Underdirektør digitaliseringsseksjonen
Tolletaten
- Frist 2.6.2020
- Ansettelsesform Fast
Er du oppteken av god brukardialog og har erfaring med digitalisering?
Tolletaten er ein etat i spennande utvikling og med mange igangverande endrings- og utviklingsprosessar. Den nye organiseringa skal mellom anna bidra til meir effektiv ressursutnytting, likebehandling og auka fagleg og teknologisk utviklingskraft.
Brukardialogavdelinga har ansvar for målretta dialog med næringsliv og publikum. Avdelinga skal utvikle digitale sjølvbeteningsløysingar og sørgje for at tolletaten er synleg til stades for brukarane både digitalt og fysisk.
Digitaliseringsseksjonen i brukardialogavdelinga har ansvar for å digitalisere tenester knytte til brukardialogen i den registrerte vareførselen. Seksjonen skal vere vareførselsdivisjonen si eining for leveranse og utvikling av sjølvbeteningsløysingar. Seksjonen har systemeigarskap til fleire av dei digitale løysingane til etaten, til dømes kvoteappen, toll.no og tolltariffen.
Som leiar for digitaliseringsseksjonen har du eit heilskapleg ansvar for å leie eininga administrativt og fagleg. Som seksjonsleiar er du nasjonalt ansvarleg for ditt eige fagområde, du rapporterer til avdelingsdirektøren i brukardialogavdelinga, og du inngår i leiargruppa i avdelinga. Seksjonen disponerer om lag elleve årsverk.
Sentrale arbeidsoppgåver:
- sørgje for metodisk brukarinvolvering og innsiktsarbeid
- utvikle og halde ved like digitale tenester
- ha redaktøransvar for system for innhaldsforvalting, multikanal kontaktsenterløysing, sjølvbeteningsportal, datainnsending, nettbaserte kurs, toll.no og appar
- ha system- og produktansvar i divisjonen for system som er knytte til fleire kommunikasjonsplattformer
- ha ansvar for design i digitale flater i tråd med den overordna profilen og designsystemet til etaten
- ha fag-, personal- og resultatansvar
Undervisnings- og foredragsoppgåver inngår i stillinga, og du må rekne med at det blir litt reising.
Kvalifikasjonskrav:
- fullført bachelorgrad. Svært god realkompetanse kan erstatte kravet om bachelorgrad.
- relevant leiarerfaring. Det er ein fordel om dette er innanfor fagområdet og frå ei større verksemd.
- erfaring med budsjett- og resultatansvar frå offentleg eller privat verksemd. Det er ein fordel om du i tillegg har erfaring frå prioritering og styring av oppgåver og ressursar.
Det er ønskjeleg med
- erfaring frå målretta arbeid med brukardialog i digitale tenester
- erfaring frå strategi- og utviklingsarbeid, inkludert dokumenterte resultat frå større forbetringsprosjekt
Leiarplakaten til tolletaten kommuniserer leiingsprinsipp som er retningsgivande for leiarane våre. Som leiar i tolletaten er det nødvendig at du løftar blikket, er rollemodell og bidreg til verdiskapande samfunnsvern ved å gjennomføre, utvikle og samhandle. Vidare er det viktig at du har høg integritet, at du har evne til å skape eit godt arbeidsmiljø, og at du er mål-, resultat- og utviklingsorientert.
Vi tilbyr:
- eit godt arbeidsmiljø med engasjerte medarbeidarar
- gode høve til utvikling i ein viktig samfunnsetat
- lønn som underdirektør, kr 750 000-850 000. For særleg godt kvalifiserte søkjarar kan høgare lønn vurderast.
- gode pensjons-, forsikrings- og låneordningar i Statens pensjonskasse
- fleksibel arbeidstidsordning og trening i arbeidstida
- arbeidsstad sentralt i Oslo
Vareførselsdivisjonen skal leggje til rette for korrekt og effektiv inn- og utførsel av varer for næringslivet og privatpersonar. Divisjonen skal jobbe både med førebygging og kontroll for å sikre optimal etterleving. Vareførselsdivisjonen består av ein utviklingsstab, ein styringsstab og fem avdelingar: analyse-, brukardialog-, oppfølgings-, klassifiserings- og regelavdelinga.
Vi utfører SEMAC bakgrunnssjekk på aktuelle kandidatar. Du må kunne sikkerheitsklarerast for hemmeleg og levere uttømmande politiattest ved tilbod om tilsetjing.
Inkluderande arbeidsliv og mangfald
I tolletaten er vi opptekne av mangfald. Vi jobbar for eit inkluderande arbeidsliv og oppfordrar kvalifiserte kandidatar til å søkje, uavhengig av kjønn, funksjonsevne og kulturell bakgrunn. Vi bidreg i inkluderingsdugnaden og er med på å realisere regjeringa sitt mål om at 5 prosent av faste nytilsetjingar i staten skal vere personar med funksjonsnedsetjing og kandidatar som av ulike årsaker ikkje kan dokumentere ein samanhengande yrkeskarriere. Dersom du har behov for tilrettelegging, prøver vi å oppfylle dette så langt det lèt seg gjere. Vi gjer merksam på at opplysningar om funksjonsnedsetjing, innvandrarbakgrunn eller hol i CV-en kan bli brukte til statistikkformål.
Nærmare informasjon om stillinga kan du få ved å kontakte divisjonsdirektør Ivar Sletten på tlf. 900 16 295, stabsleiar Kari Christine Moldekleiv på tlf. 404 72 635 eller avdelingsleiar Rolf-Ole Seljeflot på tlf. 976 99 791.
Du kan lese meir om alle leiarstillingane og moglegheitene den nye organiseringa av tolletaten gir på toll.no
Om arbeidsgiveren
- Sektor: Offentlig
- Lederkategori: Leder
- Sted: Grensesvingen 26, 0663 Oslo
- Bransje: Internettbaserte tjenester, Offentlig administrasjon, PR, informasjon og kommunikasjon
- Stillingsfunksjon: Kontor og administrasjon, Ledelse, PR og informasjon
Nøkkelord
digitalisering, brukerdialog, ledelse, toll, design
- FINN-kode 179075594
- Sist endret