Bildegalleri
Liten sjarmerande einebustad med sørvendt og solrik terrasse.
Selhaugvegen 52, 6900 FlorøPris på lån: fra 9 924 kr/mnd
Eff.rente 5,92 %. 1 575 000 o/25 år. Kostnad: 1 402 200 kr. Totalt 2 977 200 kr.
Nøkkelinfo
- Boligtype
- Enebolig
- Eieform
- Eier (Selveier)
- Soverom
- 3
- Primærrom
- 95 m²
- Bruksareal
- 99 m²
- Byggeår
- 1992
- Energimerking
- D - Gul
- Tomteareal
- 336 m² (eiet)
- Bruttoareal
- 105 m²
- Boligselgerforsikring
- Ja
Visning
Ta kontakt for å avtale visning.Eigedom
Selhaugvegen 52
6900 Florø
Lokalitet
Liten sjarmerande einebustad med sørvendt og solrik terrasse.
Eigedomen ligg i barnevennleg område med kort gangavstand til skule, barnehage og butikkane på Krokane. Det er ca. 2 km. til sentrum.
Innhald
Bustaden er på to plan og inneheld på plan 1: vindfang, bad/wc/vaskerom, kjøkken og stove med utgang til sørvendt terrasse. Plan 2 har gang, 3 soverom, dusj/wc.
Standard
Bustaden har Norema kvit kjøkkeninnreiing, med lys- og gesimslister. Laminat benkeplate.
Bad/vaskerom på plan 1 har flislagt golv, baderomsplater på veggar. Baderomsinnreiing, dusjnisje, wc, stålvaskekar og uttak til vaskemaskin.
Badet på plan 2 har våtromsbelegg på golv og måla glassfiberstrie på veggar. Baderomsinnreiing, wc og dusj på vegg.
Elles i bustaden er det på golv: fliser i vindfang og kjøkken, vinylbelegg på dei øvrige romma.
På veggar er det panelbeisa panel i vindfang, stove og gang/trapperom plan 2. Måla miljøtapet med måla brystningspanel og fliser over benkeplater på kjøkken. Tapet på soverom.
I himling er det takessplater på plan 1 (nymåla i 2016). Plan 2 har måla tak i dusj/wc. Panel i dei øvrige romma. Sikringsskap med automatsikringer og jordfeilbryter i vindfang. Mekanisk avtrekk fra våtrom og kjøkken, motor på loft. Det er innlagt fiberkabel i bustaden.
Kvitevarer
Kvitevarene som er på kjøkkenet ved vising følgjer med i salet. Vaskemaskin og tørketrommel følgjer ikkje med i salet. Tuner til TV følgjer ikkje med, evt. Parabolantenne som er montert skal følgje med.
Byggjemåte
Bustadhuset er oppført i 1992.
Golv på grunn er armert, isolert støypt betongplate over grusfylling på kultstein.Ytterveggar har 148 mm isolert tre-stenderverk, asfaltplater,lekter og utvendig liggande kledning. Innvendig diffusjons-sperre og plater/panel. Utvendig er bustaden nymåla i 2016. Det gjenstår litt maling i mønespissen på gavlveggane. Yttertak har prefabrikkerte A-takstoler , sutaksplater, rekter, lekter og betongtakstein. Innvendig lufting, isolasjon, diffusjonsperre og panel. Vindauga er 2-lags isolerglass med utenpåliggende sprosser.
Med omsyn til den tekniske standarden på bygningane vert det elles vist til takst av Johnny Østerbø, datert 18.08.2016.
Kjøpar pliktar å gjere seg kjend med innhaldet i taksten og i eigenerklæring frå seljar som ligg ved salsoppgåva før det vert lagt inn bod på eigedommen. Meklar gjer elles merksam på kjøpar si undersøkingsplikt med heimel i avhendingslova.
Arealer og fordeling per etasje
Primærrom: 95 kvm, Bruksareal: 99 kvm, Bruttoareal: 105 kvm
Alle rom er P-rom unnateke: bod.
BRA pr. etasje:
1.Etasje: 64 m2
2.Etasje: 35 m2
Areala er henta frå takst utført av autorisert takstmann og er i samsvar med NS 3940. Meklar har ikkje kontrollert areala.
Parkering
Parkering på eigedomen.
Tomt
Areal: 336 kvm, Eierform: Eiet tomt
Hagen er opparbeidd med blomsterbed og terrasse + asfaltert innkjørsel.
Regulering/offentleg godkjenning
Eigedomen ligg i område som i kommunedelplanen er avsett til bustader.
Veg, vatn, avløp
Offentleg vatn og avlaup via private stikkleidningar.
Energimerking
Oppvarmingskarakter Gul - Energikarakter D
Tilkomst
Lett tilkomst frå offentleg veg.
Oppvarming
Installert luft til luft varmepumpe i stove (ny i 2013). Mura og pussa elementpipe, mura peis med innsats i stove.Termostatstyrte varmekabler i vindfang, bad/wc/vaskerom og kjøkken.
Kommunale avgifter
Kr. 7 767 pr. år inkl. evt. eigedomsskatt.
