Original arkitektteikna einebustad på stor sørvendt utsiktstomt.

Eigedom

Keilevegen 11
6900 Florø

Lokalitet

Eigedomen har ei sørvendt og solrik plassering i attraktivt bustadområde. Fin utsikt mot fjorden, øyane og fjella i aust. Usjenert opparbeidd hage. Kort avstand til sentrum, skular og barnehagar.

Innhald

Bustaden er på to plan og inneheld i u.etg: vf, hall, kjellarstove m/kjøkkenkrok(hybel), wc, dusj, 2 soverom, gang og 3 boder + kjellarrom.
Hovudplan har gang, 3 soverom, bad/wc, vaskerom, kjøkken og stove med utgang til hage.
Frittståande garasje.

Standard

Denne arkitektteikna bustaden er innhaldsrik og har ei god planløysing. Alle overflater i bustaden er originale frå oppføringa. Det vart nytta meget god materialkvalitet etter 1969-standard.
I stova er det heiltre eikeparkett som ikkje har vært slipt, golvet vert som nytt med sliping og lakkering. I hall og trapperom er det Redwood panel på veggar.
Bustaden har eit romsleg kjøkken med plassbygt kjøkkeninnreiing. Badet på hovudplan har flisar på golv og veggar. Badekar, wc og vask. Dusjrom i u.etg har flisar på golv og veggar. Dusjnisje og vask. Separat wc.
Elles i bustaden er det på golv: flisar i vf, filt-teppe i hall, våtromsbelegg på vaskerom, teppefliser, vinylbelegg og betong i boder. På veggar er det Redwood panel, panel, tapet, måla plater og mur. Baderomsplater med respatex-overflater på vaskerom og kjøkken. I himling er det panel, måla plater og måla slette tak. Gode plassbygte garderobeskåp. Tørkeskåp på vaskerom. Sikringsskåp med skrusikringar plasser i kjellarrom.

Kvitevarer

Kvitevarene som er på kjøkkenet ved vising følgjer med i salet. Vaskemaskin og tørketrommel følgjer ikkje med i salet. Tuner til TV følgjer ikkje med, evt. Parabolantenne som er montert skal følgje med.

Byggjemåte

Bustadhuset er oppført i 1969.
Grunn og fundament er betongsole på kultfylling til fjell. Veggar mot grunn/u.etg: 300 mm sparesteinsbetong, utvendig pussa, innvendig utlekta og panel/plata i bustadrom. 1.etg: 100 mm isolert trestenderverk, vindsperre og kledning. Innvendig difusjonsperre og platekledning. Ny utvendig impregnert kledning på aust, vest og delar av sørsida i 2015. Resten av sørsida frå 2002. Takkonstruksjon er saltak med tresperr sutaksbord, papp, rekter, lekter og Hollandske glasserte panner. Vindauga er 2-lags isoler vindauge frå byggjeår. 4 nye vindauge mor sør i 2002. Nokre punkterte vindauge.
Frittståande garasjebygg med betong golv/veggar/tak.
Med omsyn til den tekniske standarden på bygningane vert det elles vist til takst av Johnny Østerbø, datert 26.02.2016.

Meklar gjer særleg merksam på at fullmektig ikkje har bebudd eigedomen som vert lagt ut for sal. Seljar har difor ikkje spesifikk kunnskap om eigedomen, og har i avgrensa grad kunne supplere og/eller kontrollere opplysningane i denne salsoppgåva. Det kan i denne samanheng eksistere feil og skader på eigedomen som ikkje er spesifikt opplyst. Kjøpar vert oppmoda til å føreta ei særleg grundig synfaring, helst med bistand av teknisk sakkyndig.
Kjøpar pliktar å gjere seg kjend med innhaldet i taksten og i eigenerklæring frå seljar som ligg ved salsoppgåva før det vert lagt inn bod på eigedommen. Meklar gjer elles merksam på kjøpar si undersøkingsplikt med heimel i avhendingslova.

Arealer og fordeling per etasje

Primærrom: 193 kvm, Bruksareal: 226 kvm, Bruttoareal: 246 kvm
Alle rom er P-rom unnateke: boder og kjellarrom

BRA pr. etasje:
1.Etasje: 108 m2
2.Etasje: 118 m2

Areala er henta frå takst utført av autorisert takstmann og er i samsvar med NS 3940. Meklar har ikkje kontrollert areala.

Parkering

Parkering i garasje, evt. på eigedomen.

Tomt

Areal: 1 302 kvm, Eierform: Sjølveigartomt.
Eigedomen ligg på ei høgde, sørvendt og solrik med god plassering. Fin utsikt mot fjorden. Usjenert uteplass mot sør. Hagen er opparbeidd med skiferlagt uteplass, plantar og grøntareal. Støypt trapp frå vegen til skiferheller som gangveg til inngangsparti.

Regulering/offentleg godkjenning

Ligg i område som i Kommunedelplanen er avsatt til bustad. Grense til friområde i sør.

Veg, vatn, avløp

Offentleg vatn og avlaup via private stikkleidningar.

Energimerking

Oppvarmingskarakter Oransje - Energikarakter G

Tilkomst

Tilkomst frå offentleg veg.Trapp frå garasje til bustaden.

