Prosjektleiar eigedomsutvikling
Statens vegvesen Region vest
- Frist 17.8.2014
- Ansettelsesform Fast
Vi søkjer prosjektleiar eigedomsutvikling
I Statens vegvesen Region vest har vi ledig stilling som prosjektleiar for eigedomsutvikling. Stillinga er knytt til Internserviceseksjonen, bygg- og eigedomseininga, som er ein del av HR- og administrasjonsavdelinga.
Seksjonen har m.a ansvar for å drifte og forvalte regionen sine kontorbygg, trafikkstasjonar, hytter og køyretøypark.
Regionen har for tida fleire spennande nybygg- og renoveringsprosjekt og i rolla som prosjektleiar vil du ha ansvar for utvikling og gjennomføring av slike prosjekt, primært i Bergen og Stavanger. Du vil vidare jobbe tett opp mot avdelinga sin HR utviklingsseksjon der vi har oppretta eit eige utviklingsprosjekt retta mot alle nybygga våre.
Arbeidsoppgåver:
- Vere pådrivar til utviklinga av regionen sine eigedomar
- Leie, planleggje og gjennomføre byggeprosjekt frå oppstart til overlevering
- Oppfølging av prosjektøkonomi og prosjektgjennomføring
- Tett samarbeid med regionen sine øvrige einingar og eksterne leverandører
Kvalifikasjonar:
Relevant utdanning frå universitet eller høgskule, min. 3 år. Omfattande og relevant erfaring frå bygg- og eigedomsforvaltning kan kompensere for manglande formell utdanning.
Dersom du har teke heile eller delar av utdanninga di i utlandet, ønskjer vi ei autorisert oversetjing av dine papir og ei godkjenning frå NOKUT (www.nokut.no).
Du må ha erfaring frå utvikling og gjennomføring av store utbyggingsprosjekt/ næringsprosjekt, samt solid bransjekunnskap med bakgrunn frå bygg og eigedom.
I denne rolla vil det også vere ein fordel med erfaring og kunnskap om ulike typer kontrakter og offentlege anskaffelsar.
Vi vil leggje særs vekt på dine personlege eigenskaper og haldningar så som:
- Utvikling- og løysningsorientert med god gjennomføringsevne
- Evne til å tenkje heilskapleg og prosessorientert på tvers av fagområde
- At du er serviceinnstilt og er ein god relasjonsbyggar
- Særs gode samarbeids- og kommunikasjonsevner
- Gode forhandlingsevner
- Evne til å motivere og leie andre
Stort engasjement, gode strukturar og fagleg utvikling
Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklingen, og du får bidra til framtidas løysingar på ditt fagfelt.
Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.
Medarbeidarane våre fortel om spennande arbeidsdagar med god balanse mellom arbeid og fritid.
Vi tilbyr også desse goda:
- Introduksjonsprogram og fadderordning
- Fleksitid og gode ordningar for avspasering
- Pensjonsordning og muligheit for lån i Statens pensjonskasse
- Etatsskular og gode muligheiter for fagleg påfyll
Lønn avtalast nærare i samsvar med vår lønnspolitikk.
Statens vegvesen skal vere prega av mangfald, og dei tilsette hos oss skal spegle befolkninga. Vi oppmodar alle som er kvalifiserte, til å søkje jobb hos oss uansett alder, funksjonsevne, kjønn, seksuell orientering, religion og etnisk bakgrunn. Vi legg vekt på å leggje arbeidsforholda til rette dersom du har behov for det.
Vi gjer merksam på at opplysningar om deg kan bli offentlege sjølv om du har oppmoda om ikkje å bli ført på søkjarlista. Dersom oppmodinga ikkje blir teken til følgje, skal du varslast om dette.
Om arbeidsgiveren
- Sektor: Offentlig
- Sted: Askedalen 4, 4010 Stavanger
- Bransje: Offentlig administrasjon
- Stillingsfunksjon: Annet, Prosjektledelse, Prosjektledelse
- FINN-kode 49329125
- Sist endret