Utløpt

Seksjonsleiar Samfunns- og trafikksikkerheitsseksjonen

Arbeidsgiver
Statens vegvesen Region vest
Stillingstittel
Seksjonsleiar Samfunns- og trafikksikkerheitsseksjonen
Frist
 
Ansettelsesform
Fast

Samfunns- og trafikksikkerheitsseksjonen ved Veg- og transportavdelinga i Region vest har medarbeidarar med kompetanse på trafikksikkerhet, veg- og trafikkfag, arkitektur/landskapsarkitektur, natur/miljøfag, kulturminner, sykkel, gåing, kollektivtransport, universell utforming, før- og etterundersøkingar, næringslivstransporter og samfunnsplanlegging, skred og ITS. Stillinga som seksjonsleiar er no ledig.

Stillinga som seksjonsleiar inneber dagleg leiing av seksjonen herunder fagleg rettleiing. Seksjonsleiaren må også kunne utføre faglege oppdrag ved behov. Viktige oppgåver blir å legge til rette for utvikling av kompetanse og kapasitet innanfor seksjonen sine arbeidsområde, samt stimulere til god kontakt med andre einingar i regionen. Leiar har personal- og budsjettansvar. Seksjonsleiar går inn i Veg- og transportdirektøren si leiargruppe.

Seksjonen sine hovudoppgåver er:

  • Regionalt ansvar for fagområde som sykkel, gåing, kollektiv, universell utforming, klima/miljø, vegservisetilbod og skred
  • Faglege bidrag i arbeid med Nasjonal transportplan og handlingsprogram
  • Følgje opp Nasjonal handlingsplan for trafikktryggleik
  • Næringslivets transportar
  • Utvikling av transportmodellar
  • Reisevaneundersøkingar
  • Bidra og gi fråsegn til regionale planstrategiar og transportplanar
  • Trafikktryggleik og risikostyring Kontakt med fagmiljø internt og eksternt

Medarbeidarane på seksjonen har kontorstad i dei tre vestlandsfylka, og ein må rekna med ein del reiseverksemd. 

Krav til kvalifikasjonar:

  • Høgare utdanning frå universitet/høgskule, minimum 3 år. Solid relevant erfaring og oppnådde resultat kan kompensere for manglande utdanning.
  • God, fagleg erfaringsbase
  • Erfaring frå leiing av tilsvarande fagmiljø
  • Kjennskap til offentleg forvaltning og vår verksemd er også ynskjeleg

Vi ønskjer ein leiar som:

  • Har evne til å inspirere medarbeidarar og skape kultur for samarbeid
  • Har pådrivareigenskapar, og har god evne til gjennomføring
  • Er resultat- og endringsorientert med evne til å tenke heilskapleg
  • Har evne til å legge til rette for vidareutvikling og nytenking
  • Har god evne til kommunikasjon både munnleg og skriftleg  

Kontorstad er Leikanger, men Bergen og Stavanger kan og vere aktuelle kontorstadar. Vi ber om at du oppgjer ønska kontorstad i søknaden.

Stort engasjement, gode strukturar og fagleg utvikling

Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidas løysingar på ditt fagfelt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.

Medarbeidarane våre fortel om spennande arbeidsdagar med god balanse mellom arbeid og fritid.

Vi tilbyr også desse goda:

  • introduksjonsprogram og fadderordning
  • leiarutviklingsprogram
  • fleksitid og gode ordningar for avspasering
  • pensjonsordning og muligheit for lån i Statens pensjonskasse
  • etatsskular og høve til fagleg påfyll

Lønna blir avtalt nærare i samsvar med lønnspolitikken vår. Statens vegvesen skal vere prega av mangfald, og dei tilsette hos oss skal spegle befolkninga. Vi legg vekt på å leggje arbeidsforholda til rette dersom du har behov for det.

Vi gjer merksam på at opplysningar om søknaden din kan bli offentleggjorde sjølv om du har bedt om unntak frå offentleg søkjarliste. I så fall blir du varsla om det. Dersom du har teke heile eller delar av utdanninga di i utlandet, ber vi om ei autorisert oversetjing av dine papir og ei godkjenning frå NOKUT (www.nokut.no).

 

Om arbeidsgiveren

Statens vegvesen arbeider for at både gåande, syklande, køyrande og kollektivreisande skal komme trygt fram. Vi planlegg, bygger, drifter og vedlikeheld riks- og fylkesvegar og har tilsyn med køyretøy og trafikantar. Som vegadministrasjon for fylkeskommunane og staten yter vi fagleg grunnlag for politiske avgjerder og set dei ut i livet. Vi er ein stor samfunnsaktør med over 7600 engasjerte medarbeidarar med brei kompetanse fordelt på Vegdirektoratet og fem regionar.

Sektor
Offentlig
Sted
Askedalen 4, 5008 Bergen
Bransje
Bygg og anlegg,
Offentlig administrasjon
Stillingsfunksjon
Ledelse,
Ledelse

Spørsmål om stillingen

Kontaktperson
Hanne Hermanrud
Telefon
51 91 13 91
Følg firma
448 følger dette firmaet

Askedalen 4, 5008 Bergen

Annonseinformasjon

FINN-kode 103476618
Sist endret 1. sep. 2017 13:36

Rapporter annonse