Utløpt

Leiar for Skadepoliklinikken, Haukeland universitetssjukehus

Arbeidsgiver: Helse Bergen - Vi søker avdelingssjef for vår nye spesialisthelseteneste ved Ber
Stillingstittel: Leiar for Skadepoliklinikken, Haukeland universitetssjukehus
Frist: 28.08.2018
Ansettelsesform: Fast

Bli kjent med Haukeland universitetssjukehus

Vi søker avdelingssjef til vår nye Skadepoliklinikk ved Bergen Legevakt
Poliklinikken blei etablert i april 2018, og er ei sjølvstendig eining i Ortopedisk klinikk ved Haukeland universitetssjukehus. Skadepoliklinikken har ansvar for pasientar med brot- og sårbehandling, inklusiv røntgendiagnostikk og fysioterapi.

Vår nye avdelingssjef skal mellom anna bidra til gode løysingar og pasientforløp i samhandling med Allmennlegevakta, anna primærhelseteneste og andre einingar i spesialisthelsetenesta. Som ny leiar vil du ha eit overordna og sjølvstendig ansvar for å sikre eit fagleg godt og triveleg arbeidsmiljø med påliteleg drift, god pasientbehandling og fokus på pasienttryggleik. Du vil også ha eit sjølvstendig personal- og økonomiansvar.

Dei tilsette ved Skadepoliklinikken inngår i ei rotasjonsordning med Allmennlegevakta (Bergen kommune). Alle radiografar, merkantile og fysioterapeutar er tilsett ved Haukeland universitetssjukehus, dette gjeld og dei fleste legane. På såravdelinga, kor vi har driftsansvaret, er i hovudsak sjukepleiearane tilsette i Bergen kommune. Frå hausten vil også handkirurgiske operasjonar foregå ved Skadepoliklinikken.

Samarbeidsmodellen som Skadepoliklinikken har saman med Bergen kommune og andre einingar ved Haukeland universitetssjukehus fordrar at du som avdelingssjef har gode samhandlingsevner på tvers av profesjon og nivå i helsetenesta. Avdelingssjef for Skadepoliklinikken rapporterer og sit i leiargruppa til klinikkdirektør i Ortopedisk klinikk, Haukeland universitetssjukehus.

Arbeidsoppgåver

Sikre god og fagleg forsvarleg drift av Skadepoliklinikken.
Overordna fag-, personal- og resultatansvar
Legge til rette for forsking, fagutvikling og kontinuerlig forbetringsarbeid
Ansvar for god resursstyring, pasienttryggleik og kvalitet i avdelinga
Mål og handlingsplanar innanfor gjeldande rammar og strategiar

Kvalifikasjonar

Høgare helsefaglig utdanning frå universitet eller høgskule
Kunnskap og relevant erfaring frå spesialisthelsetenesta og/eller legevakt
Relevant leiarutdanning og -erfaring er ønskjeleg
Erfaring frå prosjekt-, kvalitet- og forbetringsarbeid
Erfaring med leiing- og utvikling av team
Erfaring frå samarbeid på tvers av yrkesgrupper, avdelingar og nivå i helsetenesta er ønskjeleg
God munnleg og skriftleg framstillingsevne

Utdanning

Helsefag
Høgskule/universitet, hovudfag / mastergrad
Medisin
Profesjonsstudium
Sjukepleie

Eigenskapar

Opptatt av å gjere andre gode, er engasjert og engasjerer andre
Trivst med å motivere og samle dei tilsette om felles mål. Kan samstundes stille krav til seg sjølv og medarbeidarane for å nå desse måla
God økonomi- og organisasjonsforståing
Er analytisk og strategisk
Har gjennomføringsevne og tek avgjersler til det beste for heilskapen
Vektlegg tverrfagleg samarbeid internt og eksternt
Har fokus på å skape og å bidra til eit godt og lærande arbeidsmiljø

Vi tilbyr

Stillingsbrøk: 100%
Varierte og utfordrande arbeidsoppgåver i eit aktivt og resultatorientert arbeidsmiljø
Fagleg og personleg utvikling, også som leiar
Gode pensjons- og forsikringsvilkår
Lønn etter avtale

Om arbeidsgiveren

Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.

Sektor: Offentlig
Lederkategori: Leder
Sted: Solheimsgaten 9, 5058 Bergen
Bransje: Helse og omsorg
Stillingsfunksjon: Sykepleier,; Helsepersonell,; Ledelse,; Lege