Rektor ved Fogn oppvekstsenter

Det er ledig stilling som rektor ved Fogn oppvekstsenter frå 01.10.2014. 

Fogn oppvekstsenter er samansett av ein fådelt 1 – 7 skule og ein barnehagedel. Det er for tida i underkant av 50 elevar fordelt på 3 klassar i grunnskulen og om lag 10 born i barnehagen. Rektor har ansvaret for både skule, barnehage og sfo. Det er tilsett pedagogisk leiar i barnehagen. Oppvekstsenteret held til i fine lokale og har eit stort uteområde.                       

Lønn etter avtale. Arbeidsvilkåra vil vere i samsvar med vedtekne tariffavtalar, lover, reglar og kommunale vedtak. Det vert trekt 2 % pensjon av grunnlønna. Arbeidsspråket i kommunen er nynorsk.

 Arbeidsoppgåver

• Einingsleiar.
• Pedagogisk ansvar for 1-7 trinn, barnehage og sfo.
• Økonomisk ansvar.
• Resultatansvar.
• Personalansvar.

Kvalifikasjonar

• Godkjent utdanning.
• Erfaring frå grunnskulen.
• Ønskjeleg med leiarerfaring/leiarutdanning.

Eigenskapar                    

Det vil bli lagt stor vekt på personlege eigenskapar. Vi ønskjer ein rektor som:

• er tydeleg og ryddig,
• er innstilt på samarbeid og som har evne til å jobbe sjølvstendig,
• ser at menneske yter meir når dei blir tatt på alvor,
• er fleksibel og har godt humør,
• trivst saman med born, føresette og tilsette,
• engasjerer seg i drifta av barnehagen,
• er opptatt av at borna si utvikling og læring står i sentrum,
• er engasjert, kreativ og løysingsorientert,
• er utviklingsorientert,
• bidrar i leiarkollegiet.

Søknad, vedlagt CV og kopiar av attestar og vitnemål kan sendast til Finnøy kommune, Servicetorget, 4160 Finnøy, innan 01.09.2014. Referansar må førast opp. Ved evt. tilsetjing skal godkjend politiattest leggjast fram, jfr. Opplæringslova.

Nærare opplysningar kan ein få ved å venda seg til kommunalsjef for oppvekst, Waldemar Pettersen, tlf. 51714730.

Sjå og på heimesidene:

www.finnoy.kommune.no

www.minskole.no/fogn