Utløpt

Klinikkdirektør Kronstad DPS

Arbeidsgiver: Helse Bergen - Divisjon psykisk helsevern
Stillingstittel: Klinikkdirektør Kronstad DPS
Frist: 09.09.2018
Ansettelsesform: Fast

Bli kjent med Haukeland universitetssjukehus

Kronstad DPS opna dørene i 2013, og ligg sentralt plassert like ved bybanestoppet på Danmarksplass. Kronstad DPS er eit lokalsjukehus for vaksne. Ved Kronstad DPS blir det gitt tilbod om spesialisthelsetenester til befolkninga i bydelane Bergenhus, Årstad og Ytrebygda i Bergen kommune.

Vi skal bidra til at menneske med psykiske lidingar kan leve eit normalt liv med fokus på deltaking, sjølvstende og meistring.
Vi har ulike tenestetilbod til menneske med psykisk sjukdom. Behandlinga blir utført ved våre poliklinikkar, seksjonar for dag- og døgnbehandling og i ambulante team. Vi utfører både akutt og planlagt behandling, hovudsakleg etter tilvising frå fastlege. Kronstad DPS har som målsetjing å tilby behandling på rett nivå.

I tett samarbeid med kommunehelsetenesta og fastlegar er Kronstad DPS ein viktig ressurs i utviklinga av framtidsretta og gode tenester til befolkninga i inntaksområdet. Det er 197 årsverk ved Kronstad DPS og eit budsjett på 158 millionar kroner for 2018.

Vi forventar at den nye klinikkdirektøren er med oss i vår visjon om å vere eit av landets beste storby DPSar og bidra til å vidareutvikle tilboda til pasientane våre.
Vi forventar og at klinikkdirektøren ivaretek rolla som kulturbyggjar i Kronstad DPS og vil sørge for å bidra til at vi fungerer som eit positivt og samansveisa fagleg fellesskap.
Vi ønsker oss ein klinikkdirektør med solide kunnskapar om psykisk helsevern samt vilje til å prioritere satsinga på det pasientnære, kliniske arbeidet. Som klinikkdirektør vil du rapportere til divisjonsdirektør og inngå i divisjonsleiinga i Divisjon psykisk helsevern.

Arbeidsoppgåver

Sørge for at klinikken skapar effektive pasientløp gjennom god planlegging, logistikk og samhandling internt og eksternt
Gjennomføre strategi-, verdi- og haldningsarbeid
Sikre utvikling av god pasienttilfredsheit og rett medisinsk prioritering
Sikre hensiktsmessig samhandling med primærhelsetenesta i opptaksområdet, dei andre einingane i divisjonen, universitet og høgskular
Sikre optimal koordinering av den daglege drifta
Ha totalansvar for økonomi, personale, drift, fag og kvalitet
Stimulere til opplæring, utdanning og forsking

Kvalifikasjonar

Høgare helsefagleg utdanning
Solid kunnskap om psykisk helsevern og relevant leiarerfaring
Erfaring frå endring- og forbetringsprosessar
Kunnskap og erfaring med kompetanseutvikling, forsking- og strategiarbeid
Erfaring frå samarbeid med kommune, universitet og andre samarbeidsarenaer

Utdanning

Helsefag
Høgare helsefagleg utdanning
Høgskule/universitet, hovudfag / mastergrad
Medisin
Psykologi
Sjukepleie
Vernepleie
Vidareutdanning / Tilleggsutdanning utover oppnådd grad

Eigenskapar

Evne til å sjå og tenkje heilskap
Evne til å kombinere god leiing med høgt faglig fokus
God gjennomføringsevne
Kommuniserer godt med ulike grupper
Vektlegg tverrfagleg samarbeid internt og eksternt
Trivst med å motivere og samle dei tilsette om felles mål
God økonomi- og organisasjonsforståing
Strukturert og planmessig i arbeidet
Inkluderande og samhandlande leiarstil

Vi tilbyr

Stillingsbrøk: 100%
Ei spennande og utfordrande leiarstilling i eit levande kompetansemiljø
Lønn etter avtale
Gode forsikrings- og pensjonsordningar

Om arbeidsgiveren

Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.

Sektor: Offentlig
Lederkategori: Direktør
Sted: Fjøsangerveien 36, 5054 Bergen
Bransje: Helse og omsorg
Stillingsfunksjon: Lege / Psykiater,; Helsepersonell / Vernepleier/miljøterapeut,; Helsepersonell,; Helsepersonell / Psykolog,; Ledelse