Utløpt

Jurist - eittårig engasjement

Arbeidsgiver: Nasjonal kommunikasjonsmyndighet (Nkom)
Stillingstittel: Jurist - eittårig engasjement
Frist: 13.09.2015
Ansettelsesform: Engasjement

Nkom har ansvar for å planleggje, tildele og føre tilsyn med bruk av radiofrekvensar i Noreg og representerer Noreg i internasjonale fora knytt til bruk av denne ressursen.

No ser vi etter deg som skal kvalitetssikre og rådgje i samband med at Nkom tildelar og koordinerer bruk av frekvensar, og utfører nasjonalt og internasjonalt planarbeid.

Oppgåvene vi utfører ligg i grenseland mellom teknologi, jus og økonomi. Du vert ein av fire juristar som alle er ein fellesressurs for heile avdelinga. Stillinga er i seksjon for mobile tenester.

Arbeidsoppgaver

kvalitetssikre og rådgje i samband med at Nkom tildelar og koordinerer bruk av frekvensar
kvalitetssikre og rådgje i samband med at Nkom utfører nasjonalt og internasjonalt planarbeid
utvikle relevant regelverk i samsvar med den teknologiske utviklinga
delta i prosjekt- og utgreiingsarbeid
føre tilsyn med vilkår i frekvensløyve
handtere saker som gjeld brot på ekomregelverket

Kvalifikasjoner

du må ha mastergrad i rettsvitskap eller juridisk embetseksamen (cand. jur)
du må ha god munnleg og skriftleg framstillingsevne på norsk og engelsk
du må ha interesse for teknologi og økonomi
det er ønskjeleg med erfaring frå offentleg sakshandsaming
det er ønskjeleg med erfaring frå folkerett, EØS-rett og konkurranserett
det er ønskjeleg med erfaring frå frekvensforvaltning og kjennskap til internasjonal frekvensforvalting
Du som er nyutdanna er også velkomen til å søkje.

Egenskaper

initiativrik, open og omgjengeleg
strukturert, kvalitetsbevisst og serviceorientert innstilling
evne til å arbeide nøyaktig og ryddig både sjølvstendig og i grupper
blid og med god arbeidskapasitet

Vi tilbyr

Stillinga er lønna som rådgivar eller seniorrådgivar frå kr. 467 700 (lønnstrinn 55) til kr. 652 000 (lønnstrinn 73), avhengig av kvalifikasjonar. For særleg kvalifiserte søkjarar kan høgare lønn vurderast.
Frå lønna blir det trekt to prosent innskot til Statens pensjonskasse.

Om arbeidsgiveren

Nkom skal leggje til rette for og sikre god konkurranse i marknadene for breiband og telefoni, kringkasting og post.
Vi definerer og påverkar rammevilkår og lovverk, og representerer Noreg i det mangesidige arbeidet mellom anna med Internett. Sikkerheit og beredskap er ein vesentleg del av ansvaret vårt.

Nkom er lokalisert i Lillesand. Meir informasjon finn du på www.nkom.no.

Vi ønskjer kvinner og deg med innvandrarbakgrunn spesielt velkomen til å søkje.

Opplysningar om kven som har søkt denne stillinga, kan offentleggjerast sjølv om du har reservert deg mot å stå på offentleg søkarliste. Du vil bli varsla dersom ønsket ditt om reservasjon ikkje blir tatt til følgje.

Sektor: Offentlig
Sted: Nygård 1, 4790 Lillesand
Bransje: Telekommunikasjon,; Juridiske tjenester
Stillingsfunksjon: Jurist