 20 om kvelden. Fine turområder like i nærleiken.

Innhald

Bustadhus på eit plan som inneheld: vindfang, bad/wc med skyvedør til vaskerom, kjøkken med spiserom og utgang til altan, stove med utgang til ny terrasse, 3 soverom og bod. Lagringsplass på loft og i kryprom under huset.
Dobbel garasje.

Standard

Det meste av bustaden er oppgradert både innvendig og utvendig i 2010 - 2016. Tomta er drenert og opparbeidd pånytt i 2010. Ny dobbel garasje i 2011. Heile eigedomen framstår tiltalande og lekker.
Sigdal kjøkkeninnreiing med måla heilte eikefrontar. Heiltre benkeplate. Integrert komfyr og platetopp. Bad/vaskerom er nytt i 2010 og har fliser på golv, fliser/måla plater på veggar. Baderomsinnreiing, 140 cm + høgskåp, dusjhjørne med glassdører, veggfesta wc. Skyvedører til vaskeromsdel. Røyr i røyr med fordelarskåp på bad. Nytt utandørs røyropplegg i 2010.
Elles i bustaden er det laminatgolv i vindfang, askeparkett i dei øvrige romma. På veggar er det tapet. Måla plater på bod. I himling er det måla panel og mdf plater. Skyvedørsgarderobe i gang og på eit soverom, i tillegg er det god garderobeplass på det andre doble soverommet. Nytt elektrisk anlegg. Sentralstøvsugar med 3 uttak. Mekanisk avtrekk frå kjøkken og bad.

Kvitevarer

Kvitevarene som er på kjøkkenet ved vising følgjer med i salet. Vaskemaskin og tørketrommel følgjer ikkje med i salet. Tuner til TV følgjer ikkje med, evt. Parabolantenne som er montert skal følgje med.

Byggjemåte

Bustadhuset er opphavleg oppført i 1968, men er i perioden 2010 - 2016 betydeleg oppgradert. Tomta er drenert og opparbeidd pånytt i 2010.
Grunn og fundament er ringmur i betong på fjell. Veggar i krypkjellar er betong. Hovudetasjen har 100 mm trestenderverk, isolert med 100 mm mineralull. Asfaltplater og utvendig kledning. Innvendig diffusjonssperre og platekledning. Ny utvendig kledning på det meste av huset i 2010. Takkonstruksjoner er prefabrikkerte frittbærande takstolar i tre, sutaksbord, papp, rekter, lekter og stålplatetetak. Nytt tak i 2012. Vindauge er 2-lags energivindauge - nye i 2012. Ny ytterdør og 1 terrassedør i 2010 + 1 ny terrrassedør i 2016. Innvendig dører er nye i 2010.
Dobbel garasje oppført i 2011. Innlagt straum. Vedlikehaldsfri leddport i stål med elektrisk opner. 1 stk vedlikehaldsfri ståldør.
Med omsyn til den tekniske standarden på bygningane vert det elles vist til takst av Johnny Østerbø, datert 05.09.2016.

Kjøpar pliktar å gjere seg kjend med innhaldet i taksten og i eigenerklæring frå seljar som ligg ved salsoppgåva før det vert lagt inn bod på eigedommen. Meklar gjer elles merksam på kjøpar si undersøkingsplikt med heimel i avhendingslova.

Arealer og fordeling per etasje

Primærrom: 97 kvm, Bruksareal: 101 kvm, Bruttoareal: 107 kvm
Alle rom er P-rom unnateke: bod

BRA pr. etasje:
1.Etasje: 101 m2
Areala er henta frå takst utført av autorisert takstmann og er i samsvar med NS 3940. Meklar har ikkje kontrollert areala.

Parkering

Parkering i dobbel garasje eller på eigedomen.

Tomt

Areal: 1 065 kvm, Eigarform: Festa tomt, Utløpsår feste: 2066, Festeavgift: 10.390,- pr år. Neste regulering er 2027.
Tomta er flott opparbeidd. Terrasse i sør på ca. 25 m2 + ny terrasse i nord på ca. 45 m2. Hagen er opparbeidd med plen, hekk og fint steinbed.

Regulering/offentleg godkjenning

Ligg i område som er regulert til bustader.

Veg, vatn, avløp

Offentleg vatn og avlaup via private stikkleidningar.

Energimerking

Oppvarmingskarakter Oransje - Energikarakter G
Det er ikkje tatt detaljert energiattest. Oppgraderingar som er gjort kjem dermed ikkje fram i energiattesten.

Tilkomst

Tilkomst frå offentleg veg.

Oppvarming

Lotus peisomn i stove. Det er termostatstyrte varmekablar på bad/wc/vaskerom.

Kommunale avgifter

Kr. 14 554 pr. år inkl. evt. eigedomsskatt.

