Utløpt

Undervisningsinspektør - Finnøy sentralskule

Arbeidsgiver: Finnøy kommune - Oppvekst
Stillingstittel: Undervisningsinspektør - Finnøy sentralskule
Frist: 12.10.2016
Ansettelsesform: Fast

Ein av våre undervisningsinspektører går av med pensjon frå årsskiftet. Frå 01.01.2017 har me difor ledig ei stilling som undervisningsinspektør, med ansvar for småskulen.

Finnøy sentralskule er ein 1.- 10. skule som ligg på øya Finnøy i Ryfylke. Skulen ligg i kommunesenteret Judaberg og har adresse Hagabakken 1. Ungdomstrinnet held til eit nybygg som blei teke i bruk i 2014. Barnetrinnet og mellomtrinnet held til i nyoppussa lokale, med eit nytt påbygg (2016) for Skulefritidsordninga (SFO). Det er om lag 340 elevar, fordelt på 10 trinn. Ungdomsskuleelevane kjem frå heile Finnøy kommune, medan 1.-7. klasse kjem frå øyane Finnøy, Talgje, Halsnøy, Bokn og Byre.

Arbeidsoppgåver

Me er på jakt etter deg som gjerne ser seg sjølv i rolla som undervisningsinspektør i grunnskulen. Du har noko erfaring eller kompetanse innan leiing, samstundes som du har undervisningskompetanse for grunnskulen.
Undervisningsinspektøren er ein del av skulen sitt leiarteam og i stillinga ligg om lag 60 % administrative oppgåver og 40 % undervisning. Me er særskild på utkikk etter kandidatar med kompetanse innan begynnaropplæringa.
Andre arbeidsoppgåver er:
- pedagogisk utviklingsarbeid og vidareutvikling av gode system
- elevoppfølging
- kommunikasjon med elevar og foreldre/føresette
- resultatoppfølging
- personalarbeid; vikararbeid og timeplanarbeid
- HMT ansvar

Kvalifikasjonar

Godkjent undervisningskompetanse for grunnskulen.
Det er ynskjeleg med kompetanse/erfaring i begynneropplæringa.
Kompetanse/erfaring i leiing innan relevant fagområde.
Arbeidsspråket i kommunen er nynorsk. Ver merksam på at opplysningar om søkjarar kan bli gjort offentlege, sjølv om søkjarane har oppmoda om ikkje å bli ført opp på søkjarlista. Om oppmodinga ikkje blir teke til følgje, vil søkjarar bli varsla om dette.
Arbeidsstokken i Finnøy kommune skal spegla mangfaldet i befolkninga, og vi oppfordrar difor alle kvalifiserte kandidatar til å søkja på stillingar hjå oss.
Godkjend politiattest som ikkje er eldre enn tre månader må liggje føre ved tilsetting, og seinast før arbeidstakar begynner i stillinga ihht gjeldande lovverk. Det vert teke atterhald om at merknadar på politiattesten kan føre til endring i tilbodet om stilling.

Utdanning

Høgskule / Universitet

Språk

Norsk

Eigenskapar

Vi ynskjer tilsette som:
- er god på relasjonskompetanse
- har god gjennomføringsevne
- arbeider strukturert og systematisk
- er engasjert og har gode samarbeidsevner
- er omgjengeleg og raus
Det vil bli lagt vekt på personlege eigenskapar.

Vi tilbyr

Stillingsbrøk: 100%
Eit triveleg arbeidsmiljø og hyggelege kollegaer
Faglege utfordringar
Løn i samsvar med KS hovudtariffavtale.
Gode pensjons- og forsikringsordningar.

Om arbeidsgiveren

Finnøy er ein øykommune i hjarta av Rogaland, midt i Ryfylkeleia. Kommunen grenser til Hjelmeland, Tysvær, Suldal, Strand, Rennesøy og Bokn. På 16 av øyane bur det folk, til saman 3200. Om sommaren dobler dette talet seg grunna hytte- og båtturistane. Grøderik jord, mildt klima, lune havnar, godt fiske og eit rikt dyre- og planteliv har gjort desse øyane til en attraktiv plass å leve. Talgje og Finnøy er knytt til Nord-Jæren via Finnfast og Rennfast. Kommunesenteret er på Judaberg om lag 35 minuttars reise i bil eller båt frå Stavanger. I Finnøy kommune speler vi på lag og Saman for folk i Finnøy er vår visjon. Det er om lag 240 årsverk tilsett i verksemda Finnøy kommune.

Sektor: Offentlig
Lederkategori: Leder
Sted: Finnøy kommune, 4160 Finnøy
Bransje: Barn, skole og undervisning
Stillingsfunksjon: Undervisning og pedagogikk / Inspektør