Utløpt

Assistent til 27% fast helgestilling

Arbeidsgiver: Helse Bergen - Klinikk psykisk helsevern for barn og unge, Akuttpost
Stillingstittel: Assistent til 27% fast helgestilling
Frist: 22.04.2018
Ansettelsesform: Fast

Bli kjent med Haukeland universitetssjukehus

Det er ledig 27% fast helgestilling som assistent med arbeid pt. kvar 2.helg.

Akuttposten er per i dag ein døgnbemanna akuttpost med kapasitet til 9 pasientar. Vi held til i andre etasje i det nye Barne- og ungdomssjukehuset på Haukeland universitetssjukehus. Målgruppa vår er barn og ungdom i alderen 0-18 år med psykiske lidingar, som er innlagd frivillig eller under tvang.

Oppgåvene våre er knytt til observasjon, utgreiing, diagnostisering og utarbeiding/ utprøving av tiltak og behandling. Posten er tverrfagleg bemanna med miljøterapeutar med hovudvekt på sjukepleiarar og vernepleiarar, samt barnevernspedagogar og studentar innanfor helse- og sosialfag. På behandlarsida har vi barne- og ungdomspsykiater, psykologspesialistar, samt legar i spesialisering (LIS).

Alle i personalgruppa skal fortrinnsvis ha særskild kompetanse for å arbeide med ungdom med psykisk liding. Det er ønskjeleg at eit fleirtal av personalet skal ha spesialisering eller vidareutdanning innan sitt fagfelt. For å oppretthalde samansettinga av personalgruppa oppfordrast menn til å søkje.

Vedkommande som får tilbod om tilsetjing, må leggje fram tilfredsstillande politiattest (vandel), jfr Lov om helsepersonell § 20a.

Arbeidsoppgåver

Pasientoppfølging - observere, kartlegge og dokumentere pasientane sine behov, samt iverksetjing av miljøterapeutiske tiltak.
Kontakt med pårørande blir sett på som ein naturleg del av det miljøterapeutiske arbeidet.
Praktiske oppgåver.

Kvalifikasjonar

Studentar frå sjukepleie- og vernepleieutdanning ved høgskulen, psykologistudentar eller studentar med anna helse- og sosialfagleg retning
Ønskjeleg med erfaring innan psykisk helsearbeid
Fagleg engasjement innan psykisk helsearbeid
Må ha grunnleggjande IKT-kompetanse (Windows OS og Office)
Ønskjeleg med kunnskap om EPJ (elektronisk pasientjournal)
Må meistre norsk, både munnleg og skriftleg godt
Det blir lagt vekt på å vere personleg eigna

Utdanning

Barnevernsfag
Høgskule/universitet, årsstudie / grunnfag
Psykologi
Sjukepleie
Vernepleie

Eigenskapar

Vi ønskjer medarbeidarar som:
har respekt for den enkelte pasient
er sjølvstendige, løysingsorienterte og målretta
har god struktur, men samstundes evne til å vere fleksibel
har gode kommunikasjonsevner
har evner til å førebyggje konfliktar og aggresjon, og å ivareta og handtere engstelege og/eller agiterte pasientar
er tilpassingsdyktige og taklar stressande situasjonar med ro og fagleg haldning
bidreg til eit godt arbeidsmiljø
trivast i eit aktivt og travelt miljø og har høg arbeidsmoral

Vi tilbyr

Stillingsbrøk: 27%
Arbeid pt. kvar 2. helg
Lønn i samsvar med gjeldande overenskomst
Triveleg arbeidsmiljø
Høgt fagleg nivå
Fagleg og personleg utvikling
Introduksjonskurs/brannkurs m.m via læringsportalen
Obligatorisk TERMA-kurs (terapeutisk møte med aggresjon)
Gode pensjons- og forsikringsordningar

Om arbeidsgiveren

Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.

Sektor: Offentlig
Sted: Haukelandsbakken 15, 5021 Bergen
Bransje: Helse og omsorg
Stillingsfunksjon: Helsepersonell