Faste kostnader
Eigedomen er forsikra i Tryg. Forsikringspremie pr. år kr. 2091,-.
Straumforbruk pr. år er ca. 10.000 kWt
Likningsverdi
Likningsverdi som primærbustad kr 604 595 per 31.12.14
Likningsverdi som sekundærbustad kr 1 451 027 per 31.12.14
Ferdigattest
Det føreligg ferdigattest frå Flora kommune datert 23.06.1992. Denne ligg vedlagt.
Konsesjon
Eigedomen er ikkje konsesjonspliktig.
Utleige
Eigedomen kan i sin heilhet leigast ut til bustadføremål.
Eigarskifteforsikring
Bustaden er seld med eigarskifteforsikring.
HELP Bustadkjøparforsikring
Meklar rår kjøparar av bustader til å teikne "Boligkjøperforsikring". Dette er ei rettshjelpforsikring som gir kjøpar profesjonell juridisk hjelp dersom det vert oppdaga feil eller manglar ved bustaden dei neste 5 åra. Forsikringa inkluderer skadetakst og har ingen eigendel. Forsikringa må teiknast seinast på kontraktsmøte. Sjå www.help.no.
Finansiering
Interessentar som ønskjer tilbod om finansiering i Sparebanken Sogn og Fjordane kan kontakte meklar.
Bodgjeving
Alle bod skal gjevast skriftleg til meklar. Det første bodet skal gjevast på bodskjema påført bodgjevar sin signatur. I tillegg må bodgjevar ha legitimert seg. Seinare bod kan gjevast per e-post, SMS eller per faks til meklar. Bod kan også gjevast via bodgjevingsplattform på nett eller app. Veljast denne løysinga, er det ikkje krav til å sende det første bodet på bodskjema. Meklar skal så snart som muleg stadfeste skriftleg ovanfor bodgjevar at bod er motteke.
Bod som ikkje er skriftleg, eller som har kortare akseptfrist enn til kl. 12.00 dagen etter siste annonserte vising, vil ikkje bli formidla til seljar. Meklar vil heller ikkje formidle bod med atterhald om at bodet er hemmeleg for andre bodgjevarar. Eit bod er bindande for bodgjevar når bodet er blitt gjort kjent for seljar. Seljar står fritt til å akseptere eller forkaste eitkvart bod, og pliktar såleis ikkje å akseptere det høgste bodet på eigedomen.
Meklar skal, i den grad det er naudsynt og muleg, informere dei involverte i bodrunden skriftleg om status i bodgjevinga.
Meklar pliktar å leggje til rette for ei forsvarleg avvikling av bodrunden. For at boda skal kunne bli handsama og formidla vidare skriftlig til alle involverte partar, må eitkvart bod ha ein tilstrekkeleg lang akseptfrist, og uansett bør ikkje eit bod ha ein akseptfrist på mindre enn 30 minutt frå bodet vert gjeve. Seljar må skriftleg akseptere bodet før bodaksept kan formidlast til bodgjevar.
Ein gjer merksam på at bod som vert gjeve etter normal arbeidstid vert handsama/formidla påfølgjande arbeidsdag.
Seljar og kjøpar har krav på å få utlevert kopi av bodjournalen straks etter at handel er komt i stand. Alle som har gjeve bod på eigedomen kan på førespurnad få en kopi av anonymisert bodjournal etter at bodrunden er avslutta.
Ein syner elles til "Forbrukarinformasjon om bodgjeving", som er teke inn på baksida av bodskjema i salsoppgåva.
Overtaking
Etter avtale med seljar.
Seld "som den er"
Salet vert regulert av Lov om avhending av fast eigedom. Eigedomen vert seld i den stand den var under synfaring, jf. avhendingslova § 3-9, "som den er". Dette avtalepunktet medfører at avhendingslova sine reglar om når eigedomen har mangel vert fråvike til ugunst for kjøpar.
Eigedomen har likevel mangel i følgjande tilfelle:
Når kjøpar ikkje har fått opplysningar om forhold ved eigedomen som seljar kjende eller måtte kjenne til, og som kjøpar hadde grunn til å rekne med å få. Dette gjeld likevel berre dersom ein kan gå ut frå at det har verka inn på avtalen at opplysningane ikkje vart gitt.
Når seljar har gitt urette opplysningar om eigedomen. Det same gjeld dersom eigedomen ikkje er i samsvar med opplysningar som er gitt i annonse, salsprospekt eller ved anna marknadsføring på vegne av seljar. Dette gjeld likevel berre dersom ein kan gå ut frå at opplysningane har verka inn på avtalen, og ikkje har vorte retta i tide.
Når eigedomen er i vesentleg dårlegare stand enn kjøpar hadde grunn til å rekne med ut frå kjøpesummen og forholda elles.
Når tomta har vesentleg mindre areal enn opplyst av seljar.
Ta kontakt med megler for komplett informasjon
Nyttige lenker
Beliggenhet
Eigedomsmekling Sogn og Fjordane AS
Annonsene kan være mangelfulle i forhold til lovpålagt opplysningsplikt. Før bindende avtale inngås oppfordres interessenter til å innhente komplett informasjon fra meglerforetaket, selger eller utleier.