Samlingsutviklar/arkivar
- Arbeidsgiver
- Museumssenteret i Hordaland
- Stillingstittel
- Samlingsutviklar/arkivar
- Frist
- 18. januar 2016
- Ansettelsesform
- Fast
Osterøy Museum og Kulturverntensta i Nordhordland har ledig stilling som
Samlingsutviklar/arkivar
Avdelinga har ansvar for kulturhistoriske samlingar for Osterøy og i Ådnatun, samt rådgjeving til private og kommunar i museumsfaglege spørsmål. Samlingane dekkar byggeskikk, kulturhistoriske gjenstandar, foto og eit rikt lokalhistorisk arkiv med kommune- og privatarkiv. Privatarkiva inneheld mellom anna bedrifts-, organisasjons- og gardsarkiv. Osterøy museum har eit moderne utstillings og magasin/arkivlokale.
Samlingsutviklar skal ta del i arbeidet med å sikre framtida sine kjelder for Nordhordlandsregionen ved å drive aktiv forskings – og formidlingsretta samlingsutvikling.
Arbeidsfelt:
Privatarkiv – som også omfattar foto, lyd og film - er ein viktig og tydeleg del av samlingsforvaltninga i Muho. Arbeidet vil omfatte planar for innsamling, handtering og ordning av privatarkiv i museet. Her har museet eit nært samarbeide med Hordaland fylkesarkiv.
Samlings-utvikling og forvaltning – ta del i forvaltning og sikring av samlingane avdelingane har ansvar for, samt arbeide med innsamlings- og dokumentasjonsplanar, og driva oppsøkjande og aktivt innsamling og dokumentasjon av kjelder, materielle som ikkje-materielle knytt til museet sine innsatsområde.
Det vert lagt vekt på å sjå den materielle og ikkje-materielle kulturarven i samanheng, då ein sentral del av arbeidet ved museet er knytt til å sikre og vidareføre levande kulturarv.
Eit viktig grunnlag for arbeidet som samlingsutviklar vert samarbeide med frivillige kulturminneaktørar i regionen for å utarbeide innsamlings- og dokumentasjonsplanar, og samarbeide om dokumentasjonstiltak. Dette arbeidet skal vidareutvikle museet sin rolle som dialogpart og regional aktør.
Museet brukar standard verktøy som Asta og Primus.
Stillinga vil inngå i utvikling og gjennomføring av formidlingsoppgåver som utstilling, undervisning m.m. og vera ein del av Museumssenteret si Samlingsforvaltningsgruppe.
Stillinga vil også ta del i andre driftsoppgåver ved avdelinga, definert gjennom årsplanar.
Kvalifikasjonskrav: MA i kulturvitskap, historie, eller andre relevante fag.
I tillegg søkjer vi ein person som har erfaring frå museums-, eller arkiv-arbeide og kjennskap til samlingsforvaltning og kjeldehandsaming. Det vil også verta lagt vekt på gode evner til å kommunisere og skape gode samarbeidsrelasjonar.
Vi tilbyr:
• Gode arbeidsvilkår og godt arbeidsmiljø
• Fagleg interessante utviklingsoppgåver
• Løn etter avtale
• Offentleg pensjonsordning gjennom KLP
Opplysningar om Museumssenteret i Hordaland og Osterøy museum, Kulturverntensta i Nordhordland finn du på http://www.muho.no. Det skal nyttast fastsett søknadsskjema m/CV. Du finn søknadsskjemaet på www.muho.no eller ved å venda deg til Museumssenteret i Hordaland, tlf. 55 25 18 02 /976 01 366.
Om arbeidsgiveren
Stiftinga Museumssenteret i Hordaland (MuHo) er eit konsolidert museum med sju avdelingar i Salhus, på Lygra, Osterøy og Radøy; Bevaringstenestene, Havrå, Kulturverntenesta i Nordhordland, Lyngheisenteret, Norsk Trikotasjemuseum, Osterøy museum og Vestnorsk Utvandringssenter. MuHo er ein kultur- og naturhistorisk museumsorganisasjon som driv bevaring, forsking, undervisning og formidling om kultur- og naturhistorie frå fortid til samtid, knytt til kulturlandskapa, busettings- og bygningshistorie, nærings- og industriutvikling, sosialhistorie, samferdsle, migrasjon og kulturmøteproblematikk i fortid og notid. Museumssenteret i Hordaland utfører også tenester innan samlingsforvaltning for musea i Hordaland.
- Nettverk
- Sektor
- Organisasjoner
- Sted
- Gjerstad, 5282 Lonevåg
- Bransje
- Museer, gallerier og kulturminne
- Stillingsfunksjon
- Annet
Nøkkelord
Arkiv, Museum, samlingsutvikling
Spørsmål om stillingen
- Kontaktperson
- Solveig Jordal
- Stillingstittel
- Avdelingsleiar
- Telefon
- 94 17 22 50
- Kontaktperson
- Aud Mari Eitrheim
- Stillingstittel
- Personalleiar
- Telefon
- 97 60 13 66
Gjerstad, 5282 Lonevåg