Spanande og utfordrande stilling

SEKSJONSLEIAR TEKNISKE TENESTER 100% FAST STILLING

 Sak nr. 2014/1191

ID nr.  730

 Arbeidet vårt byggjer på kommunen sine verdiar:

Tillit – gjennom gjensidig respekt, forståing og likeverd

Energi – gjennom entusiasme, inkludering og humor og glede

Løysingsvilje – gjennom lagånd, tydelege mål og meiningsfylte oppgåver

Utvikling – gjennom medverknad, tilbakemelding og verdsetjing av kunnskap

Seksjonen har 44 årsverk i tillegg til deltidtilsette i brannvernet.  Brann og redning, kommunalteknikk og byggesak har eigne einingsleiarar som rapporterer til seksjonsleiaren. Det er god kompetanse i alle ledd.

Seksjonsleiaren inngår i leiargruppa til rådmannen. Vedkomande får eit ansvar for heilskapleg arbeid i samsvar med kommunen sine overordna visjonar og mål. Søkjaren må ha evne og vilje til å utvikle seg sjølv, sine medarbeidarar og organisasjonen i eit lengre perspektiv.

Krav for stillinga:

Sivilingeniør/ingeniør (fagretning innanfor kommunalteknikk vil vere ein fordel).

Aktuelle søkjarar vert mellom anna vurdert ut frå desse kvalifikasjonane:

Gode kommunikasjons og samarbeidsevne

Kunnskap om gjeldande lovverk og forskrifter knytt til arbeidsområdet  

Kunnskap om reglar knytt til offentlege innkjøp og anskaffelser

Kunnskap om budsjett og kostnadsstyring

God munneleg og skrifteleg framstillingsevne

Evne til å leie, motivere og skape resultat

Ein leiarstil som evner å nytte og utvikle kompetansen hos medarbeidarane sine

Andre personlege eigenskapar

Vi tilbyr:

Ei spanande og utfordrande stilling i eit utviklingsorientert miljø

Løn etter avtale i høve kvalifikasjonar og kompetanse

God pensjonsordning

Godt arbeidsmiljø

Oppdaterte dataverkty

Deltaking i interkommunalt nettverk

Høve til etter- og vidareutdanning/fagleg oppdatering

Søkjarane vert vurdert ut i frå ei samla vurdering av formelle kvalifikasjonar, røynsle frå tilsvarande arbeid og personlege eigenskapar. Referansar vert nytta og aktuelle kandidatar vert kalla inn til intervju.

Den som vert tilsett bør kunne bruke eigen bil i samband med tenesta.

Kommunen har nynorsk som administrasjonsmål.

For nærare opplysningar, ta  kontakt med rådmann Wenche Solheim.

Prøvetid i faste stillingar er 6 mnd. Tilsetting skjer elles på dei vilkår og med dei rettar som går fram av gjeldande tariffavtalar og kommunale reglement. Kommunen har pensjons- og forsikringsordning for sine tilsette i  KLP.

Vi ber deg nytte det elektroniske søknadsskjemaet, som du finn lenke til på heimesida.

Framlegging av vitnemål og attestar saman med søknaden er ein føresetnad for best mogleg sakshandsaming. Kopiar av vitnemål og attestar sendast som e-post (1 pdf fil) til postmottak@orsta.kommune.no  eller til Ørsta kommune, Dalevegen 6, 6150 Ørsta.

Ved tilsetting skal det leggast fram rettkjend dokumentasjon, dette dannar grunnlag for fastsetjing av ansiennitet og rett avlønning.

Søknaden med vedlegg vert ikkje returnert. Desse vert makulert etter tilsetting.

Søknadsfrist: 31.05.2014

Om offentlege søkjarliste
I samsvar med offentleglova § 25, kan opplysningar om søkjar unnatakast offentleg søkjarliste, dersom søkjaren sjølv oppmodar om det. Den som ønskjer at namn skal vere unnateke offentleg søkjarliste, må grunngje dette. Søkjaren sine behov vil verte vurdert konkret i høve omsynet til offentleg interesse og kravet om ålment innsyn. Elles vil oppmodinga verte vurdert i høve  prinsippet om meirinnsyn på vanleg måte. Dersom kommunen meinar at det ikkje er grunnlag for fritak, vil søkjar verte kontakta og få tilbod om å trekkje søknaden før endeleg søkjarliste vert laga.