Har du interesse for god brukardialog og erfaring med digitalisering?

Tolletaten er ein etat i spennande utvikling og med mange igangverande endrings- og utviklingsprosessar. Den nye organiseringa skal mellom anna bidra til meir effektiv ressursutnytting, likebehandling og auka fagleg og teknologisk utviklingskraft.

Brukardialogavdelinga har ansvar for målretta dialog med næringsliv og publikum. Avdelinga skal utvikle digitale sjølvbeteningsløysingar og sørgje for at tolletaten er synleg til stades for brukarane både digitalt og fysisk. 

Avdelinga disponerer om lag 36 årsverk, fordelt på rettleiingsseksjonen og digitaliseringsseksjonen, som er lokaliserte i Oslo, og forebyggingsseksjonen, som er lokalisert i Bergen.

Som leiar vil du ha eit heilskapleg ansvar for å leie eininga administrativt og fagleg, og du vil ha personalansvar for tre seksjonssjefar. Du rapporterer direkte til divisjonsdirektøren og inngår i leiargruppa i divisjonen.

Sentrale arbeidsoppgåver:

• ha ansvar for multikanal kontaktsenter og kanalar for kommunikasjon, informasjon og rettleiing
• ha ansvar for digitale tenester og sjølvbeteningsløysingar for næringsliv og publikum
• ha ansvar for metodisk brukarinvolvering for effektiv og god brukardialog
• utvikle og gjennomføre heilskaplege kurs-, informasjons- og rettleiingsprogram for både interne og eksterne brukarar
• bruke førebygging som eit tiltak for auka etterleving
• ha fag-, personal- og resultatansvar

Undervisnings- og foredragsoppgåver inngår i stillinga, og du må rekne med at det blir litt reising.

Kvalifikasjonskrav:

• mastergrad innanfor det relevante fagområdet. Svært god realkompetanse kan i spesielle tilfelle erstatte kravet om mastergrad.
• relevant leiarerfaring. Det er ein fordel om dette er innanfor fagområdet og frå ei større verksemd.
• du må ha hatt budsjett- og resultatansvar frå offentleg eller privat verksemd. Det er ein fordel om du i tillegg har erfaring frå prioritering og styring av oppgåver og ressursar.
• svært god skriftleg og munnleg framstillingsevne
• god innsikt i offentleg sektor

Det er ønskjeleg med

• erfaring frå brukardialog i ei større verksemd
• erfaring frå digitalisering og automatisering av prosessar og arbeidsoppgåver
• erfaring frå utviklings- og digitaliseringsarbeid og gjerne dokumenterte resultat frå større prosjekt

Leiarplakaten til tolletaten kommuniserer leiingsprinsipp som er retningsgivande for leiarane våre. Som leiar i tolletaten er det nødvendig at du løftar blikket, er rollemodell og bidreg til verdiskapande samfunnsvern ved å gjennomføre, utvikle og samhandle. Vidare er det viktig at du har høg integritet, at du har evne til å skape eit godt arbeidsmiljø, og at du er mål-, resultat- og utviklingsorientert.

Vi tilbyr:

• eit godt arbeidsmiljø med engasjerte medarbeidarar
• gode høve til utvikling i ein viktig samfunnsetat
• lønn som avdelingsdirektør, kr 850 000-950 000. For særleg godt kvalifiserte søkjarar kan høgare lønn vurderast.
• gode pensjons-, forsikrings- og låneordningar i Statens pensjonskasse
• fleksibel arbeidstidsordning og trening i arbeidstida
• arbeidsstad sentralt i Bergen

Vareførselsdivisjonen skal leggje til rette for korrekt og effektiv inn- og utførsel av varer for næringslivet og privatpersonar. Divisjonen skal jobbe både med førebygging og kontroll for å sikre optimal etterleving. Vareførselsdivisjonen består av ein utviklingsstab, ein styringsstab og fem avdelingar: analyse-, brukardialog-, oppfølgings-, klassifiserings- og regelavdelinga.

Vi utfører SEMAC bakgrunnssjekk på aktuelle kandidatar. Du må kunne sikkerheitsklarerast for hemmeleg og levere uttømmande politiattest ved tilbod om tilsetjing.

Inkluderande arbeidsliv og mangfald

I tolletaten er vi opptekne av mangfald. Vi jobbar for eit inkluderande arbeidsliv og oppfordrar kvalifiserte kandidatar til å søkje, uavhengig av kjønn, funksjonsevne og kulturell bakgrunn.  Vi bidreg i inkluderingsdugnaden og er med på å realisere regjeringa sitt mål om at 5 prosent av faste nytilsetjingar i staten skal vere personar med funksjonsnedsetjing og kandidatar som av ulike årsaker ikkje kan dokumentere ein samanhengande yrkeskarriere. Dersom du har behov for tilrettelegging, prøver vi å oppfylle dette så langt det lèt seg gjere. Vi gjer merksam på at opplysningar om funksjonsnedsetjing, innvandrarbakgrunn eller hol i CV-en kan bli brukte til statistikkformål.

Nærmare informasjon om stillinga kan du få ved å kontakte divisjonsdirektør Ivar Sletten på tlf. 900 16 295, stabsleiar Kari Christine Moldekleiv på tlf. 404 72 635 eller avdelingsleiar Rolf-Ole Seljeflot på tlf. 976 99 791.

Du kan lese meir om alle leiarstillingane og moglegheitene den nye organiseringa av tolletaten gir på toll.no