Nestleiar helse, omsorg, sosial /einingsleiar helse

Kort om stillinga

Vår nestleiar i Helse, omsorg og sosial skal pensjonera seg, og vi teng difor ein ny, engasjert og dyktig leiar i sektoren.

Helse, omsorg og sosial er delt i følgjande einingar: Osterøytunet, Heimetenesta, Bu- og avlastningstenesta, Psykisk helse og rusomsorg, Helse og Sosial.

Arbeidsstad: Osterøy rådhus i Lonevåg

Arbeidsoppgåver

Han/ho som vert tilsett, vil vere sektorleiar sin nære samarbeidspartnar og den som møter i sektorleiar sitt fråvere. I tilleg blir ho/han einingsleiar for helsetenestene, herunder Ergo/fysioterapitenesta og Legetenesta. Oppfølgjing av andre leiarar i sektoren er lagt til sektorleiar. Dei viktigste arbeidsoppgåvene for den utlyste stillinga er:

• Overordna ansvar for økonomi, drift og personalansvar i Eining for helsetenester. Eininga er nyoppretta, og vil krevja utviklings- og endringsarbeid framover.
• Leie sektoren si forvaltning. Forvaltninga fattar vedtak om tildeling av pleie- og omsorgstenester til kommunen sine innbyggjarar. Nestleiar skal sikre at det vert tildelt tenester i samsvar med gjeldande lov- og regelverk, innan tildelte økonomiske rammer.
• Kompetanseutvikling i sektoren.
• Vidareutvikle helse- og omsorgstenestene i samarbeid med sektorleiar og andre einingsleiarar i sektoren.
• Stillinga vil få ei sentral rolle opp mot sektorovergripande prosjekt
• Tverrfagleg samarbeid med kommunen sine andre einingar

Vi søkjer

• Vi ynskjer ein tydeleg, utviklings- og resultatorientert leiar med erfaring innan fagfeltet.
• Minimum fire årig helsefagleg høgskule/universitetsutdanning, med vidareutdanning innan administrasjon og leiing.
• Erfaring frå leiarstillingar er ønskeleg
• Særleg lang og relevant leiarerfaring kan kompensera for utdanningskravet
• Gode evner til å samarbeida og kommunisera
• Kunne arbeida systematisk
• God norsk skriftleg og munnleg framstillingsevne
• God kunnskap om offentleg verksemd.
• God forståing for IKT-verkty
• Kunnskap om rehabilitering er ein fordel.
• Personlege eigenskapar og skikkethet for stillinga vil bli særskilt vektlagt

Vi tilbyr

• Kurs innan forvaltning
• Variert arbeid i eit travelt, men hyggeleg og godt miljø
• Godt motiverte medarbeidarar
• God pensjonsordning
• Løn etter avtale
• Fleksibel arbeidstid
• Osterøy kommune er ei IA-bedrift

Søknad

Søknad skal sendast elektronisk via rekrutteringssystemet vårt. Dersom du treng hjelp med registrering av søknad, ta kontakt med servicekontoret vårt, tlf. 56 19 21 00.