Utløpt

Psykologspesialist

Arbeidsgiver: Helse Bergen - Kronstad distriktspsykiatriske senter DPS
Stillingstittel: Psykologspesialist
Frist: 08.04.2018
Ansettelsesform: Fast

Bli kjent med Haukeland universitetssjukehus

Vil du vere med å vidareutvikle ein travel og spennande poliklinikk saman med andre spesialistar?

Poliklinikken har eit godt, veletablert og fagleg sterkt arbeidsmiljø. Vi har no ledig ei fast 100% stilling, og søkjer etter ein psykologspesialist som vil vere med på å ivareta og vidareutvikle tilbodet til pasientgruppa.

Psykosepoliklinikken tilbyr spesialisthelsetenester til personar over 18 år som har ei psykoseliding. Som ein av dei første i landet har vi organisert poliklinikken i to team som arbeider etter FACT-modellen. FACT står for Flexible Assertive Community Treatment , og kan omsettast til fleksibelt, aktivt og oppsøkjande behandlingsteam. Vi har både poliklinisk og oppsøkande behandling av pasientar. I kritiske fasar kan eit FACT-team tilby tettare oppfølging for å kunne førebygge kriser, hindre at pasienten må innleggast og bidra til å stabilisere ein vanskeleg situasjon.

Poliklinikken er for tida bemanna med fire overlegar, to psykologspesialistar, psykologar, sjuke- og vernepleiarar, sosionomar, ergoterapeut og erfaringskonsulentar. Etter tilsetjing i utlyst stilling vil det vere tre psykologspesialistar i 100% stilling i seksjonen. Ta gjerne kontakt for meir informasjon om stillinga.

Arbeidsoppgåver

Poliklinisk og ambulant, oppsøkjande behandling og rehabiliteringsarbeid av vaksne pasientar med alvorleg psykisk liding
Ansvar for utgreiing, diagnostisering og behandling av pasientar som er tilvist klinikken
Arbeid i tverrfagleg team
Rettleiing til og samarbeid med det lokale hjelpeapparat, undervising og nettverksarbeid
Samhandling med kommunale tenester og spesialisthelsetenesta

Kvalifikasjonar

Spesialist i klinisk psykologi
Brei klinisk erfaring frå psykiatri/ rus og arbeid med målgruppa i spesialisthelsetenesta og/ eller det kommunale tenesteapparatet
Søkjar bør ha førarkort kl. B
Norsk autorisasjon

Utdanning

Profesjonsstudium
Psykologspesialist

Eigenskapar

Du er motivert, fleksibel, initiativrik, interessert og har respekt og engasjement for pasientar med psykoselidingar
Du er tilpassingsdyktig, løysingsorientert og taklar stressande situasjonar med tryggleik, ro og fagleg haldning
Du har gode evner til kontaktetablering og har tolmod og evne til å jobbe langsiktig
Du bidrar til eit godt arbeidsmiljø, har omsorg for deg sjølv og for andre
God munnleg og skriftleg framstillingsevne
Det vil bli lagt stor vekt på at søkjar er personleg skikka til stillinga

Vi tilbyr

Stillingsbrøk: 100%
Eit spennande og engasjert arbeidsmiljø med store faglege ambisjonar
Gode høve til personleg og fagleg utvikling
Utfordrande og varierte arbeidsoppgåver
Lønn i samsvar med gjeldande overeinskomst

Om arbeidsgiveren

Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.

Sektor: Offentlig
Sted: Fjøsangerveien 36, 5054 Bergen
Bransje: Helse og omsorg
Stillingsfunksjon: Helsepersonell / Psykolog