Leiar for ferje- og forvaltningsseksjonen

Veg- og transportavdelinga er fagleg rådgjevar og utførande innan en rekke fagområde som regional byggherre, trafikkinformasjon og styring, geodata, trafikksikkerheit og sykkel, kollektiv, gåing, klima og miljø.

Avdelinga har gjennom ferje- og forvaltningsseksjonen det regionale ansvaret for trafikkteknikk og ITS, legg til rette for utlysing av vegkantutstyr(bomstasjonar), gjennomfører kontroll med arbeidsvarsling og er forvaltar av søknad om spesialtransport og ferjekontraktane. Stillinga som seksjonsleiar er no ledig.

Som seksjonsleiar får du ansvar for å leie og utvikle kompetente medarbeidarar, og vil ha personal- og økonomiansvar. Aktuelle kandidatar må ha interesse for og evne til å gi seksjonens medarbeidarar tydelege og gode rammar.

Den rette kandidaten har evne til å finne balansen mellom operativt og strategisk arbeid, mellom fag og forvaltning og mellom arbeid og fritid både for medarbeidarane og seg sjølv. Seksjonsleiaren må kunne utføre faglege oppdrag ved behov.

Som leiar av seksjonen er det viktig at du

• kommuniserer og samhandlar godt, ser løysingar og kan vise handlekraft gjennom fagleg styrke
• jobbar målretta for at Statens vegvesen skal vere imøtekommande, ha omtanke for omgjevnadane og vere tilgjengeleg
• har høgt fokus på leveransar og utvikling av fagkompetansen i seksjonen
• er resultat- og endringsorientert

Som seksjonsleiar blir det stilt krav om aktiv deltaking i utvikling av heile avdelinga sine ansvarsområder. Stillinga inngår i leiargruppa til avdelingsdirektør.

Ferje- og forvaltningsseksjonens medarbeidarar er lokalisert i Leikanger, Bergen og Stavanger, og leiar må difor pårekne noko reiseverksemd.

Kvalifikasjonskrav

• Høgre utdanning frå høgskule eller universitet, minimum 3 år.
• Leiarerfaring og erfaring innan eit eller fleire av stillinga sine ansvarsområde er ynskjeleg.
• God munnleg og skriftleg framstillingsevne Kunnskap om offentleg forvaltning og vår verksemd er ynskjeleg

For kandidatar med relevant erfaring, og som er spesielt godt eigna for stillinga, kan ein vurdere fråvik frå kvalifikasjonskravet.

Kontorstad for stillinga er Leikanger, men Bergen og Stavanger kan og vere aktuelle kontorstadar. Vi ber om at du oppgjer ønska kontorstad i søknaden.

Stort engasjement, gode strukturar og fagleg utvikling

Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidas løysingar på ditt fagfelt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.

Medarbeidarane våre fortel om spennande arbeidsdagar med god balanse mellom arbeid og fritid.

Vi tilbyr også desse goda:

• introdsjonsprogram og fadderordning
• leiarutviklingsprogram
• fleksitid og gode ordningar for avspasering
• pensjonsordning og muligheit for lån i Statens pensjonskasse
• etatsskular og høve til fagleg påfyll

Lønna blir avtalt nærare i samsvar med lønnspolitikken vår.

Statens vegvesen skal vere prega av mangfald, og dei tilsette hos oss skal spegle befolkninga. Vi legg vekt på å leggje arbeidsforholda til rette dersom du har behov for det.

Vi gjer merksam på at opplysningar om søknaden din kan bli offentleggjorde sjølv om du har bedt om unntak frå offentleg søkjarliste. I så fall blir du varsla om det.

Dersom du har teke heile eller delar av utdanninga di i utlandet, ber vi om ei autorisert oversetjing av dine papir og ei godkjenning frå NOKUT (www.nokut.no).