Osterøy kommune søkjer Sektorleiar til helse omsorg og sosial

Kort om stillinga
Osterøy kommune søkjer ein framtidsretta, engasjert og tydeleg sektorleiar, med eit godt organisasjons-/ og tenesteperspektiv, til å leia sektor for Helse, omsorg og sosial. Sektoren har om lag 350 tilsette.

Sektoren står framfor fleire spanande utfordringar i den komande tida og vi ønskjer ein person som kan drive prosessar og sikre god gjennomføring og avslutning av ulike prosjekt gjennom tydelege prioriteringar og godt leiarskap.

Kommunen ynskjer å ha ei leiargruppe som er godt samansett med reflekterte og sjølvstendige medarbeidarar som utfyller kvarande på ein god måte. Stillinga rapporterer til rådmann og inngår i rådmannen si leiargruppe.

Arbeidsoppgåver
Stillinga får det overordna ansvaret med å leie og utvikle tenesteområdet fagleg, organisatorisk og økonomisk
Følgje opp, motivere og utvikle leiarane og medarbeidarane i sektoren
Syte for tverrfagleg samhandling med andre verksemder i kommunen
Syte for samordning, utvikling og effektiv drift av tenesteområda
Representere kommunen og samhandle med aktørar utanfor den kommunale organisasjonen
Ta initiativ til, utvikle og iverksetje aktuielle planar for tenestene
Aktiv deltaking i rådmannen si leiargruppe

Kompetanse
Relevant høgare utdanning, fortrinnsvis innanfor helse og omsorg
Ønskjeleg med vidareutdanning innanfor økonomi -/ og leiingsfag
Solid leiarerfaring frå komplekse organisasjonar
Ønskjeleg med erfaring frå offentleg sektor
God økonomiforståing og erfaring frå økonomistyring
God forståing for innovasjonsprosessar, IKT- verktøy og omsorgsteknologi
Gjerne erfaring med å leie endrings-/ og omstillingsprosessar
Gode norskkunnskapar, skriftleg så vel som munnleg

Personlege eigenskapar
Vi søkjer deg som:
evnar å tenkje strategisk og heilskapleg
evnar å gjennomføre til tider krevjande avgjerder og tiltak
evnar å gjere tydelege prioriteringar og ta seg av til tider store arbeidsmengder
er relasjonsskapande med fokus på leiing og samarbeid
er sjølvstendig, initiativrik og engasjert
kommuniserer godt

Ved tilsetting vil det verta lagt vekt på personlege eigenskaper for stillinga og leiargruppa.

Vi tilbyr
Stillingsbrøk: 100% fast
Lønn etter avtale
Gode forsikrings- og pensjonsordningar
Osterøy kommune er ei IA bedrift

Søknad
Søknad skal sendast elektronisk via rekrutteringssystemet vårt. Dersom du treng hjelp med registrering av søknad, ta kontakt med servicekontoret vårt, tlf. 56 19 21 00.

Rettkjende kopiar av vitnemål og attestar skal takast med ved eventuelt intervju