Utløpt

Forskingsteknikar/avdelingsingeniør

Arbeidsgiver
Norsk institutt for bioøkonomi (NIBIO)
Stillingstittel
Forskingsteknikar/avdelingsingeniør
Frist
01.09.2016
Ansettelsesform
Fast
Bli kjent med NIBIO - NORSK INSTITUTT FOR BIOØKONOMI

Ved vårt regionkontor i Ullensvang er det no ledig ei fulltidsstilling som forskingsteknikar/avdelingsingeniør. Arbeidsstad er Lofthus i Ullensvang, men ein må og rekne med reiseverksemd. 

 

Ansvarsområde og arbeidsoppgåver
Ansvarsområde: Forsøk- og prosjektarbeid i felt, i laboratorium og kontor.

Arbeidsoppgåver:

  • Feltarbeid, som omfattar stell av forsøksfelt, forsøkshandsaming, diagnostisere angrep  av skadegjerarar, oppteljing av skade, innhausting og sortering av frukt. 
  • Laboratoriearbeid, som omfattar analysar av fruktkvalitet og skade, analysar med bruk av molekylære metodar, visuell inspeksjon i lupe og mikroskop, stell av sopp- og insektkulturar, samt arbeid i sterilbenk. 
  • Kontorarbeid, som omfattar å laga forsøksplanar og kart, innlegging av tal i excel, arbeid med ulike tal- og statistikkverkty og presentasjon av resultat, samt bidra til publisering i norske fagtidsskrift.

Kvalifikasjonar

  • Biologisk relatert utdanning, gjerne på høgskule- eller universitetsnivå.
  • Kjennskap til og interesse for praktisk frukt- og bær-dyrking.
  • Søkjar må og ha normalt fargesyn som er viktig i diagnosesamanheng.
  • Erfaring frå enklare laboratoriearbeid er og ein fordel. 
  • Gode språkkunnskapar i norsk (skandinavisk) og grunnleggjande språkkunnskapar i engelsk.
  • Sertifikat for bil, klasse B.

Personlege eigenskapar

  • Kan arbeida sjølvstendig, er initiativrik og resultatorientert.
  • Har gode samarbeidsevner, er utadvendt, er nøyaktig og kan ta eit ekstra tak i travle periodar

Vi tilbyr

  • Stillinga vert løna i det statlege lønnsregulativet som forskingsteknikar kode 1511/1513 eller som avdelingsingeniør kode 1411/1085, lønssteg 42-57 (kr 382.500 - 488.900 pr. år). Kode og lønssteg vert vurdert etter utdanning og erfaring.
  • Medlemskap i Statens Pensjonskasse som inneber ei god tenestepensjonsordning, yrkesskade- og gruppelivsforsikring, dessutan tilbod om bustadlån til gunstig rente.

Generelle opplysingar

  • Vi legg vekt på mangfald på arbeidsplassen og oppfordrar kvalifiserte kandidatar til å søkja - uavhengig av alder, kjønn, funksjonsevne, nasjonal eller etnisk bakgrunn.
  • NIBIO er ei IA (inkluderande arbeidsliv) -verksemd.
  • Vi gjer merksam på at opplysingar om søkjaren kan verta gjort kjent offentleg, jf. Lov om rett til innsyn i dokumenter i offentleg verksemd (offentleglova), § 25. Ein søkjar kan oppmoda om å verta unnateken frå oppføring på offentleg søkjarliste. Dersom oppmodinga ikkje vert teken til følgje, vert søkjaren varsla om dette.

Kontaktpersonar:

Jorunn Børve, tlf 958 78 057, eller Gunnhild Jåstad, tlf 959 02 678.

 

Søknad med CV skal sendast elektronisk via lenkje på denne sida, "søk stillingen"
Vitnemål og attestar kan takast med ved eit eventuelt intervju, eller leggjast ved elektronisk.

Dersom du har problem med utfylling av elektronisk søknad, kontakt kundeservice hos Jobbnorge på kundeservice@jobbnorge.no eller ring telefonnummer 75 54 22 20.

Om arbeidsgiveren

Norsk institutt for bioøkonomi (NIBIO) vart oppretta 1. juli 2015 og er eit av Noregs største forskingsinstitutt. NIBIO arbeider med landbruk, mat, klima og miljø. Vi leverer forsking, forvaltingsstøtte og kunnskap til bruk i nasjonal beredskap, forvalting, næringsliv og samfunnet elles. NIBIO har hovudkontor i Ås i Akershus, har om lag 700 tilsette, og er til stades i alle landsdelar. Landbruks- og matdepartementet er eigar av NIBIO.


Divisjon for bioteknologi og plantehelse har Noregs kjernekompetanse innan plante- og skoghelse til nytte for landbruk, myndigheiter og publikum. Avdeling soppsjukdomar i divisjonen har sitt hovudfokus på skadar på plantar forårsaka av ulike sopp. Forskinga skjer både i moderne laboratorium og ute i felt, og er primært retta mot norsk landbruk og forvalting. Avdelinga har sitt hovudsete ved NIBIO Ås, samt eit regionkontor i Ullensvang. Til saman er vi i dag 20 medarbeidarar.

Sektor
Offentlig
Sted
Lofthus, 5781 Lofthus
Bransje
Forskning, utdanning og vitenskap
Stillingsfunksjon
Forskning/Stipendiat/Postdoktor,
Ingeniør / occupation_engineer_bioengineering,
Teknisk personell
Følg firma
918 følger dette firmaet

Lofthus, 5781 Lofthus

Annonseinformasjon

FINN-kode 80408412
Sist endret 10. aug. 2016 00:00

Rapporter annonse