Rektor Årdal vidaregåande skule - 2 års vikariat

Årdal vidaregåande skule ligg i Øvre Årdal i Årdal kommune. Årdal har eit variert næringsliv. Vakker  natur med flotte tilhøve for friluftsliv er kjenneteikn ved kommunen og regionen.

Skulen har 220 elevplassar og opplæringstilbod i utdanningsprogramma: studiespesialisering, elektrofag, teknikk og industriell produksjon og service og samferdsel. Fagleg kvalitet har høg prioritet saman med kontinuerleg arbeid for å skapa eit godt skulemiljø. Skulen legg stor vekt på rolla som regional utviklingsaktør. Skuleleiinga er samansett av rektor og to mellomleiarar.

Skulen søker etter rektor i vikariat i tidsrommet 01.08.16-31.07.18

REKTOR
Leiing – utvikling - måloppnåing

Til å leie og vidareutvikle skulen ønskjer vi ein rektor som samarbeider godt og som er resultatorientert. Rektor må evne å gjere skulen til eit viktig kompetansesenter både for den einskilde elev og for organisasjonar, næringsliv og kommunar.

Rektor skal arbeide for å nå nasjonale og fylkeskommunale målsetjingar for vidaregåande opplæring.

For å nå målsetjingar og ønskjelege resultat, inneber dette at rektor:

• set elevane si læring og deira utvikling i sentrum for skulen sitt arbeid
• har vilje og evne til å sameine skuleleiing, lærarar og andre tilsette om samarbeid for eleven
• arbeider målretta saman med eksterne samarbeidspartnarar
• opptrer tydeleg som arbeidsgivar og gjennomfører politiske og administrative vedtak
• har gode leiareigenskapar og erfaring frå leiarstilling  
• har erfaring frå og vilje til utviklingsarbeid og god gjennomføringsevne     

Rektor vil få god støtte frå leiarar og fagmiljø i sentraladministrasjonen. Rektor rapporterer til fylkesdirektør for opplæring.

Den som blir tilsett må stette dei formelle krava i Opplæringslova § 9-1: ”Den som skal tilsetjast som rektor, må ha pedagogisk kompetanse og nødvendige leiareigenskapar”.

Ved tilsetjing er det krav om politiattest, men slik attest treng ikkje følgje med søknaden.

Det gjeld ei prøvetid på 6 mnd.

For stillinga gjeld:

• løn etter avtale
• vanlege fylkeskommunale tilsetjingsvilkår
• hjelp til å skaffe bustad
• dekking av flytteutgifter etter nærare reglar
• pensjons- og forsikringsordningar

For meir informasjon om Sogn og Fjordane fylkeskommune sjå vår heimeside: www.sfj.no
For meir informasjon om Årdal vidaregåande skule, sjå skulen si heimeside: www.ardal.vgs.no

Kopi av vitnemål og attestar vert å leggje fram ved eventuelt intervju. Søk på stillinga elektronisk snarast, og seinast 17.03.2016