Faste kostnader

Forsikring pr. år 3.912,-
Straumforbruk pr år er ca. 15.000 kwt.

Likningsverdi

Likningsverdi som primærbustad kr 487 357 per 31.12.14
Likningsverdi som sekundærbustad kr 1 169 657 per 31.12.14

Ferdigattest

Det føreligg ferdigattest frå Flora kommune datert 23.03.2011. Denne ligg vedlagt.
Ferdigattesten gjeld rehabilitering av eksisterande bad.

Konsesjon

Eigedomen er ikkje konsesjonspliktig.

Utleige

Eigedomen kan i sin heilhet leigast ut til bustadføremål.

Eigarskifteforsikring

Bustaden er seld utan eigarskifteforsikring.

HELP Bustadkjøparforsikring

Meklar rår kjøparar av bustader til å teikne "Boligkjøperforsikring". Dette er ei rettshjelpforsikring som gir kjøpar profesjonell juridisk hjelp dersom det vert oppdaga feil eller manglar ved bustaden dei neste 5 åra. Forsikringa inkluderer skadetakst og har ingen eigendel. Forsikringa må teiknast seinast på kontraktsmøte. Sjå www.help.no.

Finansiering

Interessentar som ønskjer tilbod om finansiering i Sparebanken Sogn og Fjordane kan kontakte meklar.

Bodgjeving

Alle bod skal gjevast skriftleg til meklar. Det første bodet skal gjevast på bodskjema påført bodgjevar sin signatur. I tillegg må bodgjevar ha legitimert seg. Seinare bod kan gjevast per e-post, SMS eller per faks til meklar. Bod kan også gjevast via bodgjevingsplattform på nett eller app. Veljast denne løysinga, er det ikkje krav til å sende det første bodet på bodskjema. Meklar skal så snart som muleg stadfeste skriftleg ovanfor bodgjevar at bod er motteke.

Bod som ikkje er skriftleg, eller som har kortare akseptfrist enn til kl. 12.00 dagen etter siste annonserte vising, vil ikkje bli formidla til seljar. Meklar vil heller ikkje formidle bod med atterhald om at bodet er hemmeleg for andre bodgjevarar. Eit bod er bindande for bodgjevar når bodet er blitt gjort kjent for seljar. Seljar står fritt til å akseptere eller forkaste eitkvart bod, og pliktar såleis ikkje å akseptere det høgste bodet på eigedomen.

Meklar skal, i den grad det er naudsynt og muleg, informere dei involverte i bodrunden skriftleg om status i bodgjevinga.
Meklar pliktar å leggje til rette for ei forsvarleg avvikling av bodrunden. For at boda skal kunne bli handsama og formidla vidare skriftlig til alle involverte partar, må eitkvart bod ha ein tilstrekkeleg lang akseptfrist, og uansett bør ikkje eit bod ha ein akseptfrist på mindre enn 30 minutt frå bodet vert gjeve. Seljar må skriftleg akseptere bodet før bodaksept kan formidlast til bodgjevar.
Ein gjer merksam på at bod som vert gjeve etter normal arbeidstid vert handsama/formidla påfølgjande arbeidsdag.

Seljar og kjøpar har krav på å få utlevert kopi av bodjournalen straks etter at handel er komt i stand. Alle som har gjeve bod på eigedomen kan på førespurnad få en kopi av anonymisert bodjournal etter at bodrunden er avslutta.
Ein syner elles til "Forbrukarinformasjon om bodgjeving", som er teke inn på baksida av bodskjema i salsoppgåva.

Overtaking

Etter avtale med seljar.

Seld "som den er"

Salet vert regulert av Lov om avhending av fast eigedom. Eigedomen vert seld i den stand den var under synfaring, jf. avhendingslova § 3-9, "som den er". Dette avtalepunktet medfører at avhendingslova sine reglar om når eigedomen har mangel vert fråvike til ugunst for kjøpar.

Eigedomen har likevel mangel i følgjande tilfelle:
Når kjøpar ikkje har fått opplysningar om forhold ved eigedomen som seljar kjende eller måtte kjenne til, og som kjøpar hadde grunn til å rekne med å få. Dette gjeld likevel berre dersom ein kan gå ut frå at det har verka inn på avtalen at opplysningane ikkje vart gitt.
Når seljar har gitt urette opplysningar om eigedomen. Det same gjeld dersom eigedomen ikkje er i samsvar med opplysningar som er gitt i annonse, salsprospekt eller ved anna marknadsføring på vegne av seljar. Dette gjeld likevel berre dersom ein kan gå ut frå at opplysningane har verka inn på avtalen, og ikkje har vorte retta i tide.
Når eigedomen er i vesentleg dårlegare stand enn kjøpar hadde grunn til å rekne med ut frå kjøpesummen og forholda elles.
Når tomta har vesentleg mindre areal enn opplyst av seljar.