Direktør ved Voss sjukehus
- Stillingstittel
- Direktør ved Voss sjukehus
- Frist
- 02.04.2018
- Ansettelsesform
- Fast
Vi søkjer etter ein leiar som ønskjer å overta eit veldrive sjukehus med fokus på kontinuerleg utvikling og forbetring. Du har god innsikt innan spesialisthelsetenesta, eit breitt samfunnsperspektiv, og vektlegg tverrfagleg arbeid og brukarmedverking.
Om Voss sjukehus
Voss sjukehus er del av Helse Bergen HF og har tett fagleg samarbeid med avdelingane ved Haukeland universitetssjukehus. Voss sjukehus har meir enn 400 tilsette fordelt på 325 årsverk. Nokre avdelingar som til dømes psykiatri, ambulanse og IKT er organisert under andre einingar i Helse Bergen og kjem i tillegg. Sjukehusets driftsbudsjett for 2018 er 350 millionar kroner.
Voss sjukehus er eit lokalsjukehus for 6 kommunar. Vi konsentrerer oss om behandling av pasientgrupper på fagfelta der sjukehuset har akuttfunksjonar. Sjukehuset har akuttberedskap innan medisin, kirurgi, føde, gynekologi og anestesi. Vi har hatt ein fin auke i aktivitet og ønskjer å fortsette den positive utviklinga.
Voss sjukehus har ansvar for spesialfunksjonar som galleoperasjonar, tilbakelegging av utlagt tarm og fedmeoperasjonar. Vi behandlar ca. 150 pasientar per år med hoftenære brot og underarmsbrot direkte frå Bergen Legevakt. I tillegg vert det overført 700-800 pasientar per år frå andre avdelingar sine ventelister, inklusiv elektive keisarsnitt frå Kvinneklinikken. På grunn av stor aktivitetsvekst ligg det føre konkrete planar for arealutviding ved sjukehuset.
Du skal leie engasjerte og dyktige fagfolk og du evner å setje i verk tiltak i organisasjonen gjennom godt samarbeid og handlekraft.
Vi legg stor vekt på samarbeid med kommunane omkring tenester og tilbod. Det blir forventa at du som leiar er ein pådrivar i å vidareutvikle tilbodet i tråd med dette og dei helsepolitiske føringane. Som direktør for Voss sjukehus vil du rapportere til administrerande direktør i Helse Bergen og vere ein del av føretaksleiinga ved Haukeland universitetssjukehus.
Her kan du lese meir om korleis det er å bu i bygda Voss.
Arbeidsoppgåver
- Skape effektive pasientløp gjennom god planlegging og samhandling internt og eksternt
- Gjennomføre strategi-, verdi- og haldningsarbeid
- Sikre rett utvikling av behandling gjennom medisinsk prioritering. Være ein aktiv bidragsytar for å leggje til rette for pasientens helseteneste
- Samhandle med primærhelsetenesta samt med andre einingar på sjukehuset, universitet og høgskular
- Sikre koordinering av den daglege drifta
- Bidra til at medarbeidarar er engasjerte med ønskje om kontinuerlig å forbetre eigen arbeidskvardag
- Totalansvar for økonomi, personale, drift, fag og kvalitet
- Legge til rette for opplæring, utdanning og forsking
- Medansvar for å bidra til at føretaket når sine mål
Kvalifikasjonar
- Medisinsk-, helsefagleg eller anna relevant høgare utdanning på masternivå.
- God og relevant leiarerfaring og/eller -utdanning
- God kunnskap om spesialisthelsetenesta , våre oppdragsgivarar og samarbeidspartnarar
- Kunnskap om forbetringsarbeid og endringsleiing
- Erfaring med mål- og strategiarbeid
- Erfaring frå resultatoppfølging
- Erfaring med tverrfagleg samarbeid
- Erfaring frå endrings- og forbetringsprosessar
Utdanning
- Høgskule/universitet, hovudfag / mastergrad
- Profesjonsstudium
Eigenskapar
- Handlekraftig, inspirerande og inkluderande
- God kommunikasjons- og relasjonskompetanse
- Overordna styrings- og gjennomføringsevne
- Heilskapleg og samfunnsmessig forståing
- God økonomi- og organisasjonsforståing
- Strukturert og planmessig i arbeidet
- Robust
- Viser sjølvinnsikt og klokskap i leiarrolla
- Balanserer refleksjon og analyse med handlekraft
Vi tilbyr
- Stillingsbrøk: 100%
- Ei spennande og utfordrande leiarstilling i eit levande kompetansemiljø
- Gode forsikringsordningar og pensjonsordningar
- Lønn etter avtale
Om arbeidsgiveren
Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.
- Sektor
- Offentlig
- Lederkategori
- Direktør
- Sted
- Sjukehusvegen 16, 5235 Rådal
- Bransje
- Helse og omsorg
- Stillingsfunksjon
- Helsepersonell,
- Lege,
- Ledelse
Spørsmål om stillingen
- Kontaktperson
- Tove Huse Bjerkevoll
- Stillingstittel
- Rådgivar innan leiarrekruttering
- Telefon
- 48 07 38 34
Følg firma
2254 følger dette firmaet
Sjukehusvegen 16, 5235 Rådal