Oppvarming

Det er varmekablar i golv i hall, mellomgang, dusj, bad og på vaskerom. Trolla 530 vedkamin i hall. Murt open peis + vedomn i stove.

Kommunale avgifter

Kr. 20 231 pr. år inkl. evt. eigedomsskatt.

Faste kostnader

Eigedomen er forsikra i If. Årleg premie er kr. 5.058,-.
I tillegg kjem faste kostnader som straum.

Likningsverdi

Likningsverdi som primærbustad kr 689 697 per 31.12.14
Likningsverdi som sekundærbustad kr 1 655 921 per 31.12.14

Ferdigattest

Det føreligg ikkje ferdigattest eller bruksløyve frå Flora kommune.

Konsesjon

Eigedomen er ikkje konsesjonspliktig.

Utleige

Eigedomen kan i sin heilhet leigast ut til bustadføremål.

Eigarskifteforsikring

Bustaden er seld med eigarskifteforsikring.

HELP Bustadkjøparforsikring

Meklar rår kjøparar av bustader til å teikne "Boligkjøperforsikring". Dette er ei rettshjelpforsikring som gir kjøpar profesjonell juridisk hjelp dersom det vert oppdaga feil eller manglar ved bustaden dei neste 5 åra. Forsikringa inkluderer skadetakst og har ingen eigendel. Forsikringa må teiknast seinast på kontraktsmøte. Sjå www.help.no.

Finansiering

Interessentar som ønskjer tilbod om finansiering i Sparebanken Sogn og Fjordane kan kontakte meklar.

Bodgjeving

Alle bod skal gjevast skriftleg til meklar. Det første bodet skal gjevast på bodskjema påført bodgjevar sin signatur. I tillegg må bodgjevar ha legitimert seg. Seinare bod kan gjevast per e-post, SMS eller per faks til meklar. Bod kan også gjevast via bodgjevingsplattform på nett eller app. Veljast denne løysinga, er det ikkje krav til å sende det første bodet på bodskjema. Meklar skal så snart som muleg stadfeste skriftleg ovanfor bodgjevar at bod er motteke.

Bod som ikkje er skriftleg, eller som har kortare akseptfrist enn til kl. 12.00 dagen etter siste annonserte vising, vil ikkje bli formidla til seljar. Meklar vil heller ikkje formidle bod med atterhald om at bodet er hemmeleg for andre bodgjevarar. Eit bod er bindande for bodgjevar når bodet er blitt gjort kjent for seljar. Seljar står fritt til å akseptere eller forkaste eitkvart bod, og pliktar såleis ikkje å akseptere det høgste bodet på eigedomen.

Meklar skal, i den grad det er naudsynt og muleg, informere dei involverte i bodrunden skriftleg om status i bodgjevinga.
Meklar pliktar å leggje til rette for ei forsvarleg avvikling av bodrunden. For at boda skal kunne bli handsama og formidla vidare skriftlig til alle involverte partar, må eitkvart bod ha ein tilstrekkeleg lang akseptfrist, og uansett bør ikkje eit bod ha ein akseptfrist på mindre enn 30 minutt frå bodet vert gjeve. Seljar må skriftleg akseptere bodet før bodaksept kan formidlast til bodgjevar.
Ein gjer merksam på at bod som vert gjeve etter normal arbeidstid vert handsama/formidla påfølgjande arbeidsdag.

Seljar og kjøpar har krav på å få utlevert kopi av bodjournalen straks etter at handel er komt i stand. Alle som har gjeve bod på eigedomen kan på førespurnad få en kopi av anonymisert bodjournal etter at bodrunden er avslutta.
Ein syner elles til "Forbrukarinformasjon om bodgjeving", som er teke inn på baksida av bodskjema i salsoppgåva.

Overtaking

Etter avtale med seljar.

Seld "som den er"

Salet vert regulert av Lov om avhending av fast eigedom. Eigedomen vert seld i den stand den var under synfaring, jf. avhendingslova § 3-9, "som den er". Dette avtalepunktet medfører at avhendingslova sine reglar om når eigedomen har mangel vert fråvike til ugunst for kjøpar.

Eigedomen har likevel mangel i følgjande tilfelle:
Når kjøpar ikkje har fått opplysningar om forhold ved eigedomen som seljar kjende eller måtte kjenne til, og som kjøpar hadde grunn til å rekne med å få. Dette gjeld likevel berre dersom ein kan gå ut frå at det har verka inn på avtalen at opplysningane ikkje vart gitt.
Når seljar har gitt urette opplysningar om eigedomen. Det same gjeld dersom eigedomen ikkje er i samsvar med opplysningar som er gitt i annonse, salsprospekt eller ved anna marknadsføring på vegne av seljar. Dette gjeld likevel berre dersom ein kan gå ut frå at opplysningane har verka inn på avtalen, og ikkje har vorte retta i tide.
Når eigedomen er i vesentleg dårlegare stand enn kjøpar hadde grunn til å rekne med ut frå kjøpesummen og forholda elles.
Når tomta har vesentleg mindre areal enn opplyst av seljar.