Kontormedarbeider

I Statens vegvesen Region Vest, er det ledig stilling som kontormedarbeidar ved Nordfjordeid trafikkstasjon. Stillinga er knytt til trafikant- og køyretøyavdelinga, trafikant- og merkantilseksjonen i område Indre Hordaland, Sogn og Fjordane.

Vi søkjer etter ein medarbeidar som har erfaring frå sakshandsaming, som kan trivast med kundekontakt både i skranke og på telefon og som har gode formidlingsevner. Trafikant- og køyretøyavdelinga er under utvikling og det vil over tid kunne medføre endring i arbeidsoppgåver.

Arbeidsoppgåver:
 Sakshandsaming køyretøyregistrering og førarkort
 Kundehandsaming i skranke og på telefon
 Kontakt med interne og eksterne samarbeidspartar

Kvalifikasjonskrav:
Utdanning frå høgskule med relevante fag, min. 2 år, eller fagbrev innan kontorfaget. For kandidater med sterk allsidig praksis frå aktuelle fagområde og gode personlege føresetnader for stillinga, kan kravet til utdanning fråvikast.

Dersom du har teke heile eller deler av utdanninga di i utlandet, må den vere godkjend av NOKUT (www.nokut.no).

Vi legg vekt på:
 Evne til å utføre arbeidsoppgåvene på ein sjølvstendig, positiv og fagleg god måte
 Gode samarbeids- og kommunikasjonsevner
 Fleksibilitet i forhold til arbeidsoppgåver
 Resultatorientert og kvalitetsbevisst innstilling
 God skriftleg og munnleg framstillingsevne
 Gode føresetnader for å kunne setje deg inn i etaten sine rutiner, og er fortruleg med PC som arbeidsredskap

Vi kan tilby:
 Interessante og utfordrande arbeidsoppgåver
 Skyss- og kostgodtgjersle etter offentleg regulativ
 Pensjonsordning
 Eit godt arbeidsmiljø

Vi tilbyr løn etter nærmare avtale i høve etaten sin lønnspolitikk. Det vert trekt 2% pensjonsinnskot til pensjonsordning i Statens pensjonskasse.

Søknad:
Statens vegvesen er oppteken av mangfald, og vi oppmodar difor alle som er kvalifiserte, til å søkje jobb hjå oss, uavhengig av alder, kjønn, funksjonshemming, nasjonal, geografisk eller etnisk bakgrunn. Vi tilpassar sjølvsagt arbeidsplassen om det er behov for det.

Vi gjer merksam på at opplysningar om søkjar kan bli offentlege sjølv om søkjar har oppmoda om ikkje å bli ført på søkjarlista. Dersom oppmodinga ikkje blir teke til følgje vil vi varsla søkjar om dette.

Du er velkomen til å søke stillinga (3-017-14) via vår jobbportal på www.vegvesen.no/jobb.