Spennande sentrumseigedom med 2 bueiningar. Tidlegare næringsareal i første etasje.

Eigedom

Vikavegen 3
6940 Eikefjord

Lokalitet

Denne spennande eigedomen ligg midt i Eikefjord sentrum. Første etasje har tidlegare vært bakeri med butikklokale og andre etasje har to romslege leilegheiter. Butikkane i Eikefjord ligg like ved, og det er kort gangavstand til skule og barnehage. Frå eigedomen er det fin utsikt vestover i fjorden. Begge bueiningane har balkong mot sør.

Innhald

Plan 1: Gang med trapp til leilegheitene på plan 2, vaskerom, kjøkken, kontor, butikklokal/kontor, wc, matbod, bod, verktøybod og "bakeri".
Plan 2 aust: Gang, bad/wc, 2 soverom, stue og kjøkken.
Plan 2 vest: Entré, 3 soverom, bad/wc, stue, kjøkken

Standard

Eigedomen har ein enkel standard, oppussing må påreknast.
I bakeriet er det stor bakaromn og kjøkken frå tida då bakeriet var i drift.
Sikringsskåp av nyare dato med automatsikringar og jordfeilbrytar. Nye innvendige avløpsrør i PVC under huset og fram til septiktank i sør.
Kjøkken i begge leilegheitene og på plan 1 har måla plassbygte kjøkkeninnreiingar frå byggjeår. Plassbygte garderobeskåp også på soveromma.
Bad leilegheit vest har fliser på golv og baderomsplater på veggar. Baderomsinnreiing, dusjhjørne og wc.
Bad leilegheit aust har belegg på golv og måla plater på veggar. Dusjkabinett, vask og wc.
Elles i leilegheitene er det på golv: belegg og lakkert tregolv. På veggar er det panel, måla glassfiberstrie, måla plater, strietapet, tapet og måla plater. I himling er det måla tak og måla plater.

Kvitevarer

Kvitevarene som er på kjøkkenet ved vising følgjer med i salet. Vaskemaskin og tørketrommel følgjer ikkje med i salet. Tuner til TV følgjer ikkje med, evt. Parabolantenne som er montert skal følgje med.

Byggjemåte

Bygningen er oppført i 1959. Grunnmuren er antatt oppført ca. 1930. I u.etg er det plasstøypte ytterveggar, 350 mm sparesteinsbetong, utvendig pussa og overflatebehandla. 1. etasje har 148 mm isolert tre-stenderverk, asfaltplater, lekter og utvendig ståande kledning. Innvendig diffusjonsperre og plater. Takkonstruksjonen er valma tak med plassbygte takstolar, sutaksbord, papp, rekter, lekter og betongstein.
Vindauga er frå ulike årstal, mot vest i hovudetasjen er dei skifta i 2006.
Med omsyn til den tekniske standarden på bygningane vert det elles vist til takst av Johnny Østerbø, datert 05.09.2016.

Kjøpar pliktar å gjere seg kjend med innhaldet i taksten og i eigenerklæring frå seljar som ligg ved salsoppgåva før det vert lagt inn bod på eigedommen. Meklar gjer elles merksam på kjøpar si undersøkingsplikt med heimel i avhendingslova.

Meklar gjer særleg merksam på at seljar ikkje har bebudd eigedomen som vert lagt ut for sal. Seljar har difor ikkje spesifikk kunnskap om eigedomen, og har i avgrensa grad kunne supplere og/eller kontrollere opplysningane i denne salsoppgåva. Det kan i denne samanheng eksistere feil og skader på eigedomen som ikkje er spesifikt opplyst. Kjøpar vert oppmoda til å føreta ei særleg grundig synfaring, helst med bistand av teknisk sakkyndig.

Arealer og fordeling per etasje

Primærrom: 217 kvm, Bruksareal: 284 kvm, Bruttoareal: 318 kvm
Alle rom er P-rom unnateke:

BRA pr. etasje:
1.Etasje: 141 m2
2.Etasje: 143 m2
Areala er henta frå takst utført av autorisert takstmann og er i samsvar med NS 3940. Meklar har ikkje kontrollert areala.

Parkering

Parkeringsplass på eigedomen.

Tomt

Areal: 324 kvm, Eigarform: Sjølveigartomt
Tomta er opparbeidd med beleggstein mot aust og treterrasse på støypt plate i vest.

Regulering/offentleg godkjenning

Gnr. 55, bnr. 71 er regulert til bustad (B1), felles køyreveg/parkering.
Eigedomen ligg i reguleringsplan del av Eikefjord sentrum, planid. 20060121.

Veg, vatn, avløp

Offentleg vatn og avlaup via private stikkleidningar.

Energimerking

Oppvarmingskarakter Gul - Energikarakter G

Tilkomst

Tilkomst over eigedomen gnr. 55, bnr. 32.
Denne tilkomstretten er tinglyst.

Oppvarming

Det er installert varmepumpe i den største leilegheita mot vest.
Peisomn i stove vest av nyare dato. Jøtul vedomn i stove aust er defekt.

