Utløpt

Seksjonsleiar til Hud og revmatologisk sengepost

Arbeidsgiver: Helse Bergen - Hudavdelingen
Stillingstittel: Seksjonsleiar til Hud og revmatologisk sengepost
Frist: 26.08.2018
Ansettelsesform: Fast

Bli kjent med Haukeland universitetssjukehus

Hud og revmatologisk sengepost er ein nyoppretta sengepost som vektlegg høg fagleg kompetanse og kunnskap. Vi er den einaste sengeposten for hudpasientar på vestlandet og for revmatikarar i Hordaland. Sengeposten har hovudansvar for behandling og oppfølging av pasientar med revmatiske sjukdomar og hud/veneriske sjukdomar. Opplæring og hjelp til meistring står sentralt i arbeidet for delar av pasientgruppa.

Vi søker etter deg som er opptatt av god sjukepleie, er engasjert og som ønskjer å vidareutvikle sengeposten inn i ein ny kvardag med fokus på forbetring og fagutvikling.

Sengeposten består av 15 senger og er lokalisert i Hudbygget. Pasientane er både elektive- og ØH pasientar. Det er omlag 18 årsverk på posten. Vi søker etter deg som ønskjer å bidra til at sengeposten sine ressursar blir forvalta til det beste for pasientane våre og for Hudavdelinga og Revmatologisk avdeling.

For tida rapporterer den nye leiaren til avdelingsdirektør ved Hudavdelinga og er med i leiargruppa til Hudavdelinga. Det er etablert fast møteplan med leiargruppa til Revmatologisk avdeling.

Arbeidsoppgåver

Ansvar for dagleg oppfølging av drift og vidareutvikling av Hud og revmatologisk sengepost
Medansvar for å sikre fagleg forsvarlege tenester med fokus på pasienttryggleik
Personal- og resultatansvar for sengeposten
Ansvar for arbeidsplanar med tilhøyrande dag-til-dag styring av tilsette
Bidra til eit godt felles arbeidsmiljø for alle dei tilsette ved sengeposten
Ansvar for rett fagleg utvikling av dei tilsette med kompetanse- og fagutvikling
Bidra til god samhandling mellom Hudavdelinga og Revmatologisk avdeling og dei andre einingane ved sjukehuset
Deltaking i Hudavdelinga si leiargruppe og fast invitert deltakar i Revmatologisk avdeling sine leiarmøter

Kvalifikasjonar

Relevant helsefagleg høgare utdanning innan sjukepleie. Det er ønskjeleg med utdanning på masternivå
Brei klinisk erfaring
Erfaring frå leiaroppgåver
God kjennskap til turnus og arbeidsplanlegging
Kunnskap om og erfaring frå spesialisthelsetenesta og våre samarbeidspartar er ønskeleg
Erfaring frå samarbeid på tvers av yrkesgrupper og avdelingar
Erfaring frå endrings- og forbetringsprosessar
Erfaring frå fagutvikling, utvikling av retningslinjer og prosedyrar
God kunnskap og kompetanse innan IKT
God skriftleg og munnleg framstillingsevne

Utdanning

Høgskule/universitet, diplom-/ bachelorgrad
Sjukepleie

Eigenskapar

Evne til å motivere og få medarbeidarane til å lukkast
Er sjølvstendig og trygg i arbeidet. Skaper tillit og gode relasjonar med andre
Er strukturert og systematisk i tilnærming og arbeidsform
Har god rolleforståing og er tydeleg, etterretteleg og initiativrik
Er handlekraftig, lojal og inkluderande
Tåler å stå i endring. Er fleksibel i forhold til oppgåver og bidrar til langsiktig planlegging

Vi tilbyr

Stillingsbrøk: 100%
Varierte og utfordrande arbeidsoppgåver i eit aktivt arbeidsmiljø
Lønn etter avtale
Fagleg og personleg utvikling
Gode pensjons- og forsikringsvilkår
Ein arena for læring og utvikling med kompetente fagfolk

Om arbeidsgiveren

Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.

Sektor: Offentlig
Lederkategori: Leder
Sted: jonas Liesvei 21, 5021 Bergen
Bransje: Helse og omsorg
Stillingsfunksjon: Sykepleier