Seksjonsleiar skule
- Arbeidsgiver
- Ørsta kommune
- Stillingstittel
- Seksjonsleder
- Frist
- 20.06.2014
- Ansettelsesform
- Fast
SEKSJONSLEIAR SKULE 100% FAST STILLING
Sak nr. 2014/1421
ID nr. 739
Ørsta kommune er med 10 500 innbyggjarar den 4. største kommunen i Møre og Romsdal og er plassert i hjarte av Sunnmørsalpane. Kommunen vår er ein god plass og bu og vi har eit rikt kulturtilbod i regionen. Her er eit variert næringsliv og vi har gode kommunikasjonstilbod, m.a. flyplass med direkteruter til Oslo og Bergen.
Ørsta kommune er i god utvikling og ynskjer ein leiar som tek aktivt leiarskap for grunnskule og vaksenopplæring.
Arbeidet vårt byggjer på kommunen sine verdiar:
Tillit – gjennom gjensidig respekt, forståing og likeverd
Energi – gjennom entusiasme, inkludering og humor og glede
Løysingsvilje – gjennom lagånd, tydelege mål og meiningsfylte oppgåver
Utvikling – gjennom medverknad, tilbakemelding og verdsetjing av kunnskap
Seksjonen har ansvar for 7 grunnskular og opplæringssenter for vaksenopplæring og norskopplæring av flyktningar. Interkommunalt PPT-kontor er lokalisert i kommunen. Seksjon skule har pr. d.d. på kommunenivå tilsett rådgjevarar i 160% stilling.
Som seksjonsleiar inngår du i leiargruppa til rådmannen. Du får eit ansvar for heilskapleg arbeid i samsvar med kommunen sine overordna visjonar og mål. Du må ha evne og vilje til å utvikle deg sjølv, medarbeidarane dine og organisasjonen i eit lengre perspektiv. Som seksjonsleiar skule vert det også viktig å ta i vare og vidareutvikle den utviklingskulturen vi har skulane våre. Dette vil setje krav til pedagogisk oversyn og evne til å sjå heilskap og samanheng i pedagogisk utviklingsarbeid.
Krav for stillinga:
Godkjent pedagogisk utdanning.
Det er sterkt ynskjeleg med vidareutdanning og erfaring innan leiing og administrasjon.
Aktuelle søkjarar vert mellom anna vurdert ut frå desse kvalifikasjonane:
Gode kommunikasjons og samarbeidsevne
Kunnskap om gjeldande lovverk og forskrifter knytt til arbeidsområdet
Kunnskap om budsjett og kostnadsstyring
God munneleg og skrifteleg framstillingsevne
Evne til å inspirere, ta initiativ til og fylgje opp pedagogisk utviklingsarbeid i skulane
Evne til å leie, motivere og skape resultat
Ein leiarstil som evnar å nytte og utvikle kompetansen hos medarbeidarane sine
Andre personlege eigenskapar
Vi tilbyr:
Ei spanande og utfordrande stilling i eit utviklingsorientert miljø
Løn etter avtale i høve kvalifikasjonar og kompetanse
God pensjonsordning
Godt arbeidsmiljø
Deltaking i intern leiarutvikling
Deltaking i interkommunalt nettverk
Høve til etter- og vidareutdanning/fagleg oppdatering
Søkjarane vert vurdert ut i frå ei samla vurdering av formelle kvalifikasjonar og røynsle frå tilsvarande arbeid. Personlege eigenskapar og referansar vert tillagt stor vekt. Aktuelle kandidatar vert kalla inn til intervju.
Kommunen har nynorsk som administrasjonsmål.
For nærare opplysningar, ta kontakt med rådmann Wenche Solheim.
Prøvetid i faste stillingar er 6 mnd. Tilsetting skjer elles på dei vilkår og med dei rettar som går fram av gjeldande tariffavtalar og kommunale reglement. Kommunen har pensjons- og forsikringsordning for sine tilsette i KLP.
Vi ber deg nytte det elektroniske søknadsskjemaet, som du finn lenke til på heimesida.
Framlegging av vitnemål og attestar saman med søknaden er ein føresetnad for best mogleg sakshandsaming. Kopiar av vitnemål og attestar sendast som e-post (1 pdf fil) til postmottak@orsta.kommune.no eller til Ørsta kommune, Dalevegen 6, 6150 Ørsta.
Ved tilsetting skal det leggast fram rettkjend dokumentasjon, dette dannar grunnlag for fastsetjing av ansiennitet og rett avlønning.
Søknaden med vedlegg vert ikkje returnert. Desse vert makulert etter tilsetting.
Søknadsfrist: 20.06.2014
Om offentlege søkjarliste
I samsvar med offentleglova § 25, kan opplysningar om søkjar unnatakast offentleg søkjarliste, dersom søkjaren sjølv oppmodar om det. Den som ønskjer at namn skal vere unnateke offentleg søkjarliste, må grunngje dette. Søkjaren sine behov vil verte vurdert konkret i høve omsynet til offentleg interesse og kravet om ålment innsyn. Elles vil oppmodinga verte vurdert i høve prinsippet om meirinnsyn på vanleg måte. Dersom kommunen meinar at det ikkje er grunnlag for fritak, vil søkjar verte kontakta og få tilbod om å trekkje søknaden før endeleg søkjarliste vert laga.
Om arbeidsgiveren
Ørsta kommune er med 10 500 innbyggjarar den 4. største kommunen i Møre og Romsdal og er plassert i hjarte av Sunnmørsalpane. Kommunen har eit variert næringsliv og har gode kommunikasjonar. Flyplass med direkteruter til Oslo og Bergen.
Ørsta kommune er i god utvikling og ynskjer ein leiar som tek aktivt leiarskap for teknisk planlegging og framdrift.
- Sektor
- Offentlig
- Lederkategori
- Leder
- Sted
- Dalevegen 6, 6153 Ørsta
- Bransje
- Barn, skole og undervisning
- Stillingsfunksjon
- Undervisning og pedagogikk
Nøkkelord
Pedagogisk, utviklingsorientert, samarbeid, budsjett, lagånd
Spørsmål om stillingen
- Kontaktperson
- Wenche Solheim
- Stillingstittel
- Rådmann
Dalevegen 6, 6153 Ørsta