Kommunale avgifter

Kr. 11 645,- pr. år inkl. eigedomsskatt.
Eigedomen har installert vassmålar.

Faste kostnader

Eigedomen er forsikra i Gjensidige. Årleg premie kr. 7.684,-.
I tillegg kjem andre faste kostnader som straum.

Likningsverdi

Likningsverdi som primærbustad kr 595 606 per 31.12.14
Likningsverdi som sekundærbustad kr 1 429 454 per 31.12.14

Ferdigattest

Det føreligg ikkje ferdigattest eller bruksløyve frå Flora kommune.

Konsesjon

Eigedomen er ikkje konsesjonspliktig.

Utleige

Eigedomen kan i sin heilhet leigast ut til bustadføremål.

Eigarskifteforsikring

Bustaden er seld utan eigarskifteforsikring.

HELP Bustadkjøparforsikring

Meklar rår kjøparar av bustader til å teikne "Boligkjøperforsikring". Dette er ei rettshjelpforsikring som gir kjøpar profesjonell juridisk hjelp dersom det vert oppdaga feil eller manglar ved bustaden dei neste 5 åra. Forsikringa inkluderer skadetakst og har ingen eigendel. Forsikringa må teiknast seinast på kontraktsmøte. Sjå www.help.no.

Finansiering

Interessentar som ønskjer tilbod om finansiering i Sparebanken Sogn og Fjordane kan kontakte meklar.

Bodgjeving

Alle bod skal gjevast skriftleg til meklar. Det første bodet skal gjevast på bodskjema påført bodgjevar sin signatur. I tillegg må bodgjevar ha legitimert seg. Seinare bod kan gjevast per e-post, SMS eller per faks til meklar. Bod kan også gjevast via bodgjevingsplattform på nett eller app. Veljast denne løysinga, er det ikkje krav til å sende det første bodet på bodskjema. Meklar skal så snart som muleg stadfeste skriftleg ovanfor bodgjevar at bod er motteke.

Bod som ikkje er skriftleg, eller som har kortare akseptfrist enn til kl. 12.00 dagen etter siste annonserte vising, vil ikkje bli formidla til seljar. Meklar vil heller ikkje formidle bod med atterhald om at bodet er hemmeleg for andre bodgjevarar. Eit bod er bindande for bodgjevar når bodet er blitt gjort kjent for seljar. Seljar står fritt til å akseptere eller forkaste eitkvart bod, og pliktar såleis ikkje å akseptere det høgste bodet på eigedomen.

Meklar skal, i den grad det er naudsynt og muleg, informere dei involverte i bodrunden skriftleg om status i bodgjevinga.
Meklar pliktar å leggje til rette for ei forsvarleg avvikling av bodrunden. For at boda skal kunne bli handsama og formidla vidare skriftlig til alle involverte partar, må eitkvart bod ha ein tilstrekkeleg lang akseptfrist, og uansett bør ikkje eit bod ha ein akseptfrist på mindre enn 30 minutt frå bodet vert gjeve. Seljar må skriftleg akseptere bodet før bodaksept kan formidlast til bodgjevar.
Ein gjer merksam på at bod som vert gjeve etter normal arbeidstid vert handsama/formidla påfølgjande arbeidsdag.

Seljar og kjøpar har krav på å få utlevert kopi av bodjournalen straks etter at handel er komt i stand. Alle som har gjeve bod på eigedomen kan på førespurnad få en kopi av anonymisert bodjournal etter at bodrunden er avslutta.
Ein syner elles til "Forbrukarinformasjon om bodgjeving", som er teke inn på baksida av bodskjema i salsoppgåva.

Overtaking

Etter avtale med seljar.

Seld "som den er"

Salet vert regulert av Lov om avhending av fast eigedom. Eigedomen vert seld i den stand den var under synfaring, jf. avhendingslova § 3-9, "som den er". Dette avtalepunktet medfører at avhendingslova sine reglar om når eigedomen har mangel vert fråvike til ugunst for kjøpar.

Eigedomen har likevel mangel i følgjande tilfelle:
Når kjøpar ikkje har fått opplysningar om forhold ved eigedomen som seljar kjende eller måtte kjenne til, og som kjøpar hadde grunn til å rekne med å få. Dette gjeld likevel berre dersom ein kan gå ut frå at det har verka inn på avtalen at opplysningane ikkje vart gitt.
Når seljar har gitt urette opplysningar om eigedomen. Det same gjeld dersom eigedomen ikkje er i samsvar med opplysningar som er gitt i annonse, salsprospekt eller ved anna marknadsføring på vegne av seljar. Dette gjeld likevel berre dersom ein kan gå ut frå at opplysningane har verka inn på avtalen, og ikkje har vorte retta i tide.
Når eigedomen er i vesentleg dårlegare stand enn kjøpar hadde grunn til å rekne med ut frå kjøpesummen og forholda elles.
Når tomta har vesentleg mindre areal enn opplyst av seljar.