Saltkjelen

Eigedom

Saltkjelen 18
6887 Lærdal

Lokalitet

Bustadeigedom i Saltkjelen byggefelt på Ljøsne. Det er kort avstand til skule på Ljøsne og det er nærbutikk i området. Avstand til Lærdalsøyri er ca 14 km. Eigedomen ligg i enden av blingate godt avskjerma utan innsyn. Eigedomen grensar til Lærdalselvi og friområde.

Innhald

Det er oppsatt bustadhus på eigedomen i 1991. Bustaden er innreidd med ei bueining på eit plan + delvis innreidd kjellar.
Bustaden har følgjande innhald:
U.etasje: Gang og 3 soverom + stor uinnreidd del.
1.etasje: vindfang, gang, kjøken, bad, stove, spisestove, vaskerom og 3 soverom.
Loft: Koffertloft.
Ny dobbel garasje blei oppført i 2013. Bustaden har innlagt fiber.

Stort potensiale for eiga bueining i den uinnreidde delen i underetasjen.

Standard

Bustaden har normalt god standard og kvalitetar, med tidstypiske konstruksjonar og løysningar som var vanlige på oppføringstidspunktet. Det er foretatt ein del innvendig overflateoppussing og innreiing av soverom i kjellar i seinare tid.
Ved inngangen til bustaden møter du entré og ein luftig gang i lys og delikat farge. Entré har varmekabel i golv.
Kjøkenet består av skåpseksjonar med profilerte formpressa former og laminat benkeplate. Mellom benkeplate og overskåp er det oppført metallplate. Kjøkenet har plass til sittegruppe og er innreidd med god skåpplass og kjølerom. Bustaden har og eit vaskerom med inngang til kjøken. I vaskerommet er det utslagsvask, varmekabel i golv, tilkopling for vaskemaskin og utgang via entré. Like ved kjøken ligg del av stova som blir brukt til spiseområde med ei opa løysing til resten av stova. I stova er det god høgd under himling som er med på å skape ei opa og luftig romkjensle. Store vindaugsflater slepp inn godt med naturleg lys og gjer stova lys og fin. Vedomn av nyare dato med grå måla mur i kring er montert i stova og skapar ein stilig kontrast til resten av rommet. Frå stova er det eigen utgang til terrasse og i tillegg automatiske persienner. Badet i bustaden er av god størrelse og er innreidd med romsleg dusjkabinett, toalett, servant med under-/og overskåp. Badet har varmekablar og flis på golv og vegg.
Dei 3 soveromma i 1.etasje er av god størrelse og har vinyl på golv og tapet på vegg.
I underetasjen er det og 3 soverom, men det er uklart om innreidd soverom tilfredsstill tekniske krav pga små vindauge. Loftet er uinnreidd og arealet er ikkje målbart etter NS 3940 pga manglande golv.

Kvitevarer

Av kvitevarer som er på kjøken er det kun oppvaskmaskin ved vising som føl med i salet. Vaskemaskin og tørketrommel følgjer ikkje med i salet. Tuner til TV følgjer ikkje med, evt. Parabolantenne som er montert skal følgje med.

Byggjemåte

Utvendig:
Bustaden står på antatt betongfundament på stedlige grus-og seinmassar. Golvet i grunn er av betongplate på steingrunn. I dei romma som er innreia er det i følgje eigar lagt flytande golv med steinrull og plater. I underetasje er det Leca-veggar mot grunn med utvendig puss og måling. Innvendig påføring i innreida soverom. Det er brukt trebjelkelag som etasjeskillar i bustaden og isolasjonen er synleg i bjelkelaget i frå underetasjen. Nokon stader er det teikn på golvknirk i 1. etasje.
Ytterveggane er av isolert bindingsverk og trepanel utvending er liggande dobbeltfalsa. Takkonstruksjonen er av saltak med prefabrikkerte loftromstakstolar. Møna himling over stove. Utføring av isolert skråhimling er ikkje avdekka eller dokumentert med teikning.
Takstein på lekter er frå Zanda og undertak er av sutaksplater.
Bustaden har faste og glidehengsla vindauge med 2-lags isolerglass og lause utanpåliggande sprossar. Det er observert ein del kondensmerker innvendig på vindaugskarmar.

Innvendig:
Baderomsgolvet er flislagt, medan det er vinyl på golv i 1.etasje og laminatgolv på soverom i underetasje. Det er uavklart om det er fungerande (tett) membran under flis på badegolv og vegg då det tidlegare har vore lekkasje gjennom golvet.
Veggar innvendig er av flisar på bad, tapet/strie og noko panel i 1.etasje. I innreia rom i 1.etasje er det måla panel. Panel på kjølerom er ikkje ferdig utført.

