Utløpt

Fagdirektør og leiar for Forskings- og utviklingsavdelinga

Arbeidsgiver: Haukeland universitetssjukehus
Stillingstittel: Fagdirektør og leiar for Forskings- og utviklingsavdelinga
Frist: 13.05.2018
Ansettelsesform: Fast

Bli kjent med Haukeland universitetssjukehus

Haukeland universitetssjukehus har eit sterkt og aktivt fag, forsking og utdanningsmiljø. Vi søkjer ny fagdirektør for å leie og å utvikle regionsjukehuset mot framtida.

Som fagdirektør vil du som leiar for Forskings- og utviklingsavdelinga ved Haukeland universitetssjukehus stå i spissen for eit spennande utviklingsmiljø. Avdelinga er ei sentral eining ved sjukehuset med eit driftsbudsjettet på om lag 150 millionar kroner, inklusiv regionale og nasjonale oppgåver.
Les meir om Forskings-og-utviklingsavdelinga her.

Fagdirektør for Forskings- og utviklingsavdelinga har ei vesentleg rolle i det strategiske forbetringsarbeidet ved universitetssjukehuset.

Viktige oppgåver for ny leiar er vidareutvikling av sjukehuset og pasientanes helseteneste med nye teknologiske mogelegheiter, fleire kliniske behandlingsstudiar og naudsynt kompetanse. Du er ein pådrivar innan forbetringsarbeid og du evner å forstå regionsjukehuset sine nye behov, slik at tenestene til ein kvar tid er tilpassa nye krav og framtida. Sjukehuset ser kontinuerleg på forbetring av arbeidsprosessar og organisering av oppgåver i både det pasientnære arbeidet og for stab- og støttefunksjonar.

Vi søkjer ein fagdirektør som tek eit særleg regionalt ansvar i å vidareutvikle fagmiljø og for samarbeid med utdanningsinstitusjonar og offentlege instansar. For å lykkast som fagdirektør for Forskings- og utviklingsavdelinga, må du ha relevant leiarerfaring, solid innsikt i spesialisthelsetenesta og i fagfeltet du skal leie.

Fagdirektør for Forskings- og utviklingsavdelinga rapporterer til administrerande direktør Eivind Hansen og blir del av føretaksleiinga ved Haukeland universitetssjukehus.

Arbeidsoppgåver

Delta aktivt i føretaket si leiargruppe og bidra til ein framtidsretta strategi
Ansvar for god samhandling med einingane ved sjukehuset og med eksterne aktørar
Bidra med strategisk innsikt og aktivitetar som understøtter strategien for føretaket
Overordna personalansvar for alle tilsette ved Forskings- og utviklingsavdelinga
Ansvar for fagleg utvikling for dei tilsette ved avdelinga og ansvar for at avdelinga blir vidareutvikla og tilpassa kommande oppgåver
Ansvar for at regionale oppgåver innan ansvarsområdet blir utført etter plan og med høg kvalitet
Bidra til kontinuerleg vidareutvikling av system og verktøy for å understøtte pasientens helseteneste

Kvalifikasjonar

Høgare medisinsk eller helsefagleg utdanning med doktorgrad. God erfaring frå samarbeid med universitet og høgskular
Dokumentert leiarerfaring og -kompetanse
God kunnskap og erfaring frå spesialisthelsetenesta
God kunnskap om våre oppdragsgivarar og samarbeidspartnarar
Kunnskap om forbetringsarbeid og endringsleiing samt erfaring frå endrings- og forbetringsprosessar
Relevant og godt nettverk, lokalt og nasjonalt
Inngåande forståing for tverrfagleg arbeid og prosjektleiing
God innsikt i nasjonale og internasjonale utviklingstrekk innan helse
Erfaring med mål- og strategiarbeid
Erfaring med tverrfagleg samarbeid

Utdanning

Helsefag
Høgskule/universitet, doktorgrad
Medisin

Eigenskapar

Høg gjennomføringsevne med gode resultat frå å koordinere komplekse prosessar
Endringsvillig og initiativrik
Ein god nettverksbyggar, både internt og eksternt
Leverer gode resultat gjennom å skape tverrfagleg samarbeid og kompetansebygging på tvers
Gode analytiske og strategiske eigenskapar
Evne til å ta avgjersler, delegere og motivere
Gode evner til kommunikasjon og samhandling
God forståing for forskings - og tenestebehov

Vi tilbyr

Stillingsbrøk: 100%
Ei spennande og utfordrande leiarstilling i eit levande kompetansemiljø
Mulegheit til å være med å forme framtidas universitetssjukehus
Gode forsikringsordningar og pensjonsordningar
Løn etter avtale

Om arbeidsgiveren

Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.

Sektor: Offentlig
Lederkategori: Direktør
Sted: Jonas Liesvei 65, 5021 Bergen
Bransje: Helse og omsorg
Stillingsfunksjon: Helsepersonell,; Lege,; Helsepersonell / Psykolog,; Sykepleier,; Ledelse