Bustaden har normalt godt utstyrt sanitæranlegg i forhold til alder, med stort sett skjult opplegg av kobbarrøyr og 2-greps blandebatteri.
Ein 200l beredar er plassert i underetasje.

Ventilasjonsanlegg i bustaden er utstyrt med villavent med avtrekk frå kjøken og våtrom. Ellers er det naturlig ventilasjon.
Det elektriske anlegget er normalt godt utstyrt med stort sett skjult installasjon. Jordkabel og inntak er plassert i underetasje i tillegg til fordelingsskåp med automatsikringar både i vindfang i 1.etasje og i underetasje. Det er montert ein del downlight med LED-belysning og i følgje eigar er det funksjonsfeil på downlight i underetasje. Det er installert brannvarslar i alle rom med eigen sentral som dekker alle. Denne sentralen er frå 1991 og fungerar ikkje i dag. Denne må derfor bytast. Det er hengt opp 3 vanlege varslara i staden og desse er seriekopla.

Garasjen på eigedomen er oppført i 2013 og er i god vedlikehaldsmessig stand. Bygget er isolert og innreia med elektronisk installasjon og er på 41 kvm. Garasjen har betongplate på mark, bindingsverkveggar med liggande trepanel, saltak utført med loftsromstakstol og takstein som tekking. Leddheisport er motorstyrt og det er er innlagt strøm med eige 3-fase uttak. Det er bygd hundehus inntil garasjen.

Med omsyn til den tekniske standarden på bygningane vert det elles vist til takst av Kjell Tokvam, datert 29.07.2016.

Kjøpar pliktar å gjere seg kjend med innhaldet i taksten og i eigenerklæring frå seljar som ligg ved salsoppgåva før det vert lagt inn bod på eigedommen. Meklar gjer elles merksam på kjøpar si undersøkingsplikt med heimel i avhendingslova.

Arealer og fordeling per etasje

Primærrom: 175 kvm, Bruksareal: 245 kvm
Alle rom er P-rom unnateke:

BRA pr. etasje:
Kjellar: 120 kvm
1.etasje: 125 kvm

Areala er henta frå takst utført av autorisert takstmann og er i samsvar med NS 3940. Meklar har ikkje kontrollert areala.

Parkering

Stor flott dobbelgarasje. I tillegg godt med oppstillingsplassar på eigedomen.

Tomt

Areal: 846 kvm, Eierform: Eiet tomt
Flat opparbeida tomt, med grusa biloppstillingsplass og plenareal. Uteplass med grill. Det gjenstår noko mindre arbeid på tomta i tilknytning til garasje. Lett og fin tilkomst.

Regulering/offentleg godkjenning

Eigedomen er regulert til bustadføremål. Reguleringsplan for Saltkjelen er gjeldande for denne eigedomen.
- I dette område kan det oppførast bustadhus på 2 etasjar med tilhøyrande garasje.
- Bygningens grunnflate, inkl. garasje må ikkje overstige 25% av tomtas areal.
- Bygningens høgde må ikkje overstige 3m for ein etasje, og 6m for eit to-etasjes hus.
Reguleringsføresegnene ligg vedlagt i salsoppgåva.

Veg, vatn, avløp

Eigedomen er tilknytt offentleg vass- og avlaupsnett.

Energimerking

Oppvarmingskarakter Oransje - Energikarakter E

Tilkomst

Adkomst via kommunal veg.

Oppvarming

- Vedomn i stove
- Varmekablar på bad og vaskerom
- Elektriske panelovnar

Kommunale avgifter

Kr. 14 965 pr. år

Likningsverdi

Likningsverdi som primærbustad kr 1 053 494 per 31.12.14
Likningsverdi som sekundærbustad kr 2 528 385 per 31.12.14

Ferdigattest

Det føreligg ikkje ferdigattest eller bruksløyve frå Lærdal kommune.

Konsesjon

Eigedomen er ikkje konsesjonspliktig.

Utleige

Eigedomen kan i sin heilhet leigast ut til bustadføremål.

Eigarskifteforsikring

Bustaden er seld med eigarskifteforsikring.

HELP Bustadkjøparforsikring

Meklar rår kjøparar av bustader til å teikne "Boligkjøperforsikring". Dette er ei rettshjelpforsikring som gir kjøpar profesjonell juridisk hjelp dersom det vert oppdaga feil eller manglar ved bustaden dei neste 5 åra. Forsikringa inkluderer skadetakst og har ingen eigendel. Forsikringa må teiknast seinast på kontraktsmøte. Sjå www.help.no.

Bustadkjøparforsikring

Ein gjer kjøpar merksam på at ein har anledning til å teikne bustadkjøparforsikring. Forsikringa gir kjøpar bistand etter avhendingslova og dekkjer all advokatbistand, skadetakstar og kostnader til rettsapparatt. Forskringa har ingen eigenandel. Forsikringa må teiknast seinast på kontraktsmøte. Les meir om forsikringa i eige vedlegg eller på http://www.help.no.

Finansiering

Interessentar som ønskjer tilbod om finansiering i Sparebanken Sogn og Fjordane kan kontakte meklar.

Bodgjeving

Alle bod skal gjevast skriftleg til meklar. Det første bodet skal gjevast på bodskjema påført bodgjevar sin signatur. I tillegg må bodgjevar ha legitimert seg. Seinare bod kan gjevast per e-post, SMS eller per faks til meklar. Bod kan også gjevast via bodgjevingsplattform på nett eller app. Veljast denne løysinga, er det ikkje krav til å sende det første bodet på bodskjema. Meklar skal så snart som muleg stadfeste skriftleg ovanfor bodgjevar at bod er motteke.

Bod som ikkje er skriftleg, eller som har kortare akseptfrist enn til kl. 12.00 dagen etter siste annonserte vising, vil ikkje bli formidla til seljar. Meklar vil heller ikkje formidle bod med atterhald om at bodet er hemmeleg for andre bodgjevarar. Eit bod er bindande for bodgjevar når bodet er blitt gjort kjent for seljar. Seljar står fritt til å akseptere eller forkaste eitkvart bod, og pliktar såleis ikkje å akseptere det høgste bodet på eigedomen.

Meklar skal, i den grad det er naudsynt og muleg, informere dei involverte i bodrunden skriftleg om status i bodgjevinga.
Meklar pliktar å leggje til rette for ei forsvarleg avvikling av bodrunden. For at boda skal kunne bli handsama og formidla vidare skriftlig til alle involverte partar, må eitkvart bod ha ein tilstrekkeleg lang akseptfrist, og uansett bør ikkje eit bod ha ein akseptfrist på mindre enn 30 minutt frå bodet vert gjeve. Seljar må skriftleg akseptere bodet før bodaksept kan formidlast til bodgjevar.
Ein gjer merksam på at bod som vert gjeve etter normal arbeidstid vert handsama/formidla påfølgjande arbeidsdag.

Seljar og kjøpar har krav på å få utlevert kopi av bodjournalen straks etter at handel er komt i stand. Alle som har gjeve bod på eigedomen kan på førespurnad få en kopi av anonymisert bodjournal etter at bodrunden er avslutta.
Ein syner elles til "Forbrukarinformasjon om bodgjeving", som er teke inn på baksida av bodskjema i salsoppgåva.

Overtaking

Huset er ledig frå 1. desember, eller etter avtale med seljar.

Seld "som den er"

Salet vert regulert av Lov om avhending av fast eigedom. Eigedomen vert seld i den stand den var under synfaring, jf. avhendingslova § 3-9, "som den er". Dette avtalepunktet medfører at avhendingslova sine reglar om når eigedomen har mangel vert fråvike til ugunst for kjøpar.

Eigedomen har likevel mangel i følgjande tilfelle:
Når kjøpar ikkje har fått opplysningar om forhold ved eigedomen som seljar kjende eller måtte kjenne til, og som kjøpar hadde grunn til å rekne med å få. Dette gjeld likevel berre dersom ein kan gå ut frå at det har verka inn på avtalen at opplysningane ikkje vart gitt.
Når seljar har gitt urette opplysningar om eigedomen. Det same gjeld dersom eigedomen ikkje er i samsvar med opplysningar som er gitt i annonse, salsprospekt eller ved anna marknadsføring på vegne av seljar. Dette gjeld likevel berre dersom ein kan gå ut frå at opplysningane har verka inn på avtalen, og ikkje har vorte retta i tide.
Når eigedomen er i vesentleg dårlegare stand enn kjøpar hadde grunn til å rekne med ut frå kjøpesummen og forholda elles.
Når tomta har vesentleg mindre areal enn opplyst